InfoHub Logo

Geografıa sabaqtarynda jobalaý ádisin qoldaný.

Máseleniń ózektiligi Kazirgi mektep kóp máselelerdi múmkindiginshe naqty aıqyndap, tıimdi sheshim taba bilýdi qalyptastyrý jáne damytýǵa shaqyrady. Ol úshin jańashyl qoǵamǵa oılaı alatyn, shyǵarmashyl, básekege qabiletti, quzyrly, berik bilimdi, keń óristi tulǵa qajet. Al bundaı tulǵa qalyptastyrý úshin ne isteý kerek? máseleni sheshý joldarynyń biri — jobalaý ádisin qoldana bilý.
Maqsaty: Oqýshyny óz betimen jumys jasaýǵa jáne ǵylymı oılaýǵa úırete otyryp, shyǵarmashylyq qabiletin oqýǵa degen sanaly yntasyn damytý. Jaýapkershilikke, ǵylymı mádenıetke, ǵylymı jumystyń áleýmettik rolin túsinýge tárbıeleý.

Mindetteri: 1. Oqýshynyń oı - órisin damytý, bilim dárejesin arttyrý. Oıy oramdy, tili baı oqýshy tulǵasyn qalyptastyrý.
2. Oqýshy qyzmetin belsendirip, qyzyǵýshylyǵyn arttyrý. Óz betterimen bilim alý daǵdylaryn qalyptastyryp, qabiletterine degen senimdilikterin jetildirý.
3. Oqýshylardy izdenimpazdyq qasıetterge jeteleý, ómirge kózqarastaryn qalyptastyrý, jańa bilimdi ıgerýge
yntasyn arttyrý.

Zertteý obektisi: geografıany oqytýda jobalaý ádisin oqý - tárbıelilik úrdiste qoldaný.
Zertteý páni: geografıany oqytýdaǵy jobalaý tehnologıasy
Jobalaý ádisin Amerıkalyq pedagog jáne fılosof Dj. Dúı HH ǵasyrdyń 20jyldary ashqan. Ómirde qajet bolatyn bilimge balany derbes yntalandyrýǵa negizdelgen. Muǵalim oqýshynyń ózindik izdenisine tek baǵyt - baǵdar berýshi.
Sońynda oqýshylar qajetti bilimdi paıdalana otyra máseleni ózdigimen birlese otyryp sheshedi, ári qabyldaýlaryna jaqyn aýyz toltyryp aıtarlyqtaı nátıjege qol jetkizedi.
Joba tıpologıasyna toqtalatyn bolsam:
mazmuny boıynsha: ekologıalyq, fızıko - geografıalyq, áleýmettik ekonomıkalyq, keshendik, ólketanýlyq, tarıhı - geografıalyq;
qyzmeti boıynsha: tanymdyq, shyǵarmashylyq, oıyndyq, tájirıbege negizdelgen, zertteýshilik;
Integrasıa deńgeıi boıynsha: Pándik (geografıalyq málimetterge
baılanysty oryndalady), Pánaralyq(jumysta birneshe pánderdiń
baılanysy eskeriledi), Pánnen tys (mektep programmasynan tys
málimetter negizinde jasalady)
Qatysýshylar sany boıynsha: Jeke dara, toptyq, ujymdyq
Jumys uzaqtyǵy boıynsha: mını - joba. orta merzimdi, uzaq merzimdi bolyp jikteledi.

Zertteý jumystaryn rásimdeýge qoıylatyn talaptar:

Jumys mátini kompúterde basylyp mynadaı qurylymnan turýy tıis:
1. tıtýl paraǵy;
2. mazmuny;
3. abstrakt (anotasıa) qazaq nemese orys tilderinde (zertteý jumysynyń qaı tilde daıyndalǵanyna baılanysty), sondaı - aq aǵylshyn tilinde jazylady);
4. kirispe;
5. zertteý bólimi;
6. qorytyndy;
7. paıdalanylǵan ádebıetter tizimi;
Abstrakt (anotasıa) (250 sózden artyq emes) qamtylǵan jumystyń qysqasha mazmunyn kórsetýi tıis:
• Taqyryptyń ózektiligi;
• Zertteýdiń obektisi (neni biz zertteımiz?);
• Zertteýdiń páni (zertteý obektisin qaı turǵydan qarastyrýǵa bolady);
• Zertteýdiń maqsaty (Ne úshin zerttep otyrmyn? Men qandaı nátıjege qol jetkizgim keledi?);
• Zertteýdiń mindeti (maqsatqa jetý úshin ne isteý kerek);
• Gıpotezalary (Nátıjeniń qandaı bolatynyna óz boljamyńdy jasaı bilý );
• Kezeńderi, zertteýdiń ádisteri (Nátıjege qol jetkizý úshin ne isteý kerek?);
• Zertteýdiń jańalyǵy jáne derbestik dárejesi;
• 4. Kirispede (eki betten artyq emes) mynalar keltiriledi: tańdalǵan zertteý taqyrybynyń ózektiligi, osy jumystyń maqsaty (mindeti): qoıylǵan mindetterdi sheshý ádisi qysqasha kórsetiledi;
• 5. Jumystyń zertteý bólimi (20 betten artyq emes) jeke taraýlardan (paragraftardan) turýy jáne mynalardy qamtýy múmkin:
• Osy jumysty júrgizýdiń qajettiligine kóz jetkizýge jáne onyń maqsatyn (mindetin) qurastyrýǵa múmkindik beretin tańdalǵan taqyryp boıynsha belgili nátıjelerge taldama sholý jasaý;
• Qoıylǵan mindetterdi sheshý ádisterin sıpattaý;
• Jumystyń nátıjeleri jáne olardy talqylaý;
• Sýretti materıaldar (syzbalar, kesteler, fotosýretter jáne sýretter);
6. Paıdalanylǵan ádebıetterge siltemeni tórtburyshty jaqshada berý kerek. Mátinde kezdesetin siltemelerde nómirleý júıesi bolýy kerek;
Paıdalanylǵan ádebıetter jumys sońynda jalpy tizimmen mynadaı tártipte beriledi:
• Avtordyń tegi jáne qysqartylǵan aty jóni;
• Maqalanyń jáne jýrnaldyń aty (jýrnaldaǵy maqalalar úshin);
• Basyp shyǵarylǵan orny jáne baspasy (kitaptar úshin);
• Basylǵan jyly, shyǵý nómiri, beti
7. Qorytyndy (bir betten artyq emes) jumystyń negizgi nátıjeleri jáne olardyń negizinde jasalǵan qorytyndylaryn, jumystyń nátıjelerin ǵylymı jáne praktıkalyq maqsattarǵa paıdalaný jónindegi usynystardy qamtıdy;