InfoHub Logo

Sabaq maqsaty:
Fızıkalyq jáne hımıalyq qubylystar týraly uǵymdy qalyptastyra otyryp, hımıalyq reaksıanyń júrý belgilerimen tanystyrý.
Mindeti:
• Jasalatyn tájirıbeler negizinde fızıkalyq jáne hımıalyq qubylystar týraly uǵymdy qalyptastyrý.
• Kórsetilim tájirıbeleri jáne kúndelikti ómirdegi baqylaýlar negizinde hımıalyq reaksıanyń júrý belgilerin anyqtaý.
• Kúndelikti turmysta jáne ómirde fızıkalyq jáne hımıalyq qubylystardy ajyrata bilýge úıretý.
Sabaq túri: aralas sabaq.
Sabaq tıpi: ınterbelsendi taqtamen jumys, toppen, juppen, jekeleme jumystar, tájirıbeler, test jumystary.
Qural jabdyqtar: ınterbelsendi taqta, markerler, sýretter, sınk, tuz qyshqyly,
aǵash untaǵy, barıı hlorıdi, natrıı súlfaty, krahmal, ıod, kárlen ydys, synaýyqtar.
Sabaq barysy: Uıymdastyrý kezeńi. Synypty 4 topqa bólemiz.

İ. Oı qozǵaý. Aldymen muǵalim tabıǵatta bolyp jatqan qubylystarmen tanystyra otyryp, synypqa mynadaı tapsyrma beredi: Kúnniń kúrkireýi, japyraqtyń sarǵaıýy, sýdyń býlanýy, adamnyń ósýi, naızaǵaıdyń jarqyraýy, muzdyń erýi, súttiń ashýy, aǵashtyń janýy, temirdiń balqýy, shamnyń janýy, qardyń erýi, munaıdan benzınniń alynýy. Osy berilgen jaǵdaılardy qandaı qubylystarǵa jikteýge bolady.
Oqýshylardyń pikirleri tyńdalady.

İİ. Maǵynany taný. Sonymen búgingi bizdiń ótetin sabaǵymyzdyń taqyryby:
« Fızıkalyq jáne hımıalyq qubylystar. Hımıalyq reaksıalar.»
1. Jalpy qubylystardyń ne ekenin uqsaq árbir topqa mynadaı tapsyrma:
♦ 1 - top fızıkalyq qubylys
♦ 2 - top hımıalyq qubylys
♦ 3 - top hımıalyq reaksıa
♦ 4 - top hımıalyq reaksıa belgileri
Jeteleýshi suraqtar beriledi:
♦ Osy qubylys týraly oılaryńdy qaǵazǵa túsirińder
♦ Soǵan mysal keltirińder
♦ Qorǵaý barysynda oılaryńdy ómirmen baılanystyr
Osy tapsyrmalar boıynsha ár top qorǵaý jumystaryn jasaıdy
2. Sýrettermen jáne jaǵdaıattarmen jumys.

Ár top ózderińizge berilgen sýretterdegi qubylystardy sıpattańyzdar.
3. Tájirıbe jasap kórsetý arqyly hımıalyq reaksıalardyń júrý belgilerimen tanystyramyn.
♦ Kartoptaǵy krahmaldyń ıodpen túsin ózgertý arqyly, tústiń ózgerýi hımıalyq reaksıanyń belgisi ekenin túsindirý.
♦ Myrysh pen tuz qyshqylynyń árekttesýinen sýtek gazynyń túzilgendigin dáleldeý arqyly, gaz túzilý reaksıanyń júrgendiginiń belgisi ekndigin túsindirý.
♦ Aǵash janǵan kezdegi bólingen jylý arqyly reaksıanyń bir belgisimen tanystyrý.
♦ Barıı hlorıdi men kúkirt qyshqylyn bir - birine quıǵanda túzilgen aq tunbany kórsete otyryp, hımıalyq reaksıanyń taǵy bir túrimen tanystyrý.
İİİ. Maǵynany ajyratý.
Árbir oqýshyǵa jekleme tapsyrma berý arqyly sabaqty bekitemiz.
Fızıkalyq jáne hımıalyq qubylystarǵa mysal keltir.
Fızıkalyq:
Hımıalyq:

Fızıkalyq jáne hımıalyq qubylystardyń belgilerin ata.
Fızıkalyq
Hımıalyq

Búgingi sabaq senderge unady ma?
Búgingi sabaqty qanshalyqty (paıyzben) meńgerdińder: 25%, 50%, 75%, 100%.
Sabaq sońyndaǵy kóńil kúıleriń qandaı?
Taqtaǵa jazylǵan stıkerlerińdi japsyryp qaldyrýlaryńdy suraımyn.
İV. Oqýshylardy baǵalaý.
V. Úıge tapsyrma