InfoHub Logo

Maqsaty: Ertegini balalarǵa oqyp berip, ertegi keıipkerlerimen tanystyrý. Jaǵymdy jáne jaǵymsyz keıipkerlerdi ajyrata bilýge úıretý. Rólderge bólip oınaı bilýge daǵdylandyrý. Sózdik qoryn molaıtyp, tilin, este saqtaý jáne oılaý qabiletterin damytý. Balalardy uıymshyldyqqa, adaldyqqa tárbıeleý.
Kórnekiligi: Taldar, shyrsha, sańyraýqulaq, gúlder, sıyr, buzaý, úı aýlasy, ertegi keıipkerleri.

İ. Uıymdastyrý kezeńi:
Qurmetti qonaqtar, balalar!
Bizdiń «Ertegiler eline» atty erteńgiligimizge qosh keldińizder.
Erte, erte ertede,
Eshki júni bórtede.
Qyrǵaýyly qyzyl eken,
Quıryq júni uzyn eken - dep biz neni bastaımyz?
Avtor: Bar eken de, joq eken baıaǵyda bódene men túlki dos bolǵan eken. Bir kúni túlki bódenege aıtady:
Túlki:
- Dosym, sen meni bir ólerdeı kúldirtshi.
Avtor: - deıdi.
Bódene:
- Jaraıdy, sońyma er,
Avtor: - deıdi. Sóıtedi de, bódene bytpydyq, bytpyndyq dep, ushyp kete beredi, túlki onyń sońynan erip otyrady. Áldene ýaqytta bódene bir aýyldyń syrtyna kelip qonyp, túlkige:
Bódene:
- Dosym sen osy jerde qarap otyr, men seni qazir kúldiremin.
Avtor: - deıdi. Osylaı dep bódene ushyp baryp, sıyr saýyp otyrǵan bir áıeldiń basyna baryp qonady. Muny úıdiń janynda aǵash jonyp jatqan onyń kúıeýi kórip:
Kúıeýi:
- Qatyn basyńa bódene qondy, qozǵalma, ony men uryp alaıyn.
Avtor: - deıdi. Deıdi de qolaǵashty alyp, bódenege jiberip qalady. Bódene ushyp ketedi. Áıel sulap qalady. Túlki ishek – silesi qatyp kúledi. Túlki áldene ýaqytta kúlkisin áreń tyıyp:

Túlki:
- Dosym, rızamyn, ólerdeı kúldirdiń. Endi sen meni bir ólerdeı qorqytshy.
Avtor: - deıdi.
Bódene:
- Jaraıdy. Men bytpyldyń, bytpyldyń dep ushyp otyramyn, sen kózińdi tars jumyp, meniń sońymnan erip otyr. Men kózińdi ash degende ǵana ash
Avtor: - deıdi. Osylaı bódene bytpyldap ushyp otyrady, túlki kózin jumyp, onyń sońynan jortyp otyrady. Bir kezde bódene túlkige:
Bódene:
- Kózińdi ash
Avtor: - deıdi. Túlki kózin ashyp jiberse tóńiregi tola ıt júgirtip, qus salǵan ańshy eken. Túlki júregi tas tóbesine shyǵady.
- óldi degen osy eken, - dep ol bar pármenimen qasha jóneledi. It, qus sońyna túsip qýady.
Túlki bir ýaqytta qashyp qutylyp, bir butaqtyń túbine kelip demalyp otyrady.
Áldene ýaqytta bódene keledi, oǵan túlki ashýlanyp:
Túlki:
- Qorqyt degende osylaı qorqyt dep pe, em. Sen meni qorqytpaqshy emes, óltirmekshi bolǵan ekensiń. Men seni jeımin.
Avtor: - dep, bódenege dúrse umtylady. Bódene pyr etip, ushyp ketedi. Túlki onyń quıryǵyn julyp alyp qalady.
Qane endi ortaǵa keıipkerlerimizdi shaqyraıyq.
Bódene rólin oınaǵan –
Túlki rólin oınaǵan –
Kúıeýiniń rólin oınaǵan –
Áıeliniń rólin oınaǵan -
Ańshylar rólin oınaǵandar –
Balalar sender óte tamasha keıipker rólinde oınadyńdar. Senderge kóp rahmet aıtamyz. Osylaı barlyq jerde ózderińdi belsendi, tapqyr, ártis retinde kórsete bildińder.
Erteńgiligimiz aıaqtaldy kelgen qonaqtarǵa kóp rahmet.