InfoHub Logo

1 synyp
Álippemen qoshtasý
Erteńgiliktiń maqsaty:
• Alǵash qoldaryna alǵan bilim bastaýy bolǵan álippeden úırengenderin tıanaqtaý;
• Álippege arnalǵan óleńderdi jatqa aıtý arqyly oqýshylardyń til baılyǵyn damytý;
• Óleń arqyly oıyn jetkizýge baýlý;
• Oqýshylardyń ónerin tamashalaý, erkin sóıleýin, este saqtaý qabiletin damytý, ata – anamen baılanysty nyǵaıtý. Otanyn, mektebin, ustazdaryn, ata – analaryn qurmettep, estetıkalyq talǵamdaryn keńeıtip, oqý, bilim alýǵa tárbıeleý;

Kórnekiligi: naqyl sózder, áripter, sýretter, sharlar, ınteraktıvti taqta
Ótý barysy:
Muǵalimniń kirispe sózi: «Qurmetti ata - ana, ustazdar. 1 «a» synyp oqýshylarynyi álippemen qoshtasý erteńgiligine qosh keldińizder. Biz búgin ǵylym áleminiń alǵashqy baspaldaǵy Álippeni aıaqtap, bilim atty uzaq joldyń alǵashqy asýynan asyp turmyz. Álippeni jemisti aıaqtaýǵa qolǵabys bergen ata - analarǵa zor alǵysymdy bildiremin. Endeshe, osy saltanatty merekemizdiń ıeleri 1 «a»synyp oqýshylaryn qarsy alaıyq.»

Hor: Ánuran

1 - júrgizýshi: Salamat
Kóz salyp, qarańyzshy boıymyzǵa,
Ortaq bop búgingi bizdiń oıymyzǵa,
Qosh kelipsiz, ustazdar, ata - analar,
Álippemen qoshtasý toıymyzǵa!

2 – júrgizýshi: Nursezim
Armysyzdar, analar
Barmysyzdar balalar.
Sózime qulaq salyńdar,
Álippege arnalmaq
Búgingi jyr - ánimiz.

1 - júrgizýshi: Salamat
Áripterdi tanyǵan,
Óńkeı bilgish baldyrǵan.
Ósti mine boılaryń,
Qutty bolsyn toılaryń.

2 – júrgizýshi: Nursezim
Bizdiń synyp tamasha
Kóz tartady qarasa
Keshikpeıdi sabaqtan
Kúnde túgel, sanasa.

1 - júrgizýshi: Salamat
- Balalar, ishi toly áripke,
- Bilimdegi jaryq ne?

Hormen oqýshylar: Bolashaqqa jol ashqan,
Ol – súıikti álippe.
Hor: Álippe

Kenjeqyz:
İshi toly áripke
Mynaý áıbat Álippe
Barlyq ilim - bilimiń,
Bastaýy osy Álippe.

Dımash:
Álippem, meniń Álippem
Kógildir týdyń túsindeı
Aqylshy jan dosymdaı,
Qymbatty maǵan kisimdeı.

Aqtilek:
Bar kitapqa bas bolǵan
Álippen ǵylym anasy
Álippeden bastalǵan
Danalyqtyń danasy

Anel:
Álippem, meniń Álippem
A degen myna áripten
Sóz qurap jaza bastadym,
Taqyldap tańba tanyp men.

Jiger:
Birinshi betten elimniń
Eltańbasyn tanydym
Kók baıraqty qazaqtyń
Urpaǵynyń sánimin.

Aınur:
Eń alǵash alǵanymda Álippeni,
Qyzyǵyp qaraı berdim áripterdi.
Men úshin jumbaq bolyp qalar ma edi,
Ustazym onyń kiltin alyp berdi.

Bı: Jańa kún

2 – júrgizýshi: Nursezim
- Balalar, eń alǵashqy Álippeni kim jazǵanyn bilesińder me?

Rýslan:
Ia. Jyryn jattap salamyz,
Jalyqpastan qys – jazy,
Uly Ybyraı atamyz,
Ustazdardyń ustazy.