InfoHub Logo

Bilim-all.kz jáne Bilimland.kz saıttary birlese uıymdastyryp otyrǵan Esse jáne óleń-jyr baıqaýynyń qazan aıyndaǵy alǵashqy jeńimpazy anyqtaldy. Bul joly úzdik dep tanylǵan shyǵarma ádemi romantıkalyq áser qaldyrdy. «Mekteptegi mahabbat…» óleńiniń avtory Jomart Qalmuratov qazan aıynyń alǵashqy jeńimpazy atanyp otyr!

Úzdik dep tanylǵan týyndyny nazarlaryńyzǵa usynamyz:

Mekteptegi mahabbat...

Seziminiń mólshemin ólshetpegen,
Jan edim syryn syrtqa kórsetpegen.
Aldyńǵy qatardaǵy saǵan qarap,
Kóz almaı otyrýshy em, eń shette men.

Sen degende barlyq jigit aqyn edi,
Synyptaǵy qyzdar da jaq únemi.
Aramyzda alty adam otyrsa da,
Júrek saǵan árqashan jaqyn edi.

Júretin ǵashyqtardyń tek izimen,
Sen – aqqýsyń, bolsam dep em teńizi men,
Seni kórsem úndemeı qalatynmyn,
Sózge sheshen bolsam da, negizinen.

Jaz boıy shydap júrip bir kúıikke,
Deýshi edim: «Armanymdy muń-kúı etpe».
Otyrsam dep jyl boıy janyńda men,
Armandaýshy em birinshi qyrkúıekte.

Meniki arman degen ataq qana,
Bolatyn synypta bir shataq bala.
Jyl saıyn muǵalimniń buıryǵymen
Janyńda sol otyratyn masattana.

Mektepke jaqyn úıde turatynmyn,
Bir kúnge birden jospar quratynmyn:
Bárinen buryn seni kórý úshin,
Bárinen buryn úıden shyǵatynmyn.

Sezimimdi tek saǵan bersem degen,
Armanym týlap: «Seni kórsem» - degen,
Saǵan erip taqtaǵa shyǵatynmyn,
Úı jumysyn oryndamaı kelsem de men.

Sezim úshin boıymdaǵy bir kúshti ala,
Barýshy edim kishigirim qylmysqa da:
Baqylaýda ornymdy ózgertýshi em,
Túsý úshin ózińmen bir nusqaǵa.

Arasynda túskende alshy asyq,
Men senen qalatynmyn hal surasyp.
Synypta meni saǵan qosyp jatsa,
Uıalyp qalatynsyń, qarsylasyp.

Bitken soń bal mahabbat bala qanǵa,
Seni oılap jetetinmin jańa tańǵa.
Onsyz da júrektegi esimińdi,
Júretinmin jazyp ap alaqanǵa.

Bergenmen Táńir sózdi tańdaıyma,
Jaza bastym syryńdy aldaı uǵa.
Alaqan men júrekke jazylǵan at,
Jazylmaı qalypty ǵoı mańdaıyma.

Júrekti batyldyqqa kóndire almaı,
Sezimimnen eshbir ónim óndire almaı,
Synyptaǵy barlyq adam biletuǵyn
Mahabbatty kettim saǵan bildire almaı.

Taǵdyr bizden tabysty aıap qaldy,
Sezim degen júrekte jaı at qaldy.
On birinshi synyp bitti. Bastalmaı-aq,
On bir jyldyq mahabbat ta aıaqtaldy.

Jazylǵan balalyqtyń kóp betteri
On bir jylym, bilemin, tekke ótpedi.
Ana shapaǵatyndaı kópti bergen,
Bala mahabbatym-aı mekteptegi!!!

(Avtordyń orfografıasy men pýnktýasıasy saqtalǵan)

Syılyqty alý úshin bilimland.kz saıtymen baılanysýyńyzdy suraımyz!

Eske salaıyq, bilim-all.kz jáne bilimland.kz saıttary jas qalamgerler arasynda saıys jarıalaǵan bolatyn. Barlyq talaptarmen Qalamgerler saıysy siltemesi arqyly tanysa alasyz.

---