InfoHub Logo

DDSU men dárigerlerdiń COVID-19 koronavırýsynan qorǵaný jónindegi keńesteri:

Qoldy jıi jýý

Qoldy kem degende 20 sekýnd sabynmen jýyńyz. Sabyn men sý bolmaǵan jaǵdaıda antıseptık qoldanyńyz.
Ásirese syrttan úıge nemese jumys ornyna kelgende mindetti túrde birinshi kezekte qoldy jýyńyz. Eger qolǵa vırýs ilikken jaǵdaıda ony sabynmen jýý arqyly nemese antıseptık arqyly ony zalalsyzdandyrǵan bolamyz.

Jótelgende, túshkirgende aýyzdy jabý

Jótelgende nemese túshkirgende bir rettik qaǵaz súrtkimen aýyz ben muryndy jabyńyz, súrtki bolmaǵan jaǵdaıda qoldyń shyntaq bóligi arqyly jabyńyz. Súrtkini dereý qoqys konteınerine tastańyz.
Jótelgende nemese túshkirgende aýyzdy jabý arqyly vırýstar men ózge de mıkroaǵzalardyń aýaǵa taralymynyń aldyn alǵan bolamyz. Eger ashyq alaqanmen jabylsa, mıkrobtar sizdiń qolyńyzǵa, sosyn qolyńyz arqyly ózge zattarǵa nemese adamdarǵa ótýi múmkin. 

Kóz, muryn jáne aýyzdy qolmen ustamaý 

Jýylmaǵan qolmen kóz, muryn, aýyzdy ustamaǵan jón. Qolmen kóp nárselerdi ustaımyz, onyń keıbirinde vırýs bolýy da múmkin. Vırýs ilikken qolmen kózdi, muryndy nemese aýyzdy ustaý arqyly vırýstyń aǵzaǵa ótýine jaǵdaı jasaǵan bolamyz.  

Qoǵamdyq jerlerden uzaq bolý jáne maska taǵý

Múmkindiginshe qoǵamdyq oryndardan, adamdar kóp shoǵarlanǵan jerlerden uzaq turǵan jón. Syrtqa shyqqanda medısınalyq maska taǵyp shyǵyńyz.

Fızıkalyq kontakttan shektelý

Vırýstyq jaǵdaıǵa baılanysty múmkindiginshe qol alysyp amandasýdan, bet súıý, qushaqtasýdan tyıylǵan jón. Iaǵnı aýyzsha sálemdesýmen shektelgen abzal. Óıtkeni vırýstar qolmen beriledi.

Qoǵamdyq jerlerde ara qashyqtyq saqtaý

Qoǵamdyq jerlerde adamdarmen kem degende 1 metrlik qashyqtyqty saqtaǵan jón. Eger janyńdaǵy adam dertke shaldyqqan bolsa, túshkirgende nemese jótelgende aınalasyna aýa-tamshyly jolmen vırýs taraýy yqtımal.

Buıymdardy antıseptıktermen súrtý

Qoǵamdyq orynda qoldanylǵan ámıan, telefon, sómke syńda zattardy úıge kirgende mindetti túrde antıseptıkalyq maılyqtarmen súrtińiz. Syrtta da, úıde de eń kóp qoldanylatyn qural uıaly telefon bolǵandyqtan, úıge kirgende ásirese telefondy súrtip zalalsyzdandyrýdy umytpańyz.   

Salaýatty ómir saltyn ustaný

Salaýatty ómir salty aǵzanyń ınfeksıaǵa qarsy tózimdiligin arttyrady. Salaýatty qorektenýge, aqýyz, dárýmender men mıneraldarǵa qanyq azyqtardy tutynýǵa jáne fızıkalyq turǵyda belsendi bolýǵa tyrysyńyz.

Koronavırýstyq ınfeksıanyń belgileri: tynys tarylýy, demigý, jótel, tamaq aýrýy, dene qyzýynyń kóterilýi (38 gradýs jáne odan joǵary). Eger ózińizde osy belgilerdi baıqasańyz úıde bolyńyz jáne 103 nemese 1406 nomerlerine habarlasyńyz.

Oqýǵa keńes beremiz:

Koronavırýstyq indet kezinde óz ekonomıkasyn saqtaý úshin elder qansha qarajat bóldi?

---