Ulttyq qaýipsizdik qyzmetkerlerin quttyqtaý
Qurmetti Ulttyq qaýipsizdik komıtetiniń qyzmetkerleri!
Sizderdi kásibı merekelerińizben shyn júrekten quttyqtaımyz! Egemen elimizdiń tarıhynda ózderińiz bastaryńyzdy báıgege tigip atqaryp júrgen adal qyzmetterińizdiń alatyn orny erekshe ekeni barshaǵa belgili. Batyrlyq ta, batyldyq ta, tapqyrlyq ta, aılaly aqyl da Sizderdiń boılaryńyzdan tabylady.
Ult múddesi úshin kúreste qajymaı-talmaı eńbek etip tolymdy tabystarǵa jete berýlerińizge tilektespiz! Árdaıym bıikterden kórinip, elimizdiń odan ári órkendep gúldenýi jolyndaǵy jemisti jumystaryńyz, sport salasyndaǵy jeńisti kúnderińizge jalǵassyn! Qol jetken asýlaryńyz asqaq, shyqqan bıikterińiz baıandy bolsyn.
Otanymyz Qazaqstannyń álemniń alpaýyt elderimen ıyq tiresip damýy jolyndaǵy adal eńbekterińizdiń jemisi men ıgiligin kórýlerińizge shyn júrekten tilektespiz.
Halyqtyń senimin aqtaı berińizder! Dostaryńyz súıinsin, dushpandaryńyz kúıinsin! Tabystan tabysqa jetip, el qorǵany degen ataqqa árdaıym adal qyzmet ete berińizder!
Kásibı merekelerińizben júrek jardy sezimmen quttyqtaı otyryp, Sizderge myqty densaýlyq, qajymas qaırat, jalyndy jiger, uzaq ǵumyr, shat turmys, baq-bereke tileımiz!
You Might Also Like
-
Gólf tarıhynyń resmı dúnıege kelýi Shotlandıada osy oıyn túri týraly alǵashqy jazbalarmen baılanystyrylady. Degenmen bul sportta ózgeler sekildi talaı quqaıdy bastan keshirdi. Tipti, áskerlerdiń sada...
-
Barlyq áriptesterimizdi Dúnıejúzilik televızıa kúnimen quttyqtaımyz! Qalyń buqaraǵa salmaqty, san salaly baǵdarlamalardy, tyń jańalyqtardy usynyp, otandyq televızıa salasyn damyta berińizder! Shyǵar...
