InfoHub Logo

Taqyryby: Eýrazıanyń ishki sýlary
Geografıa 7 synyp
1. Oqýshylardy Eýrazıa materıginiń ishki sýlarymen tanystyrý.
Olardyń erekshelikteri men mańyzdylyqtaryna toqtalý.
2. Damytýshylyq: Oqýlyqpen kartamen jumys isteı otyryp, Eýrazıa materıginiń ishki sýlary jaıly alǵan bilimdi qorytyndylap, keste arqyly olardyń oı - órisin, oılaý qabiletin, belsendiligin arttyrý.
3. Tárbıelik: Oqýshylarǵa adam ómirine ishki sýlardyń paıdasy men qandaı zıany bar ekenin tárbıelik jolmen aıtyp túsindirý.

Sabaqtyń túri: Jańa sabaq
Oqytý ádisi: Suraq - jaýap, túsindirmeli
Sabaqtyń ádistemelik jabdyqtalynýy: Eýrazıanyń ishki sýlar kartasy,
oqýlyq, suraqtar, balyq sýretteri salynǵan kartochkalar, keme, aıaldamalar

Sabaqtyń barysy:
1. Uıymdastyrý kezeńi
Oqýshylarmen amandasyp, oqýshylardy túgendeý

2. Úı tapsyrmasyn tekserý
Balalar biz búgin saıahatqa shyǵamyz, al kemege otyrý úshin biz bıletter satyp alý kerekpiz sol úshin suraqtarǵa jaýap berý kerek
- Eýrazıada qandaı klımattyq beldeýler kezdesedi?
- Bir bileýden ekinshi beldeýdiń aıyrmashylyǵy qandaı?
- Materık kóleminiń úlkendigi klımatqa qalaı áser etedi?
- Qazaqstan qandaı klımattyq beldeýde ornalasqan?
- Adam tirshiligine jáne sharýashylyq áreketine klımat qalaı áser etedi?
- İshki nemese qurlyq sýlaryna ne jatady?
- Ózen degenimiz ne?
- Kól degenimiz ne?
Suraqtar arqyly júzege asady, jaýap bergen balalarǵa bılet taratylady

Jańa sabaq:
«Sý ómirdiń nári» tipti tirshiliktiń ózi alǵash sýda paıda bolǵan, sýsyz ómir joq. Búgin biz Eýrazıa materıginiń ishki sýlarymen tanysamyz! Ol ýshin myna shemany eske túsirip qaıtalaıyq
İshki sýlar týrleri
a) ózender
b) muzdyqtar
v) jer asty sýy
g) bógender
d) batpaqtar
e) kólder

Eýrazıa ishki sýǵa baı. Sý qory jóninen Ońtústik Amerıkadan keıingi ekinshi orynda. Munda jer sharynyń kóptegen iri ózenderi, kólemdi jáne tereń kólderi jerasty sýynyń mol qory bar. Keń alqapty batpaqtar men muzdyqtar alyp jatyr. Olardyń ornalasýy men taralýy jer bederi men klımatqa tikeleı baılanysty keledi.
Eń alǵashqy saparymyz Soltústik Muzdy muhıt alabyna saparǵa attanaıyq! Al joldaryn bolsyn!