InfoHub Logo

Taqyryby: Gúl jáne onyń qurylysy
Gúl jáne onyń qurylysy
Gúl - kóbeıýge qajetti jynys músheleri bar, butaqtanbaıtyn, túri ózgergen, qysqarǵan órken. Gúlden jemis pen tuqym damıdy. Gúldiń qurylysy kúrdeli.

Analyq – gúldiń jemis túzýge qatysatyn negizgi bólimi, gúldiń dál ortasynda ornalasady.
Analyqtyń qurylysy
• Aýzy
• Moıny
• Jatyny
Analyqtyń aýzy – ósimdik túrine qaraı túrlishe domalaq úlpekti, qostelimdi, kóptelimdi bolyp keledi. Analyq aýzynan jabysqaq suıyqtyq bólinedi, tozańnyń analyq aýzyna túsip, tez ónýine jaǵdaı týǵyzady.
Analyqtyń moıny - aýzy men jatynyn jalǵastyryp, basqa bólimderinen joǵary bıiktetip turady. Moıny bolmaıtyn analyq: kóknár, qyzǵaldaq.
Analyqtyń jatyny – analyqtyń eń negizgi bóligi bir jáne kóp uıaly. Jatynnyń ishinde bir nemese birneshe myńdaǵan tuqymbúrshigi bar. Jatynnyń syrtyn eki qabat qabyqsha qaptaıdy. Tuqymbúrshiginiń ishindegi uryq qaltasynda jumyrtqajasýsha bolady. Sondyqtan uryqtaný analyqtyń ishinde júredi.
Atalyq
Atalyq – gúldiń kóbeıýge qatysatyn bólimi.
Atalyq qurylysy
• Tozańqap
• Jipshe
Jipshe – atalyqtyń jińishkergen jeri.
Tozańqap – bir - birimen baılanysqan eki bólikten turady. Ár bóliginde 2 - den tozań uıasy bar. Tozańqapta myńdaǵan tozań túıirshikteri túziledi, pisip - jetilgende tozańdary syrtqa shashylady.
Tozań – syrtqy jáne ishki qabyqshasy bar jasýsha, pishinderi de alýan túrli. Tozańdar syrttaı qaraǵanda untaq tárizdi. Atqaratyn qyzmetine qaraı syrtqy qabyqshasy qalyńdap ózgeredi. Tozańnyń quramynda maı, qant, mıneraldy tuzdar, nárýyz, vıtamınder bar.