InfoHub Logo

Synyby: 8
Sabaqtyń taqyryby: Faıldar men qapshyqtardy izdeý

Sabaqtyń maqsaty:
Bilimdilik: Oqýshylarǵa faıldar men qapshyqtardy izdeýdiń joldary týraly málimet berý;
İzdeýdiń ár ádisterine jeke - jeke toqtalý;
Alǵan bilimderin iskerlik oıyndar arqyly tıanaqtaı túsý;
Tárbıelik: Júrgen ortalarynda kishipeıil, syıymdy bola bilýge baýlı otyra, bilimdi, shynshyl, ójet tulǵany qalyptastyrý;
Kompútermen jumys isteýde uqyptylyqqa, tehnıka qaýipsizidigin saqtaı bilýge úıretý;
Damytýshylyq: Oqýshylardyń tanymdyq jáne shyǵarmyshylyq qabiletterin damytý;
Oqýshylardyń ózdiginen jumys istep, qyzyǵýshylyǵyn, belsendiligin arttyrý, óz oıyn ashyq aıtýǵa úıretý;

Sabaqtyń túri: Oıyn sabaq
Sabaqtyń tıpi: Jańa bilimdi meńgertý
Ádis-tásilder: Suraq-jaýap, algorıtmdik, oıyn ádisi, jeke - ózindik jumys, oqýshy - kompúter, oqýshy - muǵalim;
Jańa tehnologıa: Aqparattyq, kompúterlik, prezentasıalyq, oıyn elementteri arqyly oqytý tehnologıalar;
Kórnekilikter: Oqýlyq, taratpa kartochkalar, qaryndash, óshirgish, kompúter, ekran, prezentasıalar, slaıdtar
Pánaralyq baılanys: Orys tili, matematıka, sýret

Sabaqtyń júrý barysy
İ. Uıymdastyrý kezeńi.
İİ Ótkendi pysyqtaý
“Aqshaqar hıkaıalary” oıyny.

1 - tapsyrma:
Jańa - jyl qarsańynda Aqshaqar dostaryn qýantpaq bolyp jolǵa shyǵypty. Aldymen ol Aıgúl degen dosynyń úıine kelip, kompúterine ózdiginen qozǵalyp turatyn “2007 - Jańa jylyńmen!” degen mátin jazbaq bolady. Káne, Aqshaqarǵa kim tez kómektesedi eken. Ol qandaı áreketter oryndaýy kerek?

2 - tapsyrma:
Odan ári Aqshaqar Jomart dosynyń úıine kelip, onyń kompúteriniń jumys ústeliniń fonyna qys aıyna qatysty sýret qoımaqshy bolady. Ol úshin Aqshaqar ne isteýi kerek? Kim tez kómektesedi?

3 - tapsyrma:
Aıaǵynda Aqshaqar Janat dosynyń úıine kelip, onyń kompúteriniń saǵatyn 12:00-ge jáne kúnin 31:12:2007-ge ózgertpek bolady. Ol úshin Aqshaqar qandaı áreketterdi oryndaý kerek? Kim tez kómekke keledi?

İİİ. Jańa sabaqty túsindirý.
a) Faıldar men qapshyqtardy izdeý ne úshin qajet?
á) Faıldardy tabý komandasyn iske qosýdyń joly.
b) Faıldardy aty boıynsha izdeý.
v) Faıldardy mátin úzindisi boıynsha izdeý.
g) Faıldardy ýaqyt merzimi boıynsha izdeý.
d) Faıldardy tıpi men ólshemi boıynsha tabý.

İV. Jańa sabaqty bekitý.
“Umytshaq dosyma kómek” oıyny.
Oqýshylarǵa jańa sabaqqa qatysty tapsyrmalar beriledi.

1 - tapsyrma:
Birde umytshaq dosyń saǵan tez arada “mektep” degen qujatty taýyp ber dep ótindi. Qalaı tabasyń?
2 - tapsyrma:
Birde umytshaq dosyń saǵan bir qujatty taba almaı otyrmyn, qalaı saqtaǵanymdy bilmeımin, tek ishinde “Pıfagor teoremasy” bar ekenin bilemin dep kómek suraıdy. Sen qalaı kómektesesiń?
3 - tapsyrma:
“Umytshaq dosyń” saǵan kelip, men bir qujatty taba almaı otyrmyn, onyń atyn da, ishindegi mátini de esimde joq, áıteýir 2 aı shamasynda jazǵan edim. Sony týyp ber dep kómek surady. Qalaı kómektesesiń?
4 - tapsyrma:
“Umytshaq dosyń” saǵan kelip, men bir qujatty taba almaı otyrmyn, onyń atyn da, ishindegi mátini de, jazylǵan ýaqyty esimde joq, áıteýir 6 bet, ıaǵnı 45 Kılobaıttaı jazǵanym esimde. Sony týyp ber dep kómek surady. Qalaı kómektesesiń?

V. “Sóılemdi aıaqta” sergitý oıyny. /kóp núkteniń ornyna kerek sózdi qoıý/
1) Kompúter men adam arasyndaǵy yńǵaıly ádis... dep atalady. /ınterfeıs/
2) Adamnyń kompúterde tek bir ǵana ispen shuǵyldanýyna múmkindik beretin operasıalyq júıeni... operasıalyq júıeler dep ataımyz. /birmindetti/
3) Kompúterde birneshe qoldanýshy jumys isteý úshin olardyń árqaısysyna... qurylǵysy ornatylýy kerek. /termınal/
4) Aqparattyń kompúterde saqtalǵan túrin.... dep ataımyz.
/faıl/

“Jańa jyldyq shyrsha” sergitý oıyny. /ár berilgen durys jaýap arqyly shyrsha elementterin qurastyrý/
Qoıylatyn suraqtar:
1) Faıldar men qapshyqtardy izdeý qandaı komanda arqyly oryndalady?
2) Faıldar men qapshyqtardy izdeýdiń qandaı tásilderi bar?

Vİ. Sabaqty qorytyndylaý.
Jańa sabaq boıynsha oqýshylardyń bilimin baǵalaý.

Vİİ. Úıge tapsyrma.
6. 5 taqyryp
Kompúterdi jeli arqyly izdeýdiń jolyn oqyp, jazyp kelý.