InfoHub Logo

Qalmaqpen soǵysqanda kóp erlik kórsetken Eskeldini 1750 jyldary jońǵarlar qolǵa túsirgen kórinedi. Sonda Eskeldiniń ash qalǵan mysyǵy etti urlap jegeni úshin qalmaqtyń bir batyry óz balasyna: «meńsiz aq mysyqty alysqa aparyp tasta» deıdi. Bala bir jerge aparyp kózi baılaýly mysyqty jerge tastaı bergende, aq mysyq bala mingen attyń qabyrǵa qaptalyna jabysa ketedi. At móńkip, balany úzeńgisine súırep óltiredi. Balanyń bir aıaǵy jambas býynynan julynyp, úzeńgide keledi. Sonda qalmaqtyń batyry óz barmaǵyn ózi shaınap ókiredi jáne Eskeldini qolma-qol aldyna keltirip:

— Meni seniń qasıetiń urdy!.. ony bilmeı balamnan aıyryldym. Endi, keshir, aıybyna ne qalaısyń?» — deıdi. Eskeldi:

— Elińdi bastap bul mańaıdan alys jaqqa kóship ket», — deıdi. Qalmaqtar bir túnde kóship joǵalady. Qolǵa túsip ketken Eskeldi aman qutylyp qaıtyp kelgende, aýyly:

— Qalaı bosanyp keldiń? — dep suraıdy. Eskeldi:

— Qalmaqty alysqa kóshirip jiberip keldim, — deıdi. Baryp baıqasa, bári ras. Sonda el jıylyp Eskeldige:

— Seniń tuqymyńnyń tuqymyn syılap ótelik, — dep ýaǵda etisipti.

---