InfoHub Logo

Túsinik hat
“Fýnksıalar jáne grafıkter” matematıkanyń eń mańyzdy taqyryptarynyń biri. Mektep matematıka kýrsyndaǵy fýnksıa jáne onyń qasıetteri, týyndy jáne ıntegral geometrıada (janamany tabýda, aýdan men kólemdi eseptegende) jáne fızıkada (jylý ótkizgishtikte, aınymaly kúshtiń jumysy, elektr togy jáne t. b.), mehanıkada (jyldamdyq, údeý, qısyq syzyqty qozǵalys t. b.) keńinen qoldanylady.

Bul avtorlyq baǵdarlama“Fýnksıalar. Fýnksıalardyń qasıetteri. Fýnksıalardyń grafıkteri” taqyryby boıynsha oqýshylardyń bilimin júıeleý, bilim, bilik daǵdysyn tekserý maqsatynda qurastyrylǵan. Atalmysh baǵdarlama oqýshylarǵa deńgeılik tapsyrmalarmen jumys isteýde,
UBT-ge daıyndalýda kómegin tıgizedi.
Kýrs 34 oqý saǵatyna eseptelgen.

Kýrstyń maqsattary men mindetteri:
– fýnksıanyń jalpy qasıetterin tereńdetip oqytý;
– elementar fýnksıalardyń grafıkterin salýǵa úıretý (syzyqtyq, kvadrattyq, keri proporsıonaldyq, dárejelik, trıgonometrıalyq, kórsetkishtik, logarıfmdik);
– teńdeýler men teńsizdikterdi sheshýdiń grafıktik tásilin qaıtalaý jáne júıeleý;
– týyndynyń kómegimen fýnksıany zertteı bilý iskerlikterin jetildirý;

Kýrstyń mazmuny
I. Fýnksıanyń jalpy qasıetteri – 3 saǵat
Fýnksıa, fýnksıanyń grafıkteri, fýnksıanyń berilý tásilderi. Anyqtalý obylysy, fýnksıanyń mánderiniń jıyny. Keri fýnksıa.
II. Fýnksıalardy zertteý – 5 saǵat
Fýnksıanyń úzilissizdigi. Ósý jáne kemý aralyqtary. Fýnksıanyń juptyǵy jáne taqtyǵy. Fýnksıanyń perıodtyǵy, ekstremým núkteleri, eń úlken jáne eń kishi máni. Qosymsha zertteýler arqyly fýnksıa grafıgin salý

III. Grafıkterdi túrlendirý – 4 saǵat
Ordınata osi boıymen paralel kóshirý. Absıssa osi boıymen paralel kóshirý. Ordınata osi boıymen sozý. Absıssa osi boıymen sozý.
“Fýnksıanyń jalpy qasıetteri. Fýnksıalardy zertteý. Grafıkterdi túrlendirý” taqyryptary boıynsha synaq alý
IV Negizgi elementarfýnksıalar, olardyń grafıkteri – 5 saǵat
Syzyqtyq fýnksıa. Keri proporsıonaldyq. Kvadrattyq fýnksıa. Dárejelik fýnksıa. Trıgonometrıalyq fýnksıa. Kórsetkishtik jáne logarıfmdik fýnksıa.

V. Teńdeýler men teńsizdikterdi grafıktiń kómegimen sheshý - 5 saǵat
Teńdeýlerdi sheshýdiń grafıktik tásili Teńdeýlerdi sheshýde fýnksıalardyń qasıetterin jáne grafıkterin paıdalaný. Eki aınymalysy bar teńdeýler men teńdeýler júıesiniń sheshimder jıynyn koordınatalyq jazyqtyqta keskindeý. Eki aınymalysy bar teńsizdikter men teńsizdikter júıesiniń sheshimder jıynyn koordınatalyq jazyqtyqta keskindeý.
VI. Modýl tańbasynyń astyndaǵy elementar fýnksıalar - 4 saǵat
Modýl tańbasynyń astyndaǵy syzyqtyq fýnksıa, onyń qasıetteri jáne grafıgi. Modýl tańbasynyń astyndaǵy syzyqtyq teńdeýlerdi grafıktiń kómegimen sheshý. Modýl tańbasynyń astyndaǵy kvadrattyq fýnksıa, onyń qasıetteri jáne grafıgi. Modýl tańbasynyń astyndaǵy kvadrattyq teńdeýlerdi grafıktiń kómegimen sheshý.

“Teńdeýler men teńsizdikterdi grafıktiń kómegimen sheshý ” taqyryby boıynsha baqylaý jumysy
VII. Týyndynyń kómegimen fýnksıany zertteý – 7saǵat
Týyndynyń geometrıalyq maǵynasy. Fýnksıanyń eń úlken jáne eń kishi mánin tabý. Týyndynyń grafıgi boıynsha janamanyń buryshtyq koefısıentin tabý. Týyndynyń jáne fýnksıanyń grafıkteri boıynsha ekstremým núktelerin anyqtaý. Týyndynyń kómegimen fýnksıany zertteý. Asımptotalar. Týyndynyń kómegimen fýnksıa grafıkterin salý.

Qorytyndy baqylaý jumysy - 2 saǵat
Oqýshylardyń bilim, bilik, daǵdylaryna qoıylatyn talaptar
Kýrsty oqyp - úırený barysynda oqýshylar bilý kerek:
– fýnksıanyń ártúrli berilý tásilderinde argýmenttiń máni boıynsha fýnksıanyń mánin taba bilý;
– fýnksıa grafıkterin sala bilý, elementar fýnksıalardyń grafıkterin ajyrata bilý;
– teńdeýlerdi, teńsizdikterdi fýnksıalardyń qasıetterin jáne grafıkterin paıdalana otyryp sheshe bilý
– alǵan bilimderin kúndelikti ómirde qoldana bilý

Paıdalanylǵan ádebıetter:
1. A. E. Ábilqasymova jáne t. b. “Algebra jáne analız bastamalary”. Jalpy bilim beretin mekteptiń jaratylystaný - matematıka baǵytyndaǵy 10 - synybyna arnalǵan oqýlyq, Almaty. “Mektep”, 2010.
2. A. E. Ábilqasymova jáne t. b. “Algebra jáne analız bastamalary”. Jalpy bilim beretin mekteptiń jaratylystaný - matematıka baǵytyndaǵy11 – synybyna arnalǵan oqýlyq, Almaty. “Mektep”, 2011.
3. Semenko E. A. “Obobshaıýshee povtorenıe kýrsa algebry ı nachal analıza”, Krasnodar, 2006.
4. Semenko E. A. ı dr. “Tehnologıa raznoýrovnevogo obobshaıýshego povtorenıa po matematıke”, Krasnodar, “Prosveshenıe - Iýg”, 2008.