InfoHub Logo

Erteńgilik Otan qorǵaýshylar kúnine
Ásker – álimiz, armıa - abroıymyz!
Júrgizýshi: 7 - mamyr - Qazaqstan Otan qorǵaýshylar kúni. Tarıhtaǵy árbir dańqty kúnder sekildi bul merekemizdiń ózindik syry jeterlik.
Egemendi elimizdiń tynyshtyǵyn jáne beıbitshiligin qorǵaý, bul ár azamattyń qasıetti boryshy ekendigi barshamyzǵa áıgili. Al Otandy qorǵaýshylar tek qana bilektiń kúshine súıenýshilerden ǵana bolmaı, aqyly men qaıraty, kúsh - jigeri men zerdesi birdeı myqty bolǵany – bul el qorǵaýshy erlerge ejelden qoıylyp kele jatqan talap. Sonymen birge eń jarqyn, eń úlken mereke Jeńis kúni kele jatyr. Bizdiń atalarymyz bizdiń baqytty bolashaǵymyz úshin qasyq qandary qalǵansha shaıqasyp, beıbit ómirimizdiń aıaq basqanyna 66 jyl toldy. Qurmetti atalar men ákeler barlyǵyńyzdy merekelerińizben quttyqtaımyz.

Júrgizýshi: Arystandaı aıbattym,
Jolbarystaı qaırattym,
Aspandaǵy baıraqtym,
Qansha juldyz jaınattyń,
Qansha bulbul saırattyń
Qazaqstan ardaqtym! deı otyryp sizderdiń nazarlaryńyzǵa «Ásker – álimiz, armıa - abroıymyz!» atty erteńgiligimizdi usynamyz
Zalǵa B. Mýkamanov «Desant» ánimen ul balalar sappen kirip áskerı qımyldar jasaıdy.
Qyzdar oryndarynan turyp balalardyń ákelerine jasaǵan syılyqtaryn beredi.

Júrgizýshi: Qurmetti atalar, aǵalar, ákeler sizderdiń merekelerińizge jasaǵan balalarymyzdyń syılyqtaryn qabyl alyńyzdar.
Balalar oryndaryna otyrady.

Júrgizýshi: Qurmetti bolashaq Otan qorǵaýshy ulandarymyz bizdiń Qazaqstanymyzdyń Otan qorǵaýshy kúshimiz qandaı bolý kerek káne ekranǵa kóńil bóleıik.
Júrgizýshi: Kórdińder me balalar Otan qorǵaýshylar degenimiz kimder eken. Erten senderde ósesińder, azamat bolasyńdar, bolashaq Otan qorǵaýshylar sendersińder.
Júrgizýshi: El qorǵaıtyn, er aǵalar -
Ardaǵymyz, arymyz.
Erler toıyn, eldiń toıyn,
Bári: Qarsy alamyz bárimiz!
Án: «Jeńis kúni»
Al, endi dostar, merekemen quttyqtaýǵa kelgen jas ulandarǵa kezek bereıik!

1 – bala: Taptalmaıtyn túngi izi,
Saqshysy bolam Otannyń
Jarqyrap janǵan juldyzy
Keledi ulan atanǵym.

2 – bala: Týǵan jerdiń ár tasy
Maǵan ystyq qashannan.
Buıralanǵan arshasy;
Qorǵaıtyn - er bolamyn.

3 - bala: Taptalmaıtyn túngi izi,
Ulany bolam Otannyń
Jarqyrap janǵan juldyzy,
Jalǵaımyn jolyn Aǵanyń!

4 - bala: Eı jigitter!
Senderge artar mindet kóp.
Kóter bıik ata saltyn qurmettep
Aqtaı bilseń ata - baba úmitin
Árbir sózi – tálimi mol bir mektep.

5 – bala: Býyrqanyp tursa da barsha mańym,
Aq suńqardaı daýylǵa qarsy aǵamyn.
Qıyndyqty almastaı qıyp ótip,
Bári: “Jasa, Beıbitshilik! – dep jar salamyn.

Júrgizýshi: Aǵalar saptan shyqpasyn,
Analar qabaq shytpasyn,
Baqytqa jetip bar adam,
Sábıler tynysh uıyqtasyn,- deı otyryp, – deı otyryp bizdiń qyzdardyń oryndaýynda «Aq kógershin» bıin tamashalańyzdar
Bı: «Aq kógershin»

Júrgizýshi: Bárekeldi, qyzdar! Uldarymyz demalyp qaldy ǵoı deımin, olaı bolsa «Kim tez qımyldaıdy» oıyn oınaıyq.
Ortaǵa 2 - bala shyǵady.
Oıynnyń sharty: jerge jatyp, qolyn tirep joǵary tartylý (otjımanıe)

Júrgizýshi: Endi taǵyda bir oıynnyń kezegi kelip tur.
«Kimniń ákesi kúshti»
Ortaǵa eki ákeler shyǵady
Oıynnyń sharty: Balasyn ıyǵyna otyrǵyzyp otyryp – turý.
Júrgizýshi: Sizderge kóp - kóp rahmet erteńgiligimizdiń ary – qaraı jalǵastyraıyq. Endigi kezekte vıktorınalyq suraqtar.
Erteńgilik Otan qorǵaýshylar kúnine. Ásker – álimiz, armıa - abroıymyz! júkteý