InfoHub Logo

1

Gólf tarıhynyń resmı dúnıege kelýi Shotlandıada osy oıyn túri týraly alǵashqy jazbalarmen baılanystyrylady. Degenmen bul sportta ózgeler sekildi talaı quqaıdy bastan keshirdi. Tipti, áskerlerdiń sadaq atý jattyǵýlaryna kedergi keltirdi degen syltaýmen 1457 jyly koról Djeıms atalǵan oıynǵa tyıym salady. Biraq kópti baýrap alǵan sport qaıta boıyn tiktep, HVİİİ ǵasyrdyń basynda alǵashqy gólf klýbtary óz jumystaryn bastady. Mundaı mekemeler negizinen masondardyń qyzyǵýshylyǵynyń arqasynda damydy. Sebebi, masondar óz jınalystaryn gólf oıynymen aıaqtaýdy ádetke aınaldyrǵan. Álginde aıtylǵan aqsúıekterdiń súıikti isine aınalýyna gólftiń tártip pen adamnyń óz-ózin durys ustaı bilýin erekshe talap etkendigi áser etken bolar.

2

HH ǵasyrda gólf búkil álemge, tipti, ǵaryshqa da jaıylyp ketti: 1971 jyly «Apolon-14» aıǵa gólf jabdyqtaryn jetkizip, sonyń arqasynda AQSH ǵaryshkeri aýasyz keńistikte soqqy jasaý baqytyna ıe boldy. Búginde bul oıyn buqaralyq sıpat alǵan.

3

HHİ ǵasyrdyń basynda álemde 60 mln gólfshi bar ekendigi anyqtaldy. Sporttyń atalǵan túrinen erler arasynda Ulybrıtanıa, AQSH, Avstralıa men OAR kósh basynda. Jetpisinshi jyldardan beri gólfke degen suranys Japonıa, Skandınavıa, Batys Eýropanyń biraz elinde qatar artty. Keıinnen qyzyǵýshylar Azıa elderinde de paıda boldy. Qazirgi tańda Ońtústik Koreıanyń názikjandary gólfte aldaryna jan salmaı keledi.

4

Álemde gólf jarystarynyń bedeli joǵary. Jylda ótetin Eýropanyń ashyq chempıonaty on aıǵa sozylyp, oǵan 15 elde ótetin 40 týrnır kiredi. Kásibı jarystardyń júlde qory da ózge sport túrlerinen áldeqaıda qomaqty. Máselen, 2000 jyly AQSH birinshiliginiń qory 6 mln dollar bolsa, al jeńimpaz 1 mln dollar paıdaǵa keneldi.

5

Týrıs-golfshiler úsh topqa bólinedi: birinshi, saıahatqa gólf oınaý úshin ádeıi baratyn týrıser (shamamen 6-10 mln); ekinshi, demalys nemese bıznes-joryqta qosymsha áýes retinde gólf oınaıtyn týrıser; úshinshi, gólf-týrnırlerine kórermen retinde keletin týrıser. Sońǵy eki topqa kiretin týrıserdiń naqty sanyn esepteý qıyndaý.

6

Qazirgi kezde álemde gólf óndirisi bar dep aıtýǵa bolady. Onyń jyldyq aınalymy 20-60 mlrd dollarǵa jetedi. HHİ ǵasyrda bul ındýstrıanyń damýy jylyna 5-15% bolyp otyr jáne bul kórsetkishtiń arta beretini sózsiz. Ásirese, Qytaı men Úndistanda qarqyn joǵary (jylyna 25-30%).

7

2005 jyly álemde 32 myń gólf alańy boldy. Eń teriskeıdegisi – Grenlandıada, ońtústigi – Argentınada, shyǵysy – Tongada, batysy – Samoa aralynda.

8

The Masters Tournament týrnırinde Taıger Výds – eń az soqqy jasaǵan chempıon. Ol bir týrnırdiń ishinde bar-joǵy 270 soqqy jasaǵan.

9

The Masters Tournament týrnırin eń kóp utqan oıynshy – Djek Nıklaýs. Ol atalǵan týrnırde alty ret jeńimpaz atanǵan: 1963, 1965, 1966, 1972, 1975, 1986 jyldary.

10

Gólfke bólinetin, onyń aınalymyndaǵy qarjy qomaqty. Ony «baılar oıyny» dep ataý beker emes. Sondyqtan bul sportqa aqsha quıatyndar sany da artyp keledi. Ásirese, damyǵan jáne damýshy elderde gólfke degen suranys joǵary.

Búginde gólftiń ashyq alańda ótetin klasıkalyq túrimen birge onyń basqa da nusqalary bar: shaǵyn gólf (resmı sport túri jáne demalys túri); keńse gólfi; vırtýaldyq gólf-stımýlátor.

---