InfoHub Logo

Taqyryby: 8 - naýryz merekesine arnalǵan erteńgilik. "Gúl syılaıyq anaǵa"
Maqsaty:
1. Bilimdilik.
Mýzykalyq taqyryptyq shyǵarmalardy saýatty oryndaý arqyly mazmunyn beıneleý. Anaǵa degen súıispenshilikti án qudiretimen jetkizý. Názik sezimmen, mazmunyn sezinip oryndaýlaryn kórý.
2. Damytýshylyq.
Sújettik - rolderdi oınaý arqyly balalardyń shyǵarmashylyq qabiletterin kórý.
3. Tárbıelik.
Ana degen sózdiń mazmunyn keńirek ashý arqyly bala boıynan izgilik, meıirbandyq, adamgershilik qasıetterdi boıyna qanshalyqty sińirgendigin baıqaý.
Keıipkerler:
1. Qyzyl telpek
2. Áje
3. Kóktem
Ásem bezendirilgen zalda "Anashym" áni baıaý estilip turady. Er balalar qyzdardyń qoldarynan ustap kiredi de, iltıpat bildirip qyzdardy jaıǵastyrady.
Júrgizýshi:
Qymbatty aq jaýlyqty ájeler, abzal analar, arý qyzdar! Sizderdi kóktem aıynyń alǵashqy merekesi 8 - naýryz Analar kúnimen quttyqtaımyz! Árqashan denderińiz saý, kóńilderińiz kóktem kúnindeı shýaqty, kóktem gúlderindeı názik te, jaıdary bolsyn dep tileımiz.
Qazirgi de burynǵy ótken zamanda,
Anany qadirlemes adam bar ma?
Analar ardaqtylar jasaı bersin,
Árqashan baqyttysyń anań barda.
Hor: "Án aıtamyz anaǵa"
Júrgizýshi: Bárimizge osynaý ómirdi, álemniń jaryǵyn syılaǵan kim?
Balalar: Ol - ana!
Júrgizýshi: Dúnıede eń qymbat kim?
Balalar: Ol árıne anamyz!
Júrgizýshi: Dúnıede eń tátti ne?
Balalar: Ol - ananyń súti.
Júrgizýshi: dúnıe eń jumsaq ne?
Balalar: Ol - ananyń alaqany!
Olaı bolsa osynshama syılaǵan analarymyzǵa gúl syılaıyq.
Balalar ol gúlderdi qaıdan alsaq eken?
Osy kezde mýzyka áýenimen Qyzyl telpek kiredi.
Qyzyl telpek:
Sálemetsiz be? Men qaıda keldim?
Júrgizýshi:
Sálemetsiz be! Balalar, bul kim, sizder tanydyńdar ma?
Balalar:
Qyzyl telpek.
Júrgizýshi:
Durys aıtasyńdar balalar bul sol ertegidegi Qyzyl telpektiń ózi ǵoı. Qyzyl telpek sen bizge qalaı keldiń?
Qyzyl telpek:
Men ormanda ájemniń merekesine gúl shoǵyn syılaımyn dep kóp gúlder izdep adasyp kettim.
Júrgizýshi:
Endeshe Qyzyl Telpekti renjitpeı oǵan kómekteseıik. Solaı ma, balalar?
Balalar:
Ia, kómekteseıik.
Qyzyl telpek:
Olaı bolsa balalar barlyǵymyz sol ádemi gúl shoqtaryn birge izdeıik, sender kelisesińder me?
Júrgizýshi:
Árıne analar merekesinde analarǵa gúl syılaýǵa bizdiń balalarda daıyn. Gúldi tabý úshin ónerden shashý shashsaq gúl shoqtary tez tabylyp qalar. Al bizdiń balalardyń merekege arnap daıyndaǵan ónerlerin tamashalaıyq.
Bı: "Shlápa" uldar bıi
Taqpaqtar:
Asylhan
Teńdesi joq danasyń,
Arqa tutar panasyń.
Eńbegińdi aqtaımyn,
Aman bolshy anashym!
Sagdıana
Álpeshtep aıalaǵan,
Aq sút berip ósirgen.
Analardyń meıramymen,
Quttyqtaımyn búgin men!
Mıras
Tyńdap qyzyq ertegini,
Jaıdym orman jelkenimdi.
Án aıtamyn áje ózińe,
Bolsynshy dep sen kóńildi.
Nazerke
Gúl ektik aýlaǵa,
Kóktemde kóńildi.
Baqta da, baýda da.
Aq gúlder órildi.
Alı
Qosh keldiń án saldyq,
Qýanyp qarsy aldyq.

