InfoHub Logo

Taqyryby: «Fızıka patshalyǵynda»
Synyptan tys sabaqtyń maqsaty:
1. Oqýshylardyń pán boıynsha alǵan bilimderin pysyqtap, júıeleý.
2. Óz oılaryn ashyq aıtqyza otyryp, pánge degen qyzyǵýshylyǵyn arttyrý.
3. Shapshandyqqa, uqyptylyqqa, bir – birin sylaı bilýge tárbıeleý.
Sabaqtyń ádisi: saıys sabaq
Sabaq barysy:
Júrgizýshi:
Ýa, halaıyq, halaıyq,
Bárine jar salaıyq.
Búgingi kún mektepte,
Bilimdiler elinde.
Shabyt tasyp, shalqysyn.
Eseppen án salysyp,
Kóńildi kesh jasaıyq.
Bilimmen saıysady saıyskerler,
Alǵa ozar eń myqty osy jolda.
Kópshilik ónerderin qyzyqtamaq,
Suraıyq shyǵýlaryn jurt aldyna.
Saıysymyzdy ashyq dep jarıalaımyz.

Júrgizýshi:
Shyn júırik shabysynan tanylady,
Naqty bilim, tereń oı synalady.
Shyn júırikti tanıtyn shabysynan,
Saılaıyq ádilqazy alqasyn!
Saıysymyzdy bastamas buryn ádilqazy alqasyn saılap alaıyq.

Júrgizýshi:
Jaqsylyq adamdardyń tilegi eken,
Tileıtin jaqsylyqty júregi eken.
Dástúrli qazaǵymnyń sarqylmaǵan,
Sharttaryn saıyskerler bile me eken?- deı kele, saıysymyzdyń kezeńderimen tanystyryp óteıin.
1. «Báıge»
2. «Júırik bolsań, ozyp kór».
3. «Ǵajaıyp úshtik»
4. «Jorǵa».

Qarap turmaı báıgege erińiz,
Saıyskerge ádil baǵa berińiz.
Júzden júırik arasynan shyǵady,
«Báıge» degen bólimdi bir kórińiz.
Bul bólimde saıyskerge suraqtar qoıylady. Árbir durys jaýap 10 upaımen baǵalanady.

Suraqtar: İ top.
«Fızıka» grek tilinen aýdarǵanda qandaı maǵyna bildiredi?
Fızıkanyń birinshi atasy?
Ýaqytty ólsheıtin qural?
Joldyń formýlasy?
Suıyqtar men gazdarǵa arnalǵan qysymdy ólsheıtin qural?

İİ top:
Fızıkanyń ekinshi atasy?
Álemniń 4 keremeti?
Qysymnyń formýlasy?
Kúshti ólsheıtin qural?
Dıfýzıa degenimiz ne?

Júrgizýshi:
Fızıka patshalyǵy ómir súrgen,
Zańdary salynypty dana tilmen.
Patshalyqqa saıahat jasaı júrip,
Ár adam patshalyqtyń syryń bilgen.
- «Júırik bolsań, ozyp kór!» atty saıysymyzǵa kezek beremiz. Bul kezeńde saıyskerlerge esep berildi. Esepti durys ári tez shyǵarýlary kerek. Durys shyǵarǵan esep 20 upaımen baǵalanady.
Bilim degen – bıik shyń,
Baqytqa seni jetkizer.
Bilim degen – aqylshyń,
Qıyndyqtan ótkizer.
«Ǵajaıyp úshtik» bólimi. Bul bólimde oqýshylarǵa suraqtar qoıylady. Qaı uıashyqtaǵy suraqqa jaýap berse, sol uıashyqtyń syrtyndaǵy upaıdy ıelenedi.
20 20 20
30 30 30
40 40 40

Barynsha jaýap berip suraqtarǵa,
Kórsetti saıyskerler bilimderin.
Osymen qorytyndysyn osy kezeńniń,
Ádilqazy berse deımiz

Júrgizýshi:
Eń myqty qıyny jarystyń «Jorǵa» keldi,
Myqtylary saıystyń jeńsiń endi.
Osy oıynnyń kóremiz eren erlerin.
Saıysymyzdyń sońǵy kezeńi «jorǵa» degen.

Júrgizýshi:
Bul bólimde saıyskerlerge suraqtar qoıylady. Suraqtarǵa 1 mınýt ishinde durys ári shapshań jaýap berýleri kerek. Árbir durys jaýap 1 upaıǵa teń.

Júrgizýshi:
Qıyndyq pánniń, sirá, bıiktigi,
Oqýshyny tanytar biliktigi.
Fızıka salasyn qalaǵandar,
Shyńyna jeter ylǵı jeńip túbi.
2030 - dyń biz barymyz,
Bolashaqqa bastaıdy ár isimiz.
Egemen elimizdi kórkeıtetin,
Bilimdi bolý - bizdiń maqsatymyz.
Saıys sońynda jeńiske jetken topqa maqtaý qaǵazy tabys etiledi.