InfoHub Logo

Budan bylaı ǵylymı jobalar men baǵdarlamalardy granttyq jáne baǵdarlamalyq-nysanaly qarjylandyrý konkýrsy jyl saıyn ótkiziletin bolady. Bul týraly «Qazaqstan ǵylymyn damytýdyń ózekti máseleleri» seksıasynda QR Bilim jáne ǵylym mınıstri Ashat Aımaǵambetov aıtty.

«Buryn áldebir ǵalymnyń ǵylymı jobasy ózekti emes jáne taǵy da basqa sebeptermen konkýrstan ótpeı qalsa, qaıtadan qorǵaý úshin úsh jyl kútetin. Budan bylaı ǵylymı jobalar men baǵdarlamalardy granttyq jáne baǵdarlamalyq-nysanaly qarjylandyrý konkýrsy jyl saıyn ótkiziletin bolady. Sondaı-aq, endi dástúrli granttardan basqa shaǵyn granttar, jedel granttar, kollabarasıaǵa arnalǵan granttar engiziledi. Baǵdarlamalyq-nysanaly qarjylandyrý naqty nátıjeleri bar ǵylymı-tehnıkalyq mindetter negizinde ǵana bólinetin bolady. Sonymen qatar, jas ǵalymdarǵa arnalǵan konkýrstar jyl saıyn ótkiziletin bolady», - deıdi Ashat Aımaǵambetov.

Ol ótken jyly qarjy bólýdiń ashyqtyǵyn arttyrý úshin normatıvtik salada kóptegen jumystar atqarylǵanyn aıtty.

«Mysaly, jobalar men baǵdarlamalardy qarjylandyrý týraly sheshim qabyldaıtyn, olardyń iske asyrylýyna monıtorıń júrgizetin ulttyq ǵylymı keńester týraly erejege ózgerister engizildi. Endi úmitkerlerdi irikteýdiń basty talaby - olardyń ǵylymı jarıalanymdarynyń sapasy. Ótken jyldyń ortasynda ulttyq ǵylymı keńes quramdary jartylaı jańartyldy. Ashyq daýys berý jáne otyrystardyń onlaın-translásıasy engizildi», - deıdi ol.

---