Kún nuryn sepken,
Jer jylyp kepken.
Tal búrshik tókken,
Kóńildi kóktem. Dastan
Álisher
Álpeshtegen aıalaǵan,
Aq sút berip apataıym.
Sálem jazyp búgin saǵan,
Meıramyńmen quttyqtaımyn.
Gúlimaı
Súıesiń ul - qyzyńdy,
Aınalaıyn, jan anam!
Kúnshýaqtaı júzińdi,
Aınalaıyn jan anam!

Qyzyl telpek: - Balalar biz qazir oıyn oınaımyz. "Anamyzdy ásemdeıik er balalar"
Balalar: - Qyzyl telpek sen bizben birge oınashy.
Qyzyl telpek: - Jaraıdy.
Qyzyl telpek: - Bı bıleıik qyzdarmen.
Júrgizýshi: - Al balalar sender biraz ónerlerińdi kórsetińder, Qyzyl telpekte biraz eńbektendi, biraq gúl shoqtary tabylar emes.
Qyzyl telpek: - Endi qaıtsek eken?
Osy kezde esik qaǵylyp, ishke Qyzyl Telpektiń ájesi kiredi.
Áje: - Amansyńdar ma, balalarym! Sender meniń nemerem qyzyl telpekti kórmedińder me?
Balalar: - Sálemetsiz be?
Júrgizýshi: - Sálemetsiz be, áje! Sizdiń nemereńiz Qyzyl Telpek bizdiń balalarmen birge júr. Ol sizdiń merekeńizge arnap gúl shoqtaryn izdeımin dep adasyp, bizdiń balalarǵa jolyqty.
Áje: - E - e - e, endi túsinikti boldy. Syrttan baqylap, estip turdym. Jaqsy balalar ekensińder meniń nemeremdi senderdiń ortalaryńnan kórgenime qýanyshtymyn. Al meni qandaı ónerlerińmen qýantasyńdar, balalar?
Júrgizýshi: - Bizdiń balalar analarǵa arnaǵan kóptegen ánderin aıtyp, óleńderin oqıdy. Endi ortamyzda otyrǵan ájelerimizge jáne sizge arnap áje týraly ánderin aıtyp, bılerin bılep bersin.
Hor: "Ájemniń sháıi"
Bı: "Shlápa" qyzdar bıi
Oıyn: "Kishkentaı kómekshi"
(Ájege aıaq kıim, kózildirik kıgizip, qolyna gazetin berip jasyrý).
Taqpaqtar:
Almas
Áje degen kóp shyǵar,
Ájemdeı meniń joq shyǵar.
Meıirimdi bul kisi,
Qandaı ǵajap kúlkisi.

Nursurtan
Taýsylmaıdy óleńi,
Kúnde aıtyp beredi.
Barǵan saıyn bir jaqqa,
Kámpıt alyp keledi.
Ájem meni óıtkeni,
Óte jaqsy kóredi.
Ásem
Alaqany aq samal,
Mápelegen jan Ana.
Kókte kúnim batsa da,
Óziń kúnsiń balańa!
Dıana
Qushaǵyńa kirgende,
Jylynamyn bir demde.
Ne jetedi kózińe.
Áısán
Aqylshym, anashym,
Men úshin danasyń.
Úlgi bop oıattyń,
Qyzyńnyn sanasyn.
Erasyl
Qurt pen maıyn jınaǵan,
Balalarǵa syılaǵan.
Bul ájemniń ómii,
Taýsylmaıtyn jyr maǵan.
Zaınedın
Biz dospyz gúldermen,
Tekke ony julmaımyz.
Toı kúni bir - birden,
Anaǵa syılaımyz.
Ádemi
Ún qatasyń bal tilmen,
Erkeleımin ár kún men.
Quttyqtaımyn anashym,
Segizinshi naýryzben!

