InfoHub Logo

Fakúltatıvtik kýrs
«Hımıadan sandyq esepterdi shyǵarý»

Túsinik hat
Hımıa páninen bul baǵdarlama jalpy mektepterdiń 9 - 11synyptarynda oqýshylardyń alǵan bilimderin ári qaraı tereńdete bekitip, bilimderin tekserýge arnalǵan. Hımıa kýrsynyń teorıalyq materıalyn sátti ıgertýdiń tıimdi joldarynyń birine hımıadaǵy tıptik esepterdi shyǵarý daǵdylaryn qalyptastyrý men meńgertý jatady. Hımıalyq esepter – oqýshylardyń hımıadan bilim sapasyn anyqtaýdyń negizgi quraldarynyń biri. Hımıa esepteri san jáne sapa esepteri bolyp ekige bólinedi. Baǵdarlamada sandyq esepterdi shyǵarý kózdelgen. Kýrstyń negizine atom - molekýlalyq ilim, stehıometrıalyq zańdar, hımıalyq elementterdiń perıodtyq zańy alynǵan.
Bolashaqta hımıa jáne bıologıa mamandyqtaryna daıarlaıtyn joǵary oqý ornyna túsem deýshilerge, ártúrli tıptegi hımıalyq esepterdi shyǵarý ádistemesin ıgerýdiń paıdasy orasan.

Baǵdarlamanyń negizgi maqsattary:
- Beıorganıkalyq jáne organıkalyq hımıadan alǵan bilimderin qorytyndylaý, pysyqtaý.
- Bar bilimdi jańa problemalar (ár túrli deńgeıdegi esepterdi) sheshýde shyǵarmashylyqpen qoldaný.
- Hımıanyń mekteptik kýrsynda qarastyrylmaıtyn uǵymdardy oqyp - úırenýdi qamtamasyz etý.
- Oqýshylardyń taldaý, salystyrý, tujyrymdaý, oı - órisin, óz betimen oılaý qabiletterin damytý.
- Konkýrstyq, olımpıadalyq esepterdi shyǵarý algorıtmin jetildirý, kúrdeli esepterdi shyǵarýda algebralyq ádisterdi paıdalaný tıimdiligin kórsetý.
- Pánaralyq baılanystardyń mazmunyń (matematıka, fızıka, bıologıa) keńeıtý.
- Hımıanyń qoǵamdaǵy mańyzyn, adamzat aldynda turǵan san - salaly, aýqymdy máselelerdi sheshýdegi róliniń artýyn ashyp kórsetý.
- Oqýshylardyń ǵylymı kózqarasyn qalyptastyrý.

Mindetteri:
- hımıalyq dúnıetanymdy qalyptastyrý;
- alǵan bilimderiniń mańyzy týraly túsinikterdi meńgertý;
- ár oqýshynyń oqý deńgeıin anyqtaý;
- tájirıbelik bilimderin jetildirý;
- hımıadan bilim standartyna sáıkes keletin oqytýdyń josparlanǵan nátıjesin qamtý.
Kútiletin nátıje:
Esep shyǵaryp, jattyǵýlar oryndaý bilimdi tekserý ǵana emes, sonymen qatar oqýshylardy ózdiginen izdenýge de daǵdylandyrady. Oqýshylar óz bilimderiniń jetispeıtin jerlerin anyqtap, onymen jumys isteýge, qosymsha jáne arnaıy ádebıetterdi paıdalanýǵa úırenedi. Esepter shyǵarý barysynda oqýshynyń bilimi, zerdesi, oılaý qabileti damýmen qatar, hımıalyq bilimdi, zańdardy, qubylystardy tereńirek túsinýi qalyptasady.
Bul kýrs baǵdarlamasyndaǵy oryndalatyn jattyǵýlar jáne shyǵarylatyn esepter ár taqyrypqa jeke berilgen. Baǵdarlamanyń bulaı qurylýy oqylǵan tapsyrmalardy oryndaý kezindegi maqsaty men mindetterge jetýge múmkindik beredi.
Eger de esep shyǵarý daǵdylary qalyptaspasa, kúrdeli esepterdi shyǵarýda hımıanyń teorıalyq kýrsyn jaqsy bilý jetkiliksiz. Ókinishke oraı, mekteptegi hımıa kýrsyn oqytýda esepter shyǵarýǵa tıisti deńgeıde saǵattar bólinbegen. Jalpy alǵanda, esepterdi shyǵarýdyń ózindik reti, shyǵarý ádistemesi bolady. Sondyqtan da, qıyndyq deńgeıleri qarapaıym tıptik esepterdi shyǵarýdy meńgertý arqyly, qıyndyq deńgeıleri kúrdeli tıptik esepterdi shyǵarý daǵdylaryn qalyptastyrý qajet.
Baǵdarlamanyń mazmuny
Baǵdarlama aptasyna 1 saǵat, jylyna 34 saǵat

Fakúltatıvtik kýrs «Hımıadan sandyq esepterdi shyǵarý». júkteý