InfoHub Logo

Mektepaldy daıarlyq tobynyń uıymdastyrylǵan oqý is - áreketiniń tehnologıalyq kartasy
Bilim berý salasy: Tanym
Baǵdarlama taraýlary: Matematıka.
Taqyryby: Ótken materıaldy qaıtalaý
Maqsaty: 11 - 20 deıingi sandardy sanap, sıfrlardy tanı bilý; geometrıalyq pishinderdi ajyrata bilý; keńisti baǵdarlaý týraly bilimderin bekitý.
- Sandardyń retin, qataryn anyqtaı alý, bútin, jarty, shırek uǵymyn sanaly túrde ıgerý, 10 sany kóleminde azaıtý, qosý amaldaryn oryndaý daǵdylaryn damytý;
- Yntymaqtastyqqa, uıymshyldyqqa, uqyptylyqqa tárbıeleý.
Sabaqtyń ádis - tásili: toptastyrý, salystyrý, taldaý
Sabaq túri: qaıtalaý
Sabaq kórnekiligi: syzba qaǵazy, sıfrlar, sandar salynatyn keste, geometrıalyq fıgýralar, sıqyrly taqtaısha, smaılıkter.

Motıvasıalyq qozǵaýshy
1. Sálemetsińder me? Balalar búgin qandaı oqý is - áreketi?(balalar jaýaptary)
1. Psıhologıalyq daıyndyq: Balalar búgin bizdiń sabaǵymyzǵa qonaqtar qatysyp otyr. Senderdiń ne úırengenderińdi kórgileri keledi: Men sender, óte, alǵyr jaqsy oqýshy ekenderińdi aıttym: Endi meniń senimimdi aqtaısyńdar dep oılaımyn. Ondaı bolsa sabaǵymyzdy bastaıyq.

Sabaqtyń barysy:
- Qonaqtarǵa amandasyp alaıyq
- Endi, balalar shattyq sheńberine – birimizge jyly lebimizdi bildireıik
Sálemetsizder me? apaılar
Bizdiń kúlkimiz kóńildi,
Jetkizsin jylý men shattyqty.
Bólisken jaqsy ǵoı ómirde,
Qýanysh, meıirim, baqytty

İzdený uıymdastyrýshylyq
Balalar tyńdańdarshy bireý esik qaǵatyn sıaqty, káne kóreıik?
- Sálemetsińder me balalar?
- Men matematıka áleminiń hanshaıymymyn. Sender jyl boıy qarapaıym matematıkany oqydyńdar.
Senderdiń ne oqyp bilgenderińdi bilgim keledi. Sol sebepti senderge myna sıqyrly sandyqshanyń ishindegi tapsyrmalardy ákeldim., biraq sıqyrly sandyqshany senderge qaldyryp ketemin tárbıeshilerin senderge oryndatyp, jaýabyn maǵan jazyp jiberedi. Al, endi men basqa daıarlyq toptaryna tapsyrma berýim kerek.
№1 tap aldarynda turǵan sıqyrly qumnyń ishindegi zatty, kórmeı sezý arqyly qandaı zat ekenin tabyńdar?
1 - qatar sharshy
2 - qatar úshburysh
3 - qatar tikburysh
Bir sózben qalaı ataımyz?
Geometrıalyq pishinder
Osy geometrıalyq pishinderge baılanysty taqpaq bilemiz be?

Tórtburysh (Aıbar)
Bylǵasa da tumsyqty,
Bolmady bota qapaly.
Oramal tórt buryshty,
Qaltasynda jatady.
Sharshy: tórt buryshy,
tórt qabyrǵasy bar.
ol teledıdarǵa uqsaıdy.(Erkejan)

Úshburysh (shyryn)
Úırekter tapqyr qus edi,
Úshburysh bolyp keregi,
Úsheýi sekirgishterdi
Úsh burysh jasap keredi.
Úshburysh: úsh buryshy,
úsh qabyrǵasy, úsh tóbesi bar.
ol úıdiń tóbesine uqsaıdy.(Arýjan)

Tikburysh
Bizdiń kitap tik buryshty,
Oqytar tyshqan, qoıan, qusty.
Balaqan, sen de qalyp qoıma,
Kitapty oqy alyp qolǵa.
(Sara)
Tikburyshtyń qarama - qarsy qabyrǵalary teń.
Endi osy pishinderden óz qıalymyzdan ár túrli músinder qurastyramyz.
(balalar óz qıaldarynan kólik, balmuzdaq, úı t. b qurastyrady, ne qurastyrǵanyn jáne qandaı pishin ekenin túsindiredi)
2 tap aldymyzdaǵy Sıqyrly taqtaıshany biz bilemiz. Munda 1 - 5 sandar jazylǵan, túrli - tústi shegeler jáne rezeńke berilgen, osy rezenkelerdi kerý arqyly sıqyrly qumnan tabylǵan pishindi jasaımyz..( 1qatar sharshy, 2qatar úshburysh,
3 qatar tikburysh kerip jasaıdy)
3 tap Aldymyzdaǵy sýretterdi keńistikti baǵdarlaý tártibi boıynsha ornalastyramyz.
( Balalardyń aldynda kún, qus, aǵash jáne úıdiń sýretteri beriledi. Keńisti baǵdarlaý tártibi boıynsha sýretterdi ornalastyrady jáne túsindirip aıtady)
№ 4 tap úsh qatarǵa berilipti
1q 1 - 10 týra keri
2q 11 - 20 týra keri
3 qatar1 - 10 oryssha, aǵylshynsha sanasyn.
№5
Logıkalyq tapsyrmalar
1. kempirqosaqta neshe tús bar? (7)
2. baǵdarshamda neshe kóz bar? (3)
3. qolǵapta neshe saýsaq bar? (5)
4. adamda qansha kóz bar? (2)
5. juldyzdyń neshe buryshy bar?
6. aspanda neshe kún bar? (1)
7. bir jylda neshe aı bar? (12)
8. bir aptada neshe kún bar? (7)
9. adamda qansha saýsaq bar? (10)
(sandar kórsetý arqyly jaýap beredi)
Sergitý sáti (teledıdardan kórsetiledi)
№4 tap Dáptermen jumys
(Grafıkalyq dıktant)
№5 tap esep shyǵarý( teledıdardan)

Refleksıfti túzetýshi
Qorytyndy.
Sabaqty qorytyndylap balalardy baǵalaý. Jaqsy qatysqan balalardy madaqtaý.
Balalardyń ózin ózi baǵalaýy smaılıktermen bári jaqsy maǵan unady men jaqsy qatysa aldym degen bala qyzyl tústi alady
Maǵan unady biraq men durys aıta almadym degen bala jasyl tústi alady
Maǵan unamady men eshteńe túsinbeımin degen bala sary tústi alady.
Kútiletin nátıje;
Biledi: ótken materıaldardy qaıtalap aıta bilý kerek.
Túsinigi: 1 - 10 kóleminde órnek qura bilý
Oryndaı alady: 11 - 20 sandardy týra jáne keri sanaı alady.

Shyǵys Qazaqstan oblysy, Semeı qalasyndaǵy
№ 38 jalpy orta bilim beretin mektep - lıseıdiń
mektepaldy daıarlyq top tárbıeshisi
Kýandykova Saıa Týkenovna