InfoHub Logo

Fonetıkalyq keshendi taldaý
Sabaqtyń maqsaty:
a) bilimdilik: oqýshylardyń fonetıkadan alǵan bilimderin nyǵaıtý, tıanaqtaý, júıege keltirip qorytý, teorıalyq bilimin praktıkamen ushtastyrý;
á) damytýshylyq: oıyn túrleri arqyly oqýshylardyń tapqyrlyq, izdenimpazdyq qasıetterin qalyptastyrý, shyǵarmashylyqqa baýlý, óz oıyn tıanaqty jetkize bilýin damytý;
b) tárbıelik: oqýshylardy uıymshyldyqqa, adamgershilikke, izettilikke, dostyqqa, shapshańdyqqa tárbıeleý.
Sabaqtyń túri: saıys sabaq
Sabaqtyń ádis - tásilderi: suraq - jaýap, izdenýshilik, shyǵarmashylyq
Pánaralyq baılanys: ádebıet
Sabaqtyń kórnekiligi: ınteraktıvti taqta
Sabaqtyń barysy: I. Uıymdastyrý bólimi.
Oqýshylarmen amandasý, túgeldeý, synyptyń daıyndyǵyn qadaǵalaý, oqýshylardyń nazaryn sabaqqa aýdarý.

II. Úı jumysyn tekserý.
Úıge bergen jattyǵý jumysyn tekseremin.

III. Saıys sabaq.
Oqýshylar, búgingi fonetıkalyq keshendi taldaý sabaǵyn saıys sabaq túrinde ótkizemiz. Saıysqa eki top qatysady.

Saıysymyzdyń sharttary:
1. «Estafetalyq saıys». Ár qatardyń bir oqýshysyna estafeta suraǵy beriledi. Ár oqýshy óziniń biletin bir ǵana jaýabyn aıtyp, kelesi oqýshyǵa ótkizedi. Sóıtip, qatardaǵy árbir oqýshy ózi biletin bir suraqqa jaýap beredi.
2. «Saýattylyqty ashatyn hattar». «XXI ǵ. jastarynyń qoǵamdaǵy orny» taqyrybyna oı tolǵaý jazý. Jazylǵan mátinder topta talqylanady. «Avtor oryndyǵy» boıynsha ár toptan bir oqýshy ortaǵa shyǵyp, toptyń eń úzdik jumysyn oqıdy. «Galereıa» bóliminde eń saýatty, kórkem, úzdik jazylǵan jumys taqtaǵa ilinip qoıylady.
3. «Jarys» oıyny. 1 - qatarǵa «zańdastyrylǵan», 2 - qatarǵa «memleketterdiń» sózine fonetıkalyq taldaý jumysy beriledi.
4. «Qyz qýý» oıyny. 1 - qatardan qyz bala, 2 - qatardan ul bala shyǵady. Mysaly, qyz bala ústeý maǵynasyna qaraı 7 - ge bólinedi dese, ul bala ony jalǵastyrady. Qaısysy kidirip qalsa, sol jeńilgen bolyp sanalady.
5. «Siz bilesiz be?». Bul bólimde test tapsyrmalary beriledi.

1. Estafetalyq saıys.
1 - qatar suraqtary:
1) Fonetıka neni zertteıdi?
2) Býyn úndestigi degenimiz ne?
3) Keıingi yqpal degenimiz ne?
4) Qandaı sózder bólek jazylady?
5) Erin úndestigi degenimiz ne?
2 - qatar suraqtary:
1) Beıimdestik zańy degenimiz ne?
2) Býyn jáne onyń túrleri?
3) Qandaı sózder bólek jazylady?
4) Orfografıa men orfoepıanyń erejesin aıtyńyz, mysal keltire otyryp.
5) Úndestik zańy degenimiz ne?

2. Saýattylyqty ashatyn hattar.
«XXI ǵ. jastarynyń qoǵamdaǵy orny» taqyrybyna oı tolǵaý jazý.

3. Jarys oıyny.
1 - qatarǵa «zańdastyrylǵan», 2 - qatarǵa «memleketterdiń» sózine fonetıkalyq taldaý jumysy beriledi.
Z – daýyssyz, uıań, til aldy.
A – daýysty, jýan, ashyq, ezýlik
Ń – daýyssyz, úndi
D – daýyssyz, uıań, til aldy
A – daýysty, jýan, ashyq, ezýlik
S – daýyssyz, qatań, til aldy
T – daýyssyz, qatań, til aldy
Y – daýysty, jýan, qysań, ezýlik
R – daýyssyz, úndi, til aldy
Y - daýysty, jýan, qysań, ezýlik
L – daýyssyz, úndi, til aldy
Ǵ – daýyssyz, uıań, til arty
A - daýysty, jýan, ashyq, ezýlik
N – daýyssyz, úndi, til aldy

4. «Qyz qýý» oıyny.
Qyz bala: aý ókpeden kedergisiz shyǵyp, únnen ǵana turatyn dybystardy daýysty dybys deımiz. Tilde 12 daýysty dybys bar. Daýysty dybystardyń jasalýyna jasalýyna erekshe sóıleý músheleriniń qatysýyna qaraı daýysty dybystar birneshe topqa bólinedi. Olar..... Qyz toqtaǵan jerden jigit jalǵastyryp ketý kerek. Jalǵastyra almaǵan jaǵdaıda jeńilgeni bolyp esepteledi.

5. Siz bilesiz be?
Test
1. Býynǵa bólinbeıtin sóz qataryn belgileńiz.
a) kún, aq, ant b) Astana, kerege v) oqshantaı, qant
2. Sıngarmonızm zańyna baǵynbaıtyn sózdi tabyńyz
a) teristik, alqyzyl b) jańbyrly, bilezik v) túıetaban, muǵalim
3. Qansha daýysty dybys bar?
a) 12 b) 15 v) 11
4. Til dybystaryn zertteıtin ǵylym salasy?
a) morfologıa b) sıntaksıs v) fonetıka
5. Tildiń qatysyna qaraı qalaı bólinedi?
a) jýan, jińishke b) erindik, ezýlik v) ashyq, qysań
6. «P» qandaı dybys?
a) uıań b) erindik v) qatań

IY. Úıge tapsyrma.
Jýrnaldan unaǵan bir mátindi oqyp, ishinen 5 sózge fonetıkalyq keshendi taldaý jasańyzdar.
Y. Baǵalaý.
Sabaqqa qatysymyn qarap baǵalaımyn.