InfoHub Logo

TRENIŃ
Taqyryp: Ata - ana men bala arasyndaǵy qarym - qatynas
Maqsaty: Otbasyndaǵy ata - ana men bala arasyndaǵy qarym - qatynasty úılesimdi etý, jaqsartý. Ata - ana jáne bala arasyndaǵy súıispenshilikti sezindirý.
Qajetti qural jabdyqtar: A 3 - formattaǵy aq qaǵazdar, túrli - tústi qaryndashtar men markerler, qaǵazdan qıylǵan almalar, sharlar, vatman, mýzyka yrǵaǵy.

Jumys barysy:« Oı salý» ata - anaǵa kórsetetin prezentasıa
1. Psıholog: Sálemdesý sergitý: ana jáne bala
Amansyń ba dosym - qolmen amandasady
Qalyń qalaı? – ıyǵynan ustaımyz
Qaıda boldyń? – qulaǵynan ustaımyz
Men seni saǵyndym ǵoı - qoldarymyzdy jaıamyz
Sen keldiń - qushaqtasady.

2. Tárbıeshi:«Sıqyrly sózder oıyny»
Sıqyrly sózderdi bilesińder me? Qandaı? Barlyǵyń aıtyńyzdarshy......
- Tańerteń turǵanda analaryń ne deıdi?
- Qazir biz sıqyrly sózderdiń kómegin kóremiz! Eger men bir nárseni isteýdi ótinemin degen sózben aıtsam ǵana oryndańdar. Eger umytyp ketsem, oryndamaısyńdar.
Tapsyrma.
Ótinemin qoldaryńdy kóterińder! túsiremiz.
Qoldaryńdy jandaryńa qaraı kóterińder!
Ótinemin oń qoldaryńdy kóterińder! túsiremiz
Qoldaryńdy belderińe qoıyńdar!
Ótinemin qoldaryńdy bastaryńnyń artyna aparyńdar túsiremiz
Ótinemin qoldaryńdy belderińe qoıyńdar
Ótinemin sol qoldaryńmen oń qoldaryńdy ustańdar! túsiremiz
Qoldaryńdy kóterińder!
Ótinemin qoldaryńdy jandaryńa qaraı kóterińder! túsiremiz

3. Tárbıeshi: ata - analar úshin oıyn: Óz balańyzdyń 3 jaqsy qasıetin aıtyńyzdar.
Siz maqtan tutatyndaı balańyz shaǵyn ortalyqta neni úırendi?

4. «Sóılemdi aıaqta» oıyny
Aldymen anasy, sodan keıin balasy aıtady.
«Men......... unatamyn»
«Men.......... unatpaımyn»

5. Psıholog: Juldyzqurt oıyny. Bir - birimizdi jaqsy sezinip, bir birimizden energıa alý úshin bir sergitý sátin ótkizeıik.
Nusqaý: Qatysýshylar boılaryńmen sapqa, bir - birlerińniń aldaryńa turyńdar. Qoldaryńdy belderińe qoıyńdar. Sharlar aldyńǵy qatysýshynyń beli men ishteriniń arasyna ustalyp turady. Sharlardy qolmen ustap túzeýge bolmaıdy. Aldyńǵy qatysýshy shardy, qoldaryn aldyǵa soza otyryp, ustaıdy. Sonymen, bir tizim shyqty. Endi tizim úzilmeıtindeı etip, sheńber jasap júrińder.( Qatysýshylardyń sharlardy túsirmeı júre ala ma ekendigi, balalardyń óz áreketin qalaı úırengendigin, bireýi lıder rólin aldy ma ekendigi qarastyrylady)
Ózderińdi juldyzqurttyń bir múshesi retinde sezindińder me? Kim sezindi,
Qoldaryńdy kóterińder.
Bul neden kórinis beredi? (men tez júrýge qoryqtym)

6. Psıholog: Psıhologıalyq sát: Ýaqyty 5 mınýt
Qatysýshylar, anasy men balasy ómirlerindegi eń baqytty kezderin aıtady. ( Mýzyka yrǵaǵy oınap turady)

7. Tárbıeshi: «Ónerińdi syna»Ata - ana men bala birigip ónerlerin ortaǵa salady
1. Bıge jaqyn ata - ana men balasy «Qara jorǵa» bıin bıleıdi.
2. Sportqa jaqyndar bir sport túrin kórsetedi.
3. Sheber qoldar bar bolsa, sheberligin kórsetedi. (sýret salý t. b.)

8. Psıholog: «Otbasy sýreti». Qatysýshylar eki topqa bólinip, birigip aqyldasyp, qandaıda bir obrazdy usynady. Vatmanǵa otbasy portretin salady. Salynǵan sýret talqylanady.

9. Tárbıeshi: Analarmen ózindik jumys.
1. Balalarmen karta oınaýǵa bola ma?
2. Eger bala sizge onymen birge oınaýdy ótinse, al siz osy kezde teledıdar kórip otyrsańyz ne isteý kerek?
3. Eger oıyndaǵy kez - kelgen sátsizdik balada qaıǵy men ýaıym, jylaýdy týyndatsa ne isteý kerek?
Tárbıeshi: Qortyndy sóz. Bala – ata – ananyń úmiti, ómiriniń jalǵasy.
«Balamnyń tabanyna kirgen tiken meniń mańdaıyma kirsin» - dep perzentin álpeshtep ósirgen ata – ananyń jatsa – tursa tileıtini - balasynyń aldyńǵy
qatarly azamat bolyp óskeni. Ata - ananyń jeke basynyń áseri balaǵa kún
sáýlesimen birdeı, muny basqa eshbir nárse aýystyrý múmkin emes. Sondyqtan baladan júrek jylýyn aıamaı, bir sát bolsa da bala kózimen qaraý kerek.

10. Psıholog: Qoshtasý rásimi. Qatysýshylar qaǵazdan qıylǵan almalardy alady. Onda árkim bir jaǵymdy sýret salýǵa, ne jaqsy tilek jazyp, búgingi keshimizge estelik bolatyndaı etip, myna talǵa ilýdi usynamyz.

№38 pedagog - psıholog: Abeýova Maqpal Bekbolatovna