InfoHub Logo

Maqsaty: "Qýanysh","baqyt","qamqorlyq","shattyq" qundylyqtarynyń mánin túsindirý.
Mindetteri:
- otbasynda úılesimdi qarym - qatynas jasaýǵa úıretý;
- otbasy múshelerine qamqorlyq, janashyr sezimderin damytý;
- otbasyndaǵy ózara syılastyqqa tárbıeleý.
İs - árekettiń kórnekiligi:
Interaktıvti taqta, úlestirmeli sýretter, konvertter, hattar jáne vıdeorolık.

- Sálemetsizder me, balalar!
Kelgen qonaqtarmen amandasaıyq.
Qýan! Shattan! Alaqaı!
Qýanatyn kún keldi!
Sálemetsizder me!?

- Al, balalar, turaıyq,
Shattyq sheńber quraıyq.
Atamnan bastalar,
Ájemmen qostalar.
Otbasym mynalar:
Eń jaqyn adamdar
Ákem men anam bar,
Bir týǵan aǵam bar,
Bir týǵan apam bar...
Bárin jaqsy kóremin
Erkeleımin eremin!

Oqýshylar tárbıeshimen birge óleń shýmaqtaryn qaıtalaıdy.
- Óte jaqsy, ornymyzǵa otyraıyq.

Ata, áje, ana, áke týraly ózimizge tanys, biletin taqpaqtarymyzdy aıtaıyq.

Ásel:
Meni jaqsy kóredi,
Kúndeı kúlip keledi.
Kóp ertegi biledi,
Maǵan aıtyp beredi.

Parasat:
Áke – asqar taý,
Ana – aǵyp jatqan bulaq.
Bala – jaǵasyndaǵy quraq.

Arsen:
Atamnyń alyp kúregin,
Aýlanyń qaryn kúredim.
Ájeme men qudyqtan
Sý ákelip beremin.
- Kelesi taqpaqty men aıtamyn, al, sender jaýabyn tabasyńdar.
Kózi, ózi, basy, aıaǵy, qoly kishi.
Ózime uqsaıdy túsi,
Biraq joq aýzynda tisi.
Bul kim bóten?
- Bópem

- Endi ekranǵa qaraıyq. Kimderdi kórip turmyz? Bir sózben otbasy dep ataımyz.
- Senderdiń otbasylaryńda kimder turady?
Suraqtarǵa jaýap beredi.

Áńgimeleý: "Bir ananyń alty qyzy"
- Sender analaryń alystan kelgende qandaı sezimde bolasyńdar?
Balalardyń jaýaptary.

- Otbasy - úlken qýanyshtyń, qamqorlyqtyń, baqyttyń ortasy eken. Bala otbasynda jaqsy tárbıelense, óskende ádepti, aqyldy azamat bolyp ósedi. Qashanda otbasy múshelerine kómektesý, úlkenderdiń aıtqanyn tyńdaý ár balanyń qolynan keledi.
Muqıat tyńdaıdy.

Dáıeksóz
"Uıada ne kórseń, ushqanda sony ilesiń"
Sergitý sáti.
Bárimiz birge turyp - ap,
Tabaqqa undy úıemiz.
Jumyrtqa qosyp, sýmenen,
Qamyr ılep alamyz
Anamyz úshin biraq ta,
Umyttyq neni qosýdy?
Qýanysh!
Shattyqpen qamyr ıledik,
Qýanysh oǵan qosyldy
Ákemiz úshin biraq ta,
Umyttyq neni qosýdy?
Sáttilik!
Meıirimmen qamyr tátti bop,
Baqyttyń dámin tosamyz.
Meıirimge neni qosamyz?
İsimiz sondaı sátti bop,
Bal kúlkini qosamyz!

- Balalar, bárin aralastyrdyq, endi aspazǵa berip jibereıik.
Ózimmen ózim.
Balalar kózderin jumyp, ózderine jaqyn adamdardy elestetedi.
Tárbıeshi:
- Kimderdi elestettińder?
- Ásel sen kimdi elestettiń?
- Dıana, sen she?
- Bekarys, sen kimderdi elestettiń?

Óz oılaryn aıtyp beredi.

Endeshe, balalar, alystaǵy jaqyn adamdaryńnan senderge hat keldi, men oqyp beremin.
(eki ne úsh hatty oqyp beremin)
Balalar ózderine kelgen hattardy tyńdaıdy.
Tárbıeshi:
- Balalar, biz búgin otbasy týraly qandaı ǵajaıyp sóz úırendik?
Otbasy neniń ortasy eken?
Balalar:
- Qýanysh, shattyq, meıirimdilik, súıispenshilik.

- Alystaǵy ata - ájelerińe, apalaryńa, týystaryńa hat jazǵylaryń kele ma?

- Iá, jazǵymyz keledi.

Ekrandaǵy sýretterdiń sıpattaryn aıtyp beremin. (kún - jylýlyq, gúl - ádemilik, kógershin - tatýlyq, júrek - jaqsy kórý, súıý, aǵash - densaýlyq)
Sýretterdiń neni bildiretinin muqıat tyńdap alady.
- Sender kishkentaısyńdar, óz betterińshe hat jaza almaısyńdar. Sondyqtan osy sýretter arqyly ózderińniń aıtatyn oılaryńdy bildiresińder.

Sýretterdi aldyn ala daıyndap qoıǵan konvertterge salady.

Mine, sıqyrly poshtaǵa jazǵan hattarymyzdy da saldyq.
Bizdiń úıden án tarap,
Dýmandatar ómirdi.
Bizdiń úıde saltanat,
Bizdiń úıde kóńildi.
Balalar dóńgelene turyp, óleń shýmaqtaryn tárbıeshimen birge aıtady.

Esik qaǵylyp, aspazshy keledi.
- Mine, balalar, biz daıyndaǵan "Baqyt" dámi de kelip qaldy. Qonaqtarymyzben birge "baqyt" dámin tataıyq.
Balalar ǵajaıyp sátti qýana qabyldaıdy.

- Apamyzǵa arnap óleń aıtyp bereıik.
İs - áreket sońynda "Apam úshin" ánin aıtady.

Búgingi uıymdastyrylǵan ashyq oqý is – áreketine óte jaqsy qatynastyńdar, senderge kóp - kóp rahmet.