InfoHub Logo

Tárbıe saǵaty
Synyby: 8 synyp
Taqyryby: Farıza Ońǵarsynova shyǵarmalary
Maqsaty: Oqýshylarǵa aqyn - jazýshy F. Ońǵarsynova týraly kóptegen maǵlumat berip, shyǵarmalarymen tanystyrý.
Kórnekiligi: slaıdtar, Farıza apamyzdyń sýreti, kitaptary.

Barysy:
Júrgizýshi: Qaıyrly kún qadirmendi óner súıer qaýym! Bizdiń búgingi tárbıe saǵatymyz bizdiń maqtanyshymyz, jerlesimiz, aqyn - jazýshy - Farıza Ońǵarsynovaǵa arnalady. Tárbıe saǵatymyzǵa qosh keldińizder!
«Janym – dala»
Janym – dala, kóginen bult arylmaı,
Batpan zilder bassa da júr tarylmaı,
Shilderleýli kóńildi zýlat, jyrym,
Baıaǵynyń qus qanat tulparyndaı.

Estimeıdi qalǵyǵan shaqqa janym
Umtylysta, júıtkýde baq, talabym.
Talma shaqta talysyp ketsem jyrym,
Sen qaqyrat máńgilik qaqpalaryn.

Jol – darıa turmaıdy aǵyn urmaı,
Joǵalma jyr, jyldarǵa tamyryń jaı.
Dáýirlerdiń daýyly daq salmaǵan
Ata - mura qobyzdyń sarynyndaı.

Júrek jazbaı juptasqan ǵumyrlasym,
Jyr - áýezim sýarǵan muńym, jasym.
Oısyzdyqtan órekpip toıǵandardyń
Qulaǵyna qaıǵy bop yzyńdasyn.

Raqat tún dyrdý men dabyr qalyp,
Jazylǵan jyr júrektiń shamyn jaǵyp.
Erligi men eldigi qalǵyǵandy
Attan salyp oıatsyn dabyl qaǵyp.

Dúnıeden izdeýmen nurly besin
Talpynystan tanbaǵan jyr kúresim.
Adamdyq pen adaldyq semserindeı
Jaǵympazdyń tý syrtyn tilgilesin.

Zýla, meniń jyr - kúımem, shabyt jegip,
Jer betine ǵumyrly jaryq berip.
Júrekterdiń qursaýyn aǵyt kelip,
Zorlyqtardyń zardabyn shekkenderge
Ádiletten sybaǵa alyp berip!
Júrgizýshi:
Farıza apamyzdyń myna bir óleńderinen onyń jan tebirenisin baıqaımyz. Onyń óleńderi ózine muńdas, jyrlas bolǵany anyq. Ádilettilikti jany súıetin aqyn júrekten júıitkı shyqqan jyrlaryn ómirdiń qıynshylyqtary men zombylyqtarymen kúresetin quraly retinde paıdalanady. Bar oıyn qaǵaz betine jaıyp salǵan aqyn apamyzdyń óleńderi tereń oı, aıshyqty pikirdi qamtyǵan.

Aqynnyń ómirbaıanyna kóz júgirtip ótsek apamyz 1939 jyldyń 5 jeltoqsanynda Atyraý oblysy, Novobogat aýdanyna qarasty Manash aýylynda týǵan. 1961 jyly Atyraý memlekettik pedagogıkalyq ınstıtýtynyń til - ádebıet fakúltetin bitirip, Balyqshy aýdanynyń Erkinqala, Oktábrdiń 40 jyldyǵy atyndaǵy qazaq mektepterinde ustazdyq etken.(qazirgi F. Ońǵarsynova mektebi). 1966 - 1968 jyly Atyraý oblystyq "Komýnıstik eńbek" gazetiniń partıa turmysy bóliminde ádebı qyzmetker bolyp istegen. 1968 - 1970 jyly respýblıkalyq "Lenınshil jas" gazetiniń Aqtóbe, Atyraý, Oral oblystary boıynsha menshikti tilshi qyzmetin atqarǵan.
1970 - 1978 jyly respýblıkalyq "Qazaqstan pıoneri" gazetiniń bas redaktory, 1978 jylǵy jeltoqsannan "Pıoner" jýrnalynyń bas redaktory bolyp istegen.
1978 - 1996 jyly respýblıkalyq «Aq jelken» jýrnalynyń bas redaktory qyzmetin atqarady. 1996 jyldan bastap 2004 jyl aralyǵynda Qazaqstan Respýblıkasynyń parlament depýtaty.

Farıza apamyz týǵan aýylyn ár kez esinen shyǵarmaı, oılap júretinin óleń joldarynda aıtady. Baıaǵy saǵymdaı bolyp ketken balalyq shaǵy ótken jerin kóz aldyna elestetip, bir tebirenedi. Endi aldaryńyzda 8 synyp oqýshysy Qarıpolla Jadyra «Týǵan aýyl» óleńin oqyp beredi.
«Týǵan aýyl»
Men týǵan aýyl - Aı meken,
Eske almaı júrer kúnim kem.
Baıaǵy dostar qaıda eken,
Birge oınap birge júgirgen?

Jataǵan, eski úı anaý,
Meni alań etken shet jerde.
Bul mańaılar da qudaı – aý.
Qalaǵa aınalyp ketken be?

Júregim uqsap balǵaǵa,
Bir sezim jandy órtedi.
Júgirgen salqam sary bala
Mıadan shyǵar sol tegi.

Baqtan ǵoı dedim, tanys tym
Aqsary uıań sol bir júz.
Talyndaı jalǵyz qamystyń
ózim – aý ana qońyr qyz.

Qalqalap kózin sol jaqqa
Turar ma qarap jan anam...
Endi anaý sharbaq, sol qaqpa
Alańdaı bazar taraǵan.

Uqsamaıdy endi quzǵa túk
Baıaǵy shyńdaı qyr - jota
Kókiregin keshtiń syzdatyp
Bozdaıdy beıýaq bir bota.