InfoHub Logo

Ortańǵy «Tolaǵaı» toby
Bilim berý salasy:"Áleýmettik orta".
Bólimi: Kórkem ádebıet.
Taqyryby:"Ertegiler eline saıahat"
Maqsaty: Balalardyń kórkem shyǵarmany túsine bilýin qalyptastyrý. Ertegi keıipkerleriniń áreketterin jáne júris - turysyn baǵalaýǵa úıretý Sýretke kóńil qoıyp mazmunyn aıtýǵa úıretý. Sóz qoryn jetildirý, jan – jaqty bilimderin keńeıtip, tapsyrmalardy juptasa oryndatý. Eńbekqorlyqqa, dostyqqa, kishipeıildikke meıirimdilikke tárbıeleý. Kórnekilikter: Orman beınesi, ańdardyń bet perdeleri, beınetaspa.
Ádis tásilderi: suraq, jaýap kórinis.

Júrý barysy:
Kirispe.
Shattyq sheńberi:
Kel, balalar, kúleıik,
Kúlkimenen túleıik!
Qabaq túıgen ne kerek,
Kóńildi bop júreıik!
Kel, balalar, kúleıik!
Kúlkimenen túleıik!
Kúlki kóńil ashady,
Kúlip ómir súreıik!
Tań qaldyrý: osy kezde bólmege qaǵazdan jasalǵan tik ushaq ushyp keledi.
Tárbıeshi:
- Oı, balalar mynaý ne, ashyp kóreıik pe?
Balalar:
- Tańdana ıá!- deıdi.
Tárbıeshi:
- Balalar mynaý hat eken, munda ne jazylǵanyn oqıyn ba?
Balalar:
- Iá!
Tárbıeshi:
- Bul hatta bylaı dep jazylǵan: «Balalar men senderdiń dostaryń - Sıqyrshy balamyn, sender meni umytpaǵan bolarsyńdar, men jańa jyl merekesinde senderge qonaqqa kelip edim, senderge shyrshany jaǵýǵa kómektesip edim, meni umytpaǵan bolarsyńdar. Endi balalar maǵan senderdiń kómekteriń kerek bolyp tur. Meniń sıqyrly taıaqshamdy Mystan kempir tartyp alyp ormanǵa laqtyryp ketti, al ózimdi Ertegiler elindegi qamalǵa qamap ketti. Men shyǵa almaı jatyrmyn. Maǵan sıqyrly taıaqshamdy taýyp bere alasyńdar ma? Sıqyrly taıaqshammen sıqyr jasap qamaldan shyǵa alar edim. Sálemmen Sıqyrshy bala».
Balalar kómektesemiz be, Sıqyrshy balaǵa?
Balalar:
- Iá, kómektesemiz.

Tárbıeshi:
- Endeshe balalar bizder ormanǵa saıahatqa attanaıyq. Aldymen ormanǵa barý úshin kerekti quraldar alyp keteıik. Olar: joldorba, bal, baýyrsaq, dáke, maqta, ıod, arqan. Mine kerekti quraldardy aldyq. Endeshe barlyǵymyz kózderimizdi jumyp, bir - birińniń ıyqtaryńnan ustap meniń artymnan erińder.(ormannyń áýeni shyǵady).
Balalar kózderińdi ashyńdar! Biz ormanǵa keldik.
Balalar aınalalaryna qarap ań - tań boldy.
Tárbıeshi:
- Balalar myna kópirdiń ústimen abaılap júrińder, ózenge túsip ketpeńder!
Aldymyzda turǵan neniń úıi eken, balalar esigin soǵyp kórińdershi.
Úıshikten qoıan shyǵady. Qoıan:
- Oı, oı, oı sender qaıdan júrsińder?
Balalar qoıanmen amandasady.
Tárbıeshi:
- Balalar bizder ormanǵa ne úshin kelgenimizdi qoıanǵa aıtyp berińdershi.
Balalar:
- Bizder ormanǵa Sıqyrshy balanyń sıqyrly taıaqshasyn izdep keldik. Bizge kómektese alasyz ba?
Qoıan:
- Meniń bir shartym bar, eger sony oryndasańdar men qaıdan kórgenimdi aıtam.
Tárbıeshi:
- Balalar kelisemiz be?
Balalar:
- Iá, kelisemiz!
Qoıan:
- Olaı bolsa men ertegilerdiń úzindileri beınelengen kýbty jerege laqtyram, qaı sýret túsedi sol ertegini aıtyp beresińder. Qoıan kýbty laqtyrady.
Balalar:
- Bul «Baýyrsaq» ertegisi. Ertegini aıtyp beredi.
Qoıan:
- Jaraısyńdar balalar! Taǵy qandaı ónerleriń bar?
Elnýra:
Uzyn qulaq, sur qoıan,
Estip qalyp sybdyrdy,
Oıly - qyrly jermenen
Ytqyp - ytqyp júredi.
Túlki:
- Men senderge rızamyn, aqyldy, tapqyr ekensińder. Sıqyrly taıaqshany qasqyrdan kórdim, al men kettim - dep balalarmen qoshtasady da, sekirip qashyp ketedi.
Tárbıeshi:
- Balalar estidińder ǵoı, endi biz kimdi tabýymyz kerek?
Balalar:
- Qasqyrdy.
Tárbıeshi:
- Endeshe ári qaraı júreıik.
Yńyldaǵan qasqyrdyń daýysy shyǵady. Qasqyr kómek surap ulyp jatady.
Tárbıeshi:
- Balalar estidińder me, bir daýys shyǵady. Ol daýys qaıdan shyǵyp tur?
Balalar:
- Iá, estidik. Bul qasqyrdyń daýysy ǵoı. Myna jerden - dep, úńgirdi kórsetedi.
Úńgirde qapqanǵa túsip qalǵan qasqyr jatady. Balalar men tárbıeshi kómektesip qasqyrdyń qaqpanyn ashyp beredi.
Qasqyr tárbıeshi men balalarǵa tap beredi.
Tárbıeshi:
- Balalar aıtyńdarshy qasqyrdyń isi durys pa, jaqsylyqqa jamandyq jasaýǵa bola ma?
Balalar:
- Joq, durys emes. Bizdi jiberińizshi.
Qasqyr:
- Men senderdi jeımin, meniń qarnym ash.
Tárbıeshi:
- Bizde seniń qarynyńdy toıdyratyn nárse bar dep sebetten nan alyp beredi.
Qasqyr nandy jep alyp:
- Meniń qarnym toıdy, senderdi bosatam biraq bir tapsyrmam bar. Men senderge óleń jolyn aıtam, qaı ertegide kezdesetin óleń ekenin aıtsańdar, men senderdi bosatam - deıdi.
Óleń: «Shyraqtarym, laqtarym, analaryń keldi. Senderge sút ákeldi, esikti ashyńdar!»
Bul qaı ertegi?
Balalar:
- Bul «Qasqyr men jeti laq» ertegisi.
Qasqyr:
- Jaraıdy bosataıyn sender jaqsy balalar ekensińder - dep, ormanǵa ketip qalady.
Tárbıeshi men balalar ári qaraı jol tartady. Aldarynan úńgir shyǵady.
Úńgirdiń ishinen túlki shyǵady.
Túlki:
- Sender ormanda ne istep júrsińder?
Tárbıeshi:
- Balalar bizder ormanǵa ne úshin kelgenimizdi qoıanǵa aıtyp berińdershi.
Balalar:
- Bizder ormanǵa Sıqyrshy balanyń sıqyrly taıaqshasyn izdep keldik. Bizge kómektese alasyz ba?