InfoHub Logo

QR Bilim jáne ǵylym mınıstrligi sabaqty onlaın ótkizýdi toqtatý kerek degen sheshimge keldi. Bul týraly Ortalyq komýnıkasıalar qyzmetiniń alańynda ótken mektep oqýshylarynyń İV toqsanda qashyqtan oqý júıesine arnalǵan onlaın konferensıada aıtyldy.

«Ustazdarmen birneshe onlaın kezdesý ótkizdim. Sonda qashyqtan oqytý týraly usynystar túsip jatyr. Biz ol usynystarmen kelisip, sabaqty onlaın ótkizýdi toqtatý kerek degen sheshimge keldik. Men aıtqan platformalarmen jumys isteýdiń birneshe tıimdi jaǵy bar. Bul júıe boıynsha ártúrli suraqtar týyndaıtyn bolady», — deıdi QR Bilim jáne ǵylym mınıstri Ashat Aımaǵambetov.

Onyń aıtýynsha, qazirgi ýaqytta barlyq tekserý toqtatyldy.

«Qazirgi kezde muǵalimderden, mektepterden jınalatyn esepter kóp bolyp ketti. Bul esepterdi toqtatý týraly buıryq shyǵardyq. Eshqandaı muǵalimnen synyp jýrnalynan basqa eshqandaı esep talap etilmeýi kerek degen sheshim qabyldadyq. Qazirgi jaǵdaıdy ózderińiz bilesizder, sondyqtan búgingi kúni balalarymyzǵa, ustazdarymyzǵa, áriptesterimizge senýimiz kerek. Keıbir jerlerde ótkizip jatqan sabaqtyń skrınshotyn talap etedi, keıbir jerde ótkizgen sabaqty vıdeoǵa túsirip alýdy talap etedi. Osyndaı keleńsiz jaǵdaılarǵa kózimiz jetip otyr. Mundaı nársege jol bermeımiz, sondyqtan eshqandaı esepter qajet emes. Óńirlerde baqylaý basqarmalary bar, ol departamentterge de osyndaı tapsyrma berdi. Endi olar tekseris júrgizbek túgili, ustazdardan esepti talap etpeý máselesin qadaǵalap otyratyn bolady. Biz úırengen dástúrli oqý kestesi de bolmaıdy. Bala tapsyrmany ózine yńǵaıly ýaqytta oryndaıdy. Eń bastysy — bizge nátıje kerek. Ol nátıjeni biz jınaqtyq baqylaýda kórip otyramyz. Jalpy balalarymyzǵa senip, qoldaýymyz kerek», — deıdi QR Bilim jáne ǵylym mınıstri Ashat Aımaǵambetov.

---