InfoHub Logo

Adamǵa adam balasynyń qadirlisi kúndelikti ómirde de kórinis beredi. Naryq zamanda adamgershilik qasıetter tómendedi, azaıdy dep jıi aıtyp júrsek te, qoǵamda qaıyrymdy jandardyń isteri kókeıge úmit uıalatady. Qaıyrymdylyqtyń iri, usaq bolyp bólinbeıtindigin kórsetedi. «Baı bol, kedeı bol – qaıyrymdy bolý mindetiń» degen oıǵa jeteleıdi. Al, qaıyrymdylyq jasaý qashanda ǵanıbet!

Bilimmen qatar, adam óz urpaǵyna qaıyrymdylyqty jastaıynan úıretip, adamgershilik qasıetterge baýlıdy. Urpaǵyna qaıyrymdylyqtyń, adamdyq qasıettiń dánin seýip, tatý ómir súrýge tárbıeleıdi. Árbir jannyń bilimdi, meıirimdi óskenin qalaıdy. Bireýge jaqsylyq jasaý – qaıyrymdylyqtyń bir kórinisi. Raqymdy, meıirimdi, jan jylýy mol adamdy jomart adam deıdi. Adamdarǵa jomarttyq kórsetip, jaqsylyq jasaý, qaıyrymdylyq kórsetý – halqymyzdyń maqtan tutar dástúrleriniń biri. Bul dástúr qazaq tirshiliginde túrlishe iske asyp otyrǵan. Bul kúnde dástúr óz mańyzdylyǵyn joıǵan joq.

Jomarttyq jasaý, qaıyrymdylyq is-sharany uıymdastyrý Naýryzbaı aýdany, № 174 mektep-gımnazıada úrdiske aınalǵan. Osy oraıda bilim berýdiń aldyńǵy qatarly mekemesi № 174 mektep-gımnazıanyń ata-analar qaýymy da bir kisideı jumyla jomarttyq tanytty. Mektebimizde kóp balaly, az qamtylǵan otbasylardyń balalaryna materıaldyq kómek berildi.

Dúnıedegi shyn baqyt – ózgege qýanysh syılaı bilý! Jomart, meıirimdi jandardyń bastaýymen, qaıyrymdylardyń qoldaýymen №174 mektep- gımnazıada jaqsy deńgeıde is-shara ótti. Mektebimizdiń ata-analar qaýymynyń aýyzbirshiligi arqasynda 300 000 teńge jınalyp, kóp balaly az  qamtylǵan 132  oqýshyǵa sabaqqa qajetti qural-jabdyqtar alyndy.

Osyndaı  qaıyrymdy jandarǵa alǵys bildire otyryp, kóterińki kóńil-kúı syılaý maqsatynda mektep tarapynan rızashylyq retinde merekelik baǵdarlama uıymdastyryldy. Merekelik is-sharamyzdyń qonaqtary  Baǵlan Abdraımov, «Daýys International» taǵy basqa ánshiler kórkin ashty. Mektebimizdiń ónerpazdary da óz ónerlerin arnady.

Ýaqytyn bólip, ózgeniń qýanyshyna sebepker bolǵan  árbir jaqsylyqqa jany qumar jaqsy jandarǵa kúnderińiz berekeli de, merekeli bolsyn deımiz. Qarjylaı kómek bergen barlyq jandarǵa alǵysymyz sheksiz! Árbir bergen kómekterińiz ózderińizge jaqsylyq bolyp qaıtsyn degen nıetpen raqmetimizdi aıtamyz.
 
Almaty qalasy Naýryzbaı aýdany
№174 mektep-gımnazıa
qazaq tili men ádebıetiniń muǵalimi Saparbaeva Aqbota

---