InfoHub Logo

Synyby: 4
Sabaq: Eńbekke baýlý
Sabaqtyń taqyryby: Geometrıalyq fıgýralarmen qumyrany bezendirý.
Sabaqtyń maqsaty:
Bilimdilik: Qumyrany túrli tústi qaǵazdarmen bezendirýdi, tústerdi úılesimdi paıdalanýdy, geometrıalyq fıgýralardy tıimdi jáne tıisti jerge paıdalanýdy úıretý;
Damytýshylyq: Estetıkalyq talǵamdary men oı-órisin, shyǵarmashylyq qabiletteri men qıalyn damytý;
Tárbıelik: Uqyptylyq pen tazalyqqa, sulýlyq pen úılesimdilikke, eńbek mádenıetine tárbıeleý.
Sabaqtyń qural-jabdyqtary: qumyralar, túrli tústi qaǵazdar, qaıshy, jelim, ınterbelsendi taqta.
Pán aralyq baılanys: Matematıka.

Sabaqtyń barysy:
İ. Uıymdastyrý kezeńi.
A) kún retin suraý;
Á) oqýshylardy túgeldeý;
B) oqýshylardyń nazaryn sabaqqa aýdarý.

İİ. Úı jumysyn tekserý.
- Balalar, ótken sabaqta biz qandaı jumys jasadyq?
- Sút qorabynan qalamsalǵysh jasadyq.
- Úıge qandaı tapsyrma berilgen bolatyn?
- Bir qalamsalǵysh jasaý úshin neshe qorap paıdalandyq?
- Olardyń syrtyn nemen bezendirdik?
- Olardy bir-birine qalaı bekittińder?
- Jumystaryń kóńilderińnen shyqty ma?
Oqýshylardyń jasap kelgen jumystaryn tekserý.
Úı jumysyn qorytyndylaý.
- Mine, balalar, óz qolymyzben qalamsalǵysh jasap úıde ústelimizdiń ústine qoıyp qoısaq, barlyq zattarymyz bir jerde jınalyp turady. Sút qoraptarynan jáne de basqa zattar da jasaýǵa bolady eken. Ol úshin bizge tek bizdiń qıalymyz ben oı ushqyrlyǵymyz qajet.
Interbelsendi taqtadan qoraptan jasalǵan zattardy kórsetý.

İİİ. Jańa sabaq.
- Balalar, búgin biz qumyrany geometrıalyq fıgýralarmen bezendiremiz.
- Qumyra ne úshin kerek?
- Geometrıalyq fıgýralarǵa neler jatady?
Interbelsendi taqtada geometrıalyq fıgýralar kórsetiledi.
-Qumyralardy ár túrli zattarmen bezendirýge bolady eken. Mysaly: Interbelsendi taqtada sýretterdi kórsetý.
- Túrli boıaýlarmen boıaý, ermeksazben qaptan syrtyna monshaqtar, basqa da zattar japsyrý, gúlder qadaý, mata kesindilerimen sándeý, taǵy da basqa sándeý joldary óte kóp eken. Búgin biz endi qumyrany túrli tústi qaǵazben sándeıtin bolamyz.
-Mine, myna sýrettegi qumyralardyń barlyǵy túrli tústi qaǵazdarmen sándelgen. Interbelsendi taqtada sýretterdi kórsetý.

İİİ. Praktıkalyq jumysqa daıyndyq. Oqýshylardy úsh topqa bólý. Ár toptyń aldyna bir-bir qumyra taratyp berý. Ár topqa quraldaryn daıarlatý: túrli tústi qaǵaz, jelim, qaıshy.

İV. Jumys retimen tanystyrý.
-Balalar qalaı oılaısyńdar, jumysty neden bastaımyz?
Oqýshylar oıyn tyńdaý.
-Eń aldymen oılasyp alamyz. Qaı tústen qandaı geometrıalyq fıgýra jasaımyz jáne ony qaıda ornalastyramyz. Sonan keıin fıgýralardy qaǵazdan qıyp alamyz. Sosyn ony qumyramyzǵa japsyramyz. Toptyq jumys bolǵannan keıin, jarty top qıý jumysyn, al qalǵandary olardy japsyrýmen aınalysqany durys. Bul jerde eskeretin nárse tústerdiń úılesimdiligi.
V. Sergitý jattyǵýy.
«Jańǵyryq» oıynyn oınatý.
Oıyn sharty: Muǵalim óleń joldaryn oqıdy. Balalar ár joldyń sońǵy býynyn eki ret qaıtalap, qoldarymen joǵary kóterip, saýsaqtaryn ashyp-jumyp, qımyl jasap turady.
Jınalsyn bala-shaǵa,
Bastalsyn oıyn jańa.
Al qazir ýaqyt qansha,
Bir saǵat óter bolsa,
Bola ma eki onda?
Balalar berdi jaýap,
Jumysqa kirissin endi otyryp-ap.

Vİ. Praktıkalyq jumys jasaý.
Ár top muǵalim túsindirgen retpen jumystaryn bastaıdy. Muǵalim ár toptyń jumysyn baqylap júredi. Toptaǵy barlyq oqýshylar jumys jasaýlary qajet.
Vİİ. Jasaǵan jumystaryn qorytyndylaý.

- Balalar, mine sender óz qoldaryńmen qumyrany bezendirdińder. Senderge qaı jumysty jasaý qıyn boldy?
-Toptaryńda jumys jasamaǵan oqýshy boldy ma?
-Mine, birlese otyryp ádemi qumyra jasadyq.
Vİİİ. Sabaqty qorytyndylaý.
- Balalar, búgingi sabaqtan ne úırendińder?
- Qumyrany taǵy nemen bezendirýge bolady?
- Sender nemen bezendirdińder?
- Geometrıalyq fıgýralarǵa neler jatady?
- Jumystaryń kóńilderińnen shyqty ma?
-Jasaǵan qumyralaryń ózderińe unady ma?
- Búgingi sabaq unady ma?

İH. Jumys ornyn jınaqtaý.
H. Úıge tapsyrma. Oqýshylardyń qyzyǵýshylyǵyna baılanysty qumyrany basqa da buıymdarmen bezendirý tapsyrylady.
Hİ. Baǵalaý.