InfoHub Logo

«Ertegiler elinde» altyn kúz erteńgiligi.
Sahna ishi merekege saı bezendirilgen. sazdy áýen júrip tur.
Júrgizýshi: Tyrna kókte tyraýlap,
Qosh qosh aıtty,
«Kettim» - dep.
Shóptiń basyn qyraýlap,
Kúz de kelip «jettim» dep kúz merekesi de kelip jetti.
Qurmetti ata - analar, qymbatty balalar, kúz merekesine arnalǵan «Ertegiler elinde» atty ertegiligimizge qosh keldińizder. Balalar men senderge óleń oqımyn tyńdańdarshy.
Bulttar tógip, jerge shógip,
Dymqyl tuman basady.
Shóp sarǵaıyp, óńi toıyp,
Dala sury qashady.
Boı jaza almaı,
Oınaı almaı,
Deneń muzdap tońady.
Bóbekterim aıtyńdarshy
Bul qaı kezde bolady?
Balalar: «Kúz mezgili»!
Júrgizýshi: Endeshe balalar «Kúz hanshaıymyn» ortaǵa shaqyraıyqshy.
Kúz hanshaıymy:
Sálem meniń dostarym,
Ómirge kóp qosqanym.
Kúz syılyǵyn alyńdar,
Syılyǵyma qanyńdar.
Molshylyqqy kenelip,
Shattyq ánge salyńdar.
Kemel: Kúzdiń syıyn alaıyq,
Qyzyǵyna toıaıyq.
Kúzge arnap bárimiz,
Ánimizdi salaıyq.

Erkenaz: Berekesin syılaýǵa,
Ólkemizge kúz keldi.
Jemisterin jınaýǵa,
Shaqyrady bizderdi.
Kúz: Balalar meniń armanym bar. Sender qalaı oılaısyńdar, men armanymdy aıtsam oryndaısyz ba?
Júrgizýshi: Aıtyńyz. Balalar tyńdaıyq. Kúzdiń qandaı armany bar eken?
Kúz: Men kóptegen merekelerde boldym. Óleń, án, taqpaqtar tyńdadym. Al men endi ertegi kórgim kep turǵany. Maǵan ertegi kórsetesizder me?
Júrgizýshi: Balalar biz qandaı ertegilerdi bilemiz, esimizge túsireıikshi.
Balalar: «Qyzyl telpek»,«Maqta qyz ben mysyq»,«Aıý men masha», «Qasqyr men jeti laq», «baýyrsaq»