Meniń gýbernatorda jumysym joq
(II nusqa)
Syrym batyr Rýssıa men qazaq shekarasyna, qazaq jerine qala salýyna qarsy bolady, qalyń qol jınap: «Elek sýynyń jaǵasyna Elek qalasyn saldyrmaımyn», — dep, salynǵan úılerdi órtep jiberedi. Sondyqtan Elek qalasyn qazaqtar «Kúıik qala» dep, atap ketken.
Tekeniń aýzynan Munaıly /Qazirgi Podstepnoı/ saldyrmaımyn dep shaýyp alypty. Osyndaı isterinen keıin Orynbordyń gýbernatory Syrymdy shaqyrypty. Syrym batyr:
— Meniń gýbernatorda jumysym joq, onyń jumysy bolsa, ózi kelsin, — dep, jaýap qaıyrypty.
Gýbernator Syrymǵa:
— Meniń sizde jumysym joq, sizdi patsha shaqyrady, sizdi kóremin, — depti. Syrym:
— Men bara almaımyn. laýǵa minip kórgenim joq, oryssha til bilmeımin. Kerek bolsa ózime teń kisi jibereıin, — dep Malaısaryny jiberipti.
Patsha Malaısaryǵa syı-qurmet kórsetipti. Jaqsy, keń saraılaryn, saltanattaryn aralatyp júrip, bir bólmedegi bir sýretti kórsetip «mynaý ne» degende, Malaısary kidirip qalady. Basqa bólmedegilerdiń bárin múdirmeı tanyǵan eken. Malaısary múdirip qalǵanda, patsha: «Syrym kim balasy?» — depti. Malaısary: «Dat balasy», — depti. Sonda patsha ezý tartyp «Adamnan týsa, adam balasy bolsa bolar» degen eken. Malaısary tanı almaı qalǵan sýreti qumyrsqanyń úlkeıtip salǵan sýreti eken. Patshanyń «Syrym kim balasy?» degen sebebi — ony orystardyń birqatary adamnyń balasy emes, Qudaıdyń balasy deıdi eken. «Adamnyń balasy bolsa, bolar» degeni, «Qudaıdyń balasy bolmasa, ony birdeme etermiz, túbine jetermiz» degeni eken patshanyń.
Oqýǵa keńes beremiz:
Jylqynyń torysy kóp pe, tóbeli kóp pe? (İ nusqa)
Syrymnyń Nuraly handy shabýy (İİ nusqa)
Baımaǵambet sultan men Syrym batyr
You Might Also Like
