InfoHub Logo

Bilim berý salasy: Qatynas. Tanym.
Bólimi: Til damytý.
Taqyryby: Shar men teksheni salystyrý (sózdik jumys)
Maqsaty:
a) Balalarǵa geometrıalyq pishinder – shar, tekshe sózderin esterine saqtaýǵa, olardyń erekshelikterin (mysaly: shar domalaq, domalaıdy; tekshe tórtburyshty, ornynan qozǵaltýǵa bolady, biriniń ústine birin qoıýǵa bolady) ajyratýǵa úıretý.
á) Sózdik qorlaryn molaıtyp, sóıleý qabiletin damytý.
b) Uqyptylyq pen sabyrlylyqqa tárbıeleý.
Kórnekilikter: (kóńildi domalaq shar men teksheniń sýretteri), úlestirmeli materıaldar (uqsas zattardy sýret boıynsha sáıkestendirý). Dıdaktıkalyq jattyǵý: «Qaı zat qaı zatqa uqsaıdy?».
Aldyn ala júrgiziletin jumys: áńgimelesý.
Sózdik jumys: shar, tekshe, dop.
Bılıngvaldy komponent: shar - shar, tekshe - kýb, dop - mách.
Motıvasıalyq qozǵaýshylyq:
- Bir – birimizdiń qolymyzdan ustap, jaqsy lebizder bildireıik.
Elimiz aman bolsyn!
Anamyz aman bolsyn!
Denimiz saý bolsyn!
Balabaqshamyz gúldene bersin!

Uıymdastyrýshylyq – izdenistik:
Topqa qonaqqa kóńildi «Tekshe» men kóńildi domalaq «Shar» kiredi. Olar balalarmen amandasyp, olarmen oıyn oınaǵysy keletinderin aıtady.
Balalardan:
- Kóńildi teksheniń «.....» dene pishini nege uqsaıdy?
- Onyń túsi qandaı?

- Tekshe tórtburyshty, bir orynda tik turady, ony ornynan qozǵaltýǵa bolady. Mine, bylaı, - dep tekshelerdiń birnesheýin bir – biriniń ústine qoıyp, munara jasaýǵa bolatynyn aıtady.
Bılıngvaldy komponent: shar – shar, tekshe - kýb, dop – mách.
- Al, domalaq Shardyń dene pishinderi nege uqsaıdy eken?
- Durys aıtasyńdar, dopqa uqsaıdy.
- Sen ústel ústindegi shardy ákele ǵoı.
- Mynaý ne?
- Pishini qandaı?
- Shardyń túsi qandaı?
Jeke balalardan toptyń ishinde qandaı zattar domalaq shar men tekshege uqsaıtynyn suraıdy.

Sergitý sáti:
Ón boıymdy tik ustap,
Taıanamyn búıirdi.
Bastap ketem
Durystap
Saıgúlikshe júrýdi.
Bir! Eki! Bir! Eki!

Úlestirmeli materıalmen jumys.
«Nege uqsaıdy?» dıdaktıkalyq oıyn jattyǵýy. Bul tapsyrmada balalar sýrettegilerdiń nege uqsaıtynyn aıtyp, sýret boıynsha sáıkestendiredi. Balalarmen jeke jumys júrgizedi.
Kútiletin nátıje:
Oryndaıdy: geometrıalyq pishinderdiń salystyrýǵa jáne sıpattaýǵa arnalǵan tapsyrmalaryn;
Túsinedi: zatty túr – túsine qaraı sıpattaý kerektigin;
Qoldanady: sóılem qurastyra bilý iskerlikterin.