InfoHub Logo

Grafıktik rejimde sıklderdi qoldaný.
Oqytý men tárbıeleýdiń mindetteri:
1) Bilimdilik: oqýshylarǵa Paskal tilindegi grafıkalyq fýnksıalar men prosedýralardy qoldanyp baǵdarlamalaýdy úıretý;
2) Tárbıelik: oqýshylardy jaýapkershilikke, uqyptylyqqa, dáldikke, izdenimpazdyqqa tárbıeleý;
3) Damytýshylyq: oqýshylardyń bilim daǵdysyn, yntasyn arttyrý, oılaý, este saqtaý qabiletterin damytý, tehnıka qaýipsizdigin eskere otyryp kompúterde jumys isteýge daǵdylandyrý.
Qural - jabdyqtar, kórnekti quraldar: WINDOWS operasıalyq júıesi, Activ Studio, Power Point, Turbo Pascal baǵdarlamalary, kesteler, tapsyrmalar.
Sabaqtyń túri: Aralas sabaq.
Ádis - tásilder: İskerlik pen daǵdyny qoldaný.

Sabaqtyń barysy:
I. Sergitý sáti. Blıs - suraqtar:
1. Grafıktik rejimde jumys isteýge arnalǵan standartty kitaphanalyq modýl qalaı atalady? (USES GRAPH)
2. Qaıtalaný sany belgili bolǵanda qoldanylatyn sıkl (FOR - DO)
3. Grafıktik rejimdi qosý komandasy (InitGraph)
4. Mátindik rejimde jumys isteýge arnalǵan standartty kitaphanalyq modýl qalaı atalady? (USES CRT)
5. Grafıktik rejimnen shyǵý komandasy (CloseGraph)

II. Ótken sabaqty eske túsirý.
LINE - kesindi syzý operataory;
CIRCLE - sheńber syzý operatory;
SetBkColor - Ekranǵa fon berý operatory
Rectangle - tiktórtburysh syzý operatory
SetColor - sýrettiń túsin ózgertý operatory

III. Jańa sabaq.
Sıklderdi grafıktik rejimde obektilerdi kóbeıtip shyǵarýǵa qoldanýǵa bolady. Ol úshin sıkl parametrin grafıkalyq operatorlarda syzyq, sheńber jáne basqa da kóptegen fıgýralardy salýǵa qoldanamyz.
Mysaly, boıalǵan tiktórtburyshty salý úshin mynadaı konstrýksıany paıdalanamyz:

for i:=1 to 100 do
Line(270, 190+i, 370, 190+i);

Bul jaǵdaıda tiktórtburysh bir - birimen qabattasqan syzyqtar arqyly salynyp, bútin obekt quralady.
Mysaly, úshburyshty turǵyzý úshin mynadaı konstrýksıany paıdalanamyz:

for i:=0 to 100 do
Line(320 - i, 190+i, 320+i, 190+i);

Qarapaıym qozǵalysty ekranda kórý úshin myna algorıtmdi qoldanamyz:
1. Obektini aq túspen salamyz;
2. Obektini qara túspen salamyz;
3. Obektini aq túspen jańa koordınattarda salamyz
4. Bul amaldy obekt qajet ornyna jetkenge deıin qaıtalaımyz.

Mysaly, ekranda tiktórtburyshty qozǵaltý úshin kelesi konstrýksıany paıdalanamyz:

for i:=1 to 600 do
begin
SetColor(15);
Rectangle(i, 200, i+50, 250);
Delay(1000);
SetColor(0);
Rectangle(i, 200, i+50, 250);
end;

Delay(x) komandasyn programma jumysyn h mıllısekýndqa kidirtý úshin qoldanamyz. Bul komanda Crt modýlinde bolady, ony qosý úshin sıpattaý bóliminde Uses Crt komandasyn jazamyz.

IV. Kompútermen jumys. Tapsyrmalar oryndaý
1. Ekranda «kempirqosaqtyń» sýretin salyńdar.
2. Ártúrli túske boıalǵan bes úshburyshtyń sýretin sıkldiń kómegimen salyńdar.
3. Sheńberdi ekran boıymen qozǵaltatyn programma jazyńdar.
4. Ekrandaǵy «mashına» qozǵalysyn jasańdar.

V. Tapsyrma nátıjesi.
Ár oqýshy ózderiniń daıyndaǵan programmalaryn qorǵaý, nátıjesin kórsetý.

VI. Sabaqty bekitý.
Ár oqýshyǵa semantıkalyq qarta usynylady. Jaýabyn sońynan taqtamen salystyra otyryp tekseremiz.

VI. Úıge tapsyrma:
1. Úıdiń sýretin salyp, sıkldiń kómegimen esik, tereze, qubyrlaryn ártúrli túske boıaý kerek.
2. Qoldanýshynyń qatysýynsyz qanatyn birneshe ret «qaǵatyn» qustyń sýretin ekranǵa shyǵaratyn programma jazý kerek.

VII. Qorytyndy. Baǵalaý.
Bul sabaqtyń basqa sabaqtardan ereksheligi:
Oqýshylar shyǵarmashylyqpen jumys jasaı otyryp, sabaqqa shynaıy túrde belsene qatysady. Problemalardy birigip taldaý, sheshý joldaryn izdestiredi.