InfoHub Logo

Tárbıe saǵaty 2 synyp

Taqyryby: «Erteńgi baqytty bolashaq!»
Maqsaty: Otan, ana tili, otbasy, mektep jaıly bilimderin tolyqtyrý.
Otandy qorǵaýǵa, qurmetteýge, ana sútimen daryǵyn qasıetti ana tilin súıýge, qasterleýge, úlkendi syılaýǵa, talmaı bilim alýǵa, ádeptilikke, adamgershilikke, eńbeksúıgishtikke tárbıeleý.
Kórnekiligi: «Erteńgi baqytty bolashaq!»atty plakat, sýretter, naqyl sózder.

Júrgizýshi:
Bala shaqqa bolashaqty jyrlatyp,
Shákirtterge oı túzetken symbatty.
Kún nuryndaı sáýle quıǵan kóńilge,
Armysyzdar, ustazdarym qymbatty.
Júrgizýshi:
Qurmetti ustazdar! 2 «a» synyp oqýshylarynyń daıyndaǵan «Erteńgi baqytty bolashaq!» atty tárbıe saǵatyna qosh kelipsizder!

Hor: ánuran
Muǵalim: Shuǵyla, sen ózińdi ne úshin baqytty baldyrǵanmyn dep oılaısyń?
Oqýshy: - Iá, men ózimdi baqytty dep sanaıtyn sebebim, óıtkeni meniń súıikti Otanym, qasıetti ana tilim, ardaqty da aıaýlym ata - anam bar. Al osynyń bárin súıip ardaqtaı bilýdi maǵan altyn uıa mektebim men ustazdarym úıretti.
Muǵalim: Olaı bolsa, osy suraqqa sender qalaı jaýap berer edińder?
1 - Oqýshy:
Eń birinshi baqytym halqym meniń,
Soǵan berer oıymnyń altyn kenin.
Ol bar bolsa, men barmyn qor bolmaımyn,
Qymbattyraq altynnan narqym meniń.
2 – oqýshy:
Al ekinshi baqytym tilim meniń,
Tas júrekti tilimmen tilimdedim.
Keı – keıde dúnıeden túńilsem de,
Qasıetti tilimnen túńilmedim.
3 – oqýshy:
Baqytym bar úshinshi Otan degen,
Qudaı degen kim dese Otan der em.
Oty sóngen jalǵanda jan barsyń ba?
Oılanbaı – aq kel daǵy ot al menen.
Hor «Otan»

4 – oqýshy:
«Otan» degenimiz – tórt áripten turatyn sóz. Osyny aıtqan kezde qazaq tilin biletin kez kelgen adam kóz aldyna óziniń atamekenin elestetedi.
6 – oqýshy:
Otan deımiz ot jaqqan jerimizdi,
Otan deımiz ósirgen elimizdi.
Otan deımiz týǵan jer, atameken,
Bıik taý, orman toǵaı kólimizdi.
7 – oqýshy:
Otanym meniń keń baıtaq Qazaqstan,
Aman ótken talaı dúleı azaptan.
Bar álemdi óz aýzyna qaratqan,
Kim bar qane artyq deıtin qazaqstan?!
8 - oqýshy:
O, Otanym qulygyńmyn qoınyńda,
Ózińmen ómirim óziń de balań oıym da.
Bolashaǵyń kúlimdegen erteńgi
Otan – Ana myna meniń moınymda.

Án: «Kók týdyń jelbiregeni»
Oryndaýshylar: Nurjigit, Qýanysh, Aqtilek, Salamat

9 – oqýshy:
Baqytty bop júrgenim,
Seniń arqań, Uly Otan.
Sarqylmaıtyn qýatym,
Tiregimsiń sen, Otan.
Oqýshy:
Biz – baqytty baldyrǵanbyz. Óıtkeni bizdiń ana sútimen taraǵan qasıetti ana tilimiz bar. Ana sútimen daryǵan ana tilińdi umytý – búkil ata – babamyzdy, tarıhymyzdy umytý dep Baýyrjan Momyshuly aıtqandaı, biz ana tilimizdi eshqashan umytpaımyz.
Júrgizýshi:
Biz baqytty baldyrǵanbyz. Óıtkeni bizdi osyndaı dárejege jetkizip, mápelep, aıalap ósirgen aıaýly ata – analarymyz, ata – ájelerimiz bar. Sondyqtan, bizdiń ata – anaǵa, ata – ájege degen alǵysymyz máńgi, sheksiz.
Oqýshy:
Bastadym sózimdi ana dep men,
Sebebi anam ǵoı meni adam etken.
Ómirdiń bar asylyn boıyna jıyp,
Dúnıeniń ardaqtysy anam eken.

Oqýshy: Aman bol, ór tulǵaly ákelerim,
Qyran qustaı bolashaǵym mápelegen.
Búgin mine óz ónerin kórsetedi
Azamat bop keshegi sábı erkeleriń.

Án: «Ananyń tili»
Oryndaıtyndar: Nurjigit, Qýanysh

Oqýshy:
Aıtady ertek jan atam,
Aq saqalyn salalap,
Qumarymdy tarqatam,
Jer men kókti aralap.
Ertegiler eline birshegetin sapardy
Ardaqtaımyn ómirde asqar taýdaı atamdy.

Oqýshy:
Ertigisi, óziniń, taýsylmaıdy ne túrli,
Ájimderdi kóziniń, aq meıirim sekildi,
Kımeshegin, jaýlyǵyn, teńep appaq gúlge men
Ájemniń densaýlyǵyn tilep júrem kúnde men.

Kórinis: «Atasy men nemeresi»

Júrgizýshi:
Al biz keleshekte ómirimizdiń shamshyraǵy bolatyn óner – bilimdi úıretip jatqan altyn uıa mektebimizben aıaýly ustazdarymyzdyń arqasynda ózimizdi baqytty baldyrǵan dep sanaımyz.
Júrgizýshi:
Aıalaǵan baptaǵan,
Asyraǵan, saqtaǵan,
Saqtandyryp kúnde eppen
Mektebime myń alǵys!
Mektebime myń alǵys!

Án «Mektebim»
Oryndaýshy: Shuǵyla, Ánel

Júrgizýshi:
Tynyshtyq barshamyzdyń uranymyz
Máńgilik taýsylmaıtyn jyr ánimiz.
Armannyń asqaryna qanat qaqqan
Baqytty beıbit eldiń ulanymyz.

Hor: «Atameken»
Nazar qoıyp tyńdaǵandaryńyzǵa rahmet! Qosh saý bolyńyzdar!