InfoHub Logo

Áldekim han Temirge shombal esektiń birin tartý etip ákep beripti. Buǵan ol qatty qýanypty. Árkim birden artyqshylǵyn aıtyp, qasyndaǵylar da bul esekti básekelese maqtapty. Tipti, aqyrynda ony hıkimetti haıýanǵa aınaldyryp jiberipti. Baǵalaý kezegi Juqaǵa kelgende maqtaý sózderiniń túgel aıtylyp bolǵandyǵyn bilgen ol oılanyp turyp:

—Bul esek óte zerek, kitapty da oqı alady,—depti.

Han Temir qarqyldap kúlip ketip, Juqaǵa:

—Eger, esekke kitap oqýdy úırete alsań, mol syılyqqa ıe bolasyń, úırete almasań, jazaǵa tartylasyń,—deıdi.

—Úsh aılyq ýaqyt berińiz, men sózsiz úıretip shyǵamyn,— deıdi Juqa.

Han Temir buǵan maqul bolady, sondaı-aq qolastyndaǵylarǵa Juqaǵa ne qajet bolsa sony berińizder dep tapsyrady. Sóıtip, tańerteńnen keshke deıin Juqa esekke kitap oqýdy jattyqtyrady. Úsh aı tolǵanda, Juqa esekti ádemi ábzelmen bezendirip han Temirdiń aldyna jetektep ákeledi. Ol esektiń aldyna bir oryndyqty qoıady da, oryndyqtyń ústine kitapty qoıady. Esek aýzymen kitapty bir-bir betten paraqtap ashady
jáne aralyǵynda áldebirdemelerdi aıtqandaı Juqaǵa qarap mekirenip qoıady. Muny kórip jurttyń bári qaıran qalady, han Temir de tótenshe qýanyp, Juqaǵa qyrýar aqsha jáne gaýhar syılaıdy.

Sol arada bireýler Juqadan:

—Juqa myrza, esekke kitap oqýdy qalaı úırettińiz?—dep suraıdy.

—Men júz dana kıik jarǵaǵyn satyp alyp, onan kitap jasap shyqtym. Sonan soń kitaptyń betterine arpanyń dánderin shashyp qoıdym. Onan soń ár kúni oǵan bir bet, bir betten paraqtap berip ony bet aralyǵyndaǵy arpanyń dánin terip jeýge daǵdylandyrdym. Osylaısha bir aı jattyqtyrý júrgizdim, taǵy bir aıdan keıin ol kitapty ózi paraqtaıtyn boldy. Bul ýaqytta men kitaptyń arasyna arpa dánderin salmaıtyn boldym, ol paraqtap áldeneshe betti ashsa da, arpa kórinbegen soń, basyn kóterip maǵan qarap ańyraıtyn boldy. Búgin bul jerge ákelerdiń aldynda oǵan eki kún boıy nár tattyrmaǵan edim, sondyqtan, ol kitapty oıdaǵydaı paraqtap, synaqtan óte jaqsy ótti,—dep jaýap beredi.

---