InfoHub Logo

Bilim alasy: Tanym
Uıymdastyrylǵan oqý is - áreket túri: Qurastyrý
Taqyryby: Sańyraýqulaqtar
Maqsaty: Sańyraýqulaq jaıly bilimderin bekitý, sańyraýqulaqty tabıǵı materıaldardan jasaı bilýge jáne ony jasaýda pishinderdi durys qoldana bilýge úıretý, tabıǵı materıaldarmen uqypty jumys jasaı bilýge tárbıeleý.
Qajetti qural - jabdyqtar: jasyl tústi qaǵaz, aq tústi ermeksaz, grek jańǵaǵy.
Sózdik jumys: grek jańǵaǵy, kók shalǵan.

Motıvasıalyq - qozǵaýshylyq
Shattyq sheńberin uıymdastyrý.
Araılap tań atty,
Altyn shapaq taratty,
Jarqyraıdy aýylymyz,
Jarqyraıdy dalamyz
Qaıyrly tań apaılar!
Qaıyrly tań balalar!
- Balalar, qazir jyldyń qaı mezgili?
- Jyldyń neshe mezgili bar?
- Kúz mezgilinde neshe aı bar? Atap kóreıikshi.
- Kúz mezgili ekeniń qaıdan bilemiz?
- Aýa - raıy qandaı bolady?
Balalardyń qyzyǵýshylyǵyn oıatý.
Tańdandyrý sáti:
- Balalar, bireý esikti qaǵatyn sıaqty, kim boldy eken!
Ortaǵa sańyraýqulaq kiredi.
- Balalar, sańyraýqulaq bizge ormannan kelgen ol adasyp qalǵan, sol sebepti ol bizderden kómek suraıdy.
Ol senderdiń eńbekqor ekenderińdi burynnan biledi eken. Sańyraýqulaqqa qalǵan sańyraýqulaqtardy tabýǵa kómektesemiz be!
- Sańyraýqulaq, bizge qur ózi kelgen joq
Ol ózimen birge birneshe tapsyrma ala kelgen eken sony oryndaýǵa daıynbyz ba?

Uıymdastyrýshylyq - izdenistik
1 - tapsyrma:
«jumbaqtardy shesh»
Óz qalpaǵyn jasynan
Tastamaıdy basynan.
Ol ne? (sańyraýqulaq)

Dáý qara qus kórinedi,
Kóziniń jasy tógiledi
(bult)
Ústinde ormany, sýy bar
Seni de, meni de,
Kótergen alypty taýyp al?!
(jer)
Sańyraýqulaqtyń túrleri jaıynda, taǵamǵa paıdalanatyn túrlerin bolatynyn aıtyp, sýretterin kórsetemin (slaıd arqyly balalar kóredi).

2 - tapsyrma:
Dıdaktıkalyq oıyn:
«sańyraýqulaqtardy sebetke jına»
Sharty: Balalar tabıǵatqa saıahattaı otyryp sańyraýqulaqtardy terip sebetke jınaıdy.- Balalar, ormandaǵy sańyraýqulaqtardy biz búgin tabıǵı materıaldardan jasap úırenemiz, jasaý joldaryn men senderge túsindiremin.
Aldymen barlyǵymyz ornymyzdan turyp boı sergitý jattyǵýyn oryndaıyq:
Kúzim - aý, kúzim - aý,
Mineziń buzyq - aý
Jańbyryń sirkirep
Kelgeniń qyzyq - aý. (2 - 3 ret oryndaıdy)
Ol úshin aldymen úlgige qarap alyńdar, sańyraýqulaqtyń qalpaǵy grek jańǵaǵynan, sabaǵy aq tústi ermeksazdan jasalǵan. Aldymen ermeksazdy alaqanymyzdyń arasyna salyp tegistep, esip alamyz, sopaqsha pishinge keltiremiz. Odan keıin grek jańǵaǵynyń jarty bóligin onyń joǵarǵy jaǵyna kıgizemiz, sonda sańyraýqulaq daıyn bolady. Endi ony jasyl tústi qaǵazǵa ornalastyramyz.
Balalarǵa kómektesemin, jumysty sońyna deıin aıaqtap shyǵýyna baǵyt beriledi.
Sańyraýqulaqtar júkteý