InfoHub Logo

Ǵalamtor degen ǵajap bar,
Bes qurlyqqa taraǵan,
Kún-tún demeı qajetke
Jaratady bar adam.

Adamdardyń san alýan
Kóp bolsa da suraǵy
Mıllıondaǵan jaýaby
Lezde daıyn turady

Otyryp-aq úıińde,
Sharlaısyń san álemdi.
Ǵalamtorǵa senedi
Adamzattyń bári endi.

Biraq, balam mynany uq,
Bolmaıdy ol saǵan dos.
Kúni boıy bas almaı,
Ýaqytyńdy qurtpa bos.

Ǵalamtordyń zıany,
Paıdasymen qatar bar.
Sondyqtan da aqylmen,
Tek paıdasyn tańdap al.

Tyısa eger ata-anań,
Ǵalamtordy keı kezde.
Ashýlanyp qur bosqa
Aqylynan sen bezbe.

Ǵalamtordan ózgerek,
Kitap dosty umytpa.
San oıynǵa shyrmalyp,
Túsip qalma quryqqa.

Ǵalamtordan ózgerek,
Dosyń baryn umytpa.
Jansyz álem sezim joq,
Qalaısha dostan syr uqpaq?

Ǵalamtordan ózgerek,
Tabıǵatty umytpa.
Taza aýda kóp júrgin,
Taza álemnen syr uq ta.

Ǵalamtordan ózgerek,
Óziń barsyń umytpa!
Tek paıdasyn jaratqyn,
Paıdasyzyn qulypta.

---