InfoHub Logo

(II nusqa)

Tama Eset batyr bir kúnderde jolaýshy júrip kele jatyp Dattyń úıine kelip túsip, tústenip jatqan kórinedi. Syrym bala besikte eken. Tústenip keterinde qudaǵaıǵa kelip:

— Shyraǵym, mynaý besiktegi jatqan sábıdi jaqsylap baq, taza asyrap ósirgeısiń, amanat dep ketem, úlken bolǵanda jaqsy adamnyń bireýi bolar», — dep ketipti. Mamasy aıtqan:

— Jaraıdy, ataı, baǵyp qaraımyn. Qalaıda bylaıǵy balalardan qulqy basqa. Bilmeımin, ashýlanyp, kópke deıin mamasyn embeıdi, eki kózi qyzaryp, ókpesi dúrsildep», — degen.

Sol Syrym es kirip, on bes jasqa kelgesin, bir kúnderde sózden sóz shyǵyp, mamasy: «Shyraǵym, sen besikte jatqanda, tama Eset batyr degen qart kelip tústenip ketken. Keterinde seni maǵan amanattaǵan. Jaqsylap baq, jylatpa, es kirip adam bolsa, jaman bolmas, adam bolar dep edi», — degen. Sony estip Syrym jylqydan bir semiz bıeni ákelip soıdyryp, etin pisirtip, jaıa-jal, qazy-qartasyn pisirip alyp bir atqa artyp, Eset batyrdyń úıin izdep tapqan kórinedi. Batasyn alam dep úıge jaqyn kelgende, Syrym astyndaǵy shubar at kisineıdi. Eset toqsan jasqa kelip jatyr eken. «Kelin, shyraǵym, shyǵyp qarashy, alystan kele jatqan jolaýshy-aý, bir tulpardyń daýysy qulaǵyma keledi», — deıdi. Kelin shyǵyp qarasa, at jetegi bar. «Shubar atqa mingen bir jas adam kelip tosyp jatyr», — deıdi. Eset taıaǵyn alyp qonaqtyń aldynan shyǵypty. Kelgen bala «assalaýmaǵalaıkým» dep qolyn alǵanda, qolyn ustap turyp:

— Sen Syrym degen balamsyń ba? — deıdi.

— Ataı, men Syrym bolamyn, — degen. úıine kelip túsken soń, ataıǵa ákelgen sybaǵasyn beripti. Jep bolyp:

— Shyraǵym, Syrym, menen ne suraısyń? — depti.

— Áı, ataı, qalǵan batańdy úmit etip keldim, — degen.

— Jaraıdy, qalǵany bolsa, Táńirim qabyl etse, senen aıamas dep, jaı qolyńdy degendegi bergen batasy deıdi:

— Ia, balam, Syrym, jeti ataǵa deıin dańqyń úzilmesin, qyzmetiń túsip jat adamǵa kóziń súzilmesin, qulaǵyńnan sybyr ketpesin, úı syrtynan dúbir ketpesin, dushpannyń qoly jetpesin, dosyńnyń tilegi bosqa ketpesin! Allahý ákpár jolyń bolsyn! — degen eken.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---