InfoHub Logo

Informatıka 6 synyp
Sabaqtyń taqyryby: Kompúterlik jelilerdiń negizgi túrleri. Internetten aqparat izdeý

Sabaqtyń maqsaty:
Bilimdilik
A) Aqparattyq – komýnıkasıalyq tehnologıanyń múmkindikterin úıretý arqyly oqýshylardyń qyzyǵýshylyqtaryn artyrý.
Á) Internet jelisinde aqparat izdeý týraly túsinikteme berý jáne ony qurý tásilderine úıretý.
B) Internet jelilerin úıretý arqyly oqýshylardyń aqparattyq mádenıetin qalyptastyrý.
Damytýshylyq: Óz betinshe jumys isteý daǵdysyn qalyptastyra otyryp, ınternetti paıdalana bilýge úıretý;
Tárbıeliligi: Oqýshylardyń kompúterge degen qyzyǵýshylyǵyn arttyrý, eńbekke tárbıeleý, ınternet arqyly aqparat almasa bilýge tárbıeleý.
Sabaqtyń túri: dástúrli sabaq.
Sabaqtyń kórnekiligi: ınteraktıvti taqta, kompúter, Internet.
Sabaqtyń ádisi: oıyn, suraq - jaýap, túsindirý ádisteri.

Sabaqtyń barysy:
I. Uıymdastyrý kezeńi
a) Oqýshylardy túgeldeý
á) synyp tazalyǵyn tekserý

II. Úıge berilgen tapsyrmany tekserý:
Power Point ne úshin arnalǵan baǵdarlama
Power Point - ty iske qalaı qosýǵa bolady?
Slaıd degenimiz ne?
Prezentasıa dep neni ataıdy?
Slaıdtardy qalaı qosýǵa bolady?
Slaıdqa obektilerdi qalaı kiristiredi?
Jańa slaıd ashý tásilderi?
Slaıdty kórsetý ádisteri?
Slaıdty saqtaý?
Slaıdtardy tolyq ekranǵa kórsetý batyrmasy?

III. Jańa sabaq túsindirý kezeńi.
Elbasymyzdyń Qazaqstan halqyna joldaýynda HHİ ǵasyrda aqparattyq qoǵam qajettiligin qanaǵattandyrý úshin kompúterlik tehnıkany, ınternet, telekomýnıkasıalyq jeli, elektrondyq jáne telekomýnıkasıalyq quraldardy, mýltımedıalyq elektrondyq oqýlyqtardy oqý úrdisine tıimdi paıdalana bilý kerektigin atap kórsetti.
Kompúterlik jeliniń negizgi túrleri olar:
Kompúterlik jeli
Jergilikti jeli
Aýqymdy jeliler
Kompúterlik jeli degenimiz – resýrstardy
(dısk, prınter, faıl, qurylǵylar) tıimdi paıdalaný maqsatynda bir birimen baılanystyrylǵan kompúterler tizbegi. Jeli arqyly oǵan qosylǵan kez kelgen kompúterdegi aqparatty jedel qaraýǵa bolady.
Jergilikti jeli – sany shekteýli ádette 100 - ge deıin kompúterlerdi bir uıym nemese mekeme ishinde biriktirý úshin qoldanylady. Jergilikti jeli aımaqty bir bólmede, bir mekemede, zaýyt, nemese kompúterlerdi biriktiredi.
Aýqymdy kompúterlik jeli bul bir nemese birneshe jelilerdi ózara baılanystyrý ıaǵnı qala, aımaq, el, búkil jer sharyn qamtýy múmkin.
Qazirgi ýaqytta mańyzdy baılanystyń biri – Internet. Qazaqstan Respýblıkasynyń bilim berý júıesin aqparattandyrý elimizdiń damý strategıasynyń negizgi baǵyttarynyń biri, sebebi XXI ǵasyr – bilim berý júıesin aqparattandyrý ǵasyry. Qazirgi maman zamanǵa sáıkes kompúterlik tehnologıalardy meńgerýmen qatar Internette jumys jasaı alýy kerek.

Internet jelisine qosylý úshin kompúterge modem kerek. Modem degenimiz – bul kompúterge telefon jelisi jáne symdary arqyly málimet almasýǵa múmkindik beretin qurylǵy. Modem arqyly qosylym jasaý úshin kompúterge ıesine laıyqty provaıder taýyp Internette jumys isteýge kelisimge otyrýǵa bolady.