Áje: - Oı balalar, senderge kóp - kór rahmet!
Qyzyl Telpek: Ájetaıym, seni men gúl shoqtarymen qýantqym kelgen biraq myna balalar bárimiz bolyp izdep, áli tappadyq.
Osy kezde ádemi áýen estilip, ishke Kóktem keledi.
Kóktem:
Sálem, sálem balaqaılar,
Ázız áje nazdy apaılar.
Men shýaqty ala keldim,
Qýanyńdar alqaılap,
Jerge kilem jaba keldim,
Qustar ánin ala keldim.
Jan bitirip tabıǵatqa,
Ásem ándi sala keldim.
Áp - ádemi shoq gúlderdi,
Daladan men jınaı keldim.

Qyzyl Telpek: - Oı, balalar qarańdarshy qandaı keremet gúlder! Al men bolsam gúlderdi izdegen bolatynmyn - dep muńaıyp qalady.
Júrgizýshi: - Sen muńaıma Qyzyl Telpek, bul kóktem gúlderi. Al kóktem gúlderin eń alǵash Kóktem beredi, olaı bolsa bizder sol ádemi gúlderdi kóktemnen suraıyq. Kóktem sen bizdiń balalarǵa jáne Qyzyl Telpekke ádemi gúl shoqtaryn beresiń be?
Kóktem: - Árıne beremin. Osy gúlder myna otyrǵan analarǵa, ájelerge arnalady. Qyzyl Telpek kárzenkeniń ishine úńilip qarap: - Oı qandaı ádemi gúlder:? Mynaý ne degen áshekeıler, balalar mynany qarańdar? Balalar da, tań qalady.
Kóktem: - Ol áshekeılerdi men oıyn oınaý úshin ala keldim.
- Balalar aıtyńdarshy, sender analaryńnyń ádemi bolyp júrgenin qalaısyńdar ǵoı.
Balalar: - Ia, deıdi.
Endi mine oıyn da oınaldy, áshekeı de, taǵyldy. Qyzyl Telpek myna gúlderden sende ala ǵoı.
(Qyzyl Telpek te, qýanyp, gúldi alady. Ájesine syılaıdy).
Qyzyl Telpek: Oı balalar men qýanyp turmyn. Osy gúl shoqtaryn men uzaq izdedim. Sol gúlderdi bizge Kóktem ala keldi. Endeshe bárimiz Kóktemge rahmet aıtaıyq.
Balalar: Rahmet! - deıdi.
Kóktem: - Al balalar, sender óz ájelerińdi, analaryńdy qýantyńdar. Meniń endi basqa da baratyn jerlerim bar, sender sıaqty basqa balalarǵa da kómekteseıin.
Áje: Al balalar men nemeremdi taptym, sizderge kóp rahmet bizderde júreıik. Merekege arnap bálishter pisireıin men endi nemere qyzymdy qýantaıyn - deıdi.
Kóktem, Qyzyl Telpek, Áje qoshtasyp shyǵyp ketedi.
Bı: "Tatatarlar" bıi
Taqpaqtar:
Tún uıqysyn tórt bólgen,
Qatem bolsa keshirgen,
Erkeletip ósirgen
Anam saǵan bas ıem! Maǵjan

Meniń anam shýaǵym,
Aıtqandaryn uǵamyn.
Men óskende anamdaı,
Aqyldy bop shyǵamyn Dastan

Meni jaqsy kóredi,
Kúndeı kúlip keledi.
Kóp ertegi biledi,
Maǵan aıtyp beredi.
Men gúlderdi julmaımyn,
Torǵaılardy qýmaımyn.
Aıtqan sózin tyńdaımyn,
Apashymdy syılaımyn. Jansultan

Kóktemde kóńildi,
Qustar kep jatqanda.
Qulpyrtyp óńirdi,
Gúl ektik baqtarǵa. Islam

Mápeleısiń meni anam,
Qolyndaǵy qusyńdaı
Qulpyra ósip dem alam
Qushaǵyńda qysylmaı. Alına

Qushaǵyńa kirgende
Jylynamyn bir mende.
Ne jetedi ózińe
Meıirimi de kúnmen teń. Ásel

Án: "Quttyqtaımyn mama, týǵan kúnińmen!"
Bı: Jastar bıi
Júrgizýshi:
Analardyń janarynda
Turatyndaı tań kúlip
Barlyq bala óz anasyn
Súıip óter máńgilik.
Endeshe osyndaı balalardy dúnıege ákelip, jaryq kún syılaǵan analarymyzǵa bárimiz bas ıeıik.
Hor: "Anaǵa syılaımyz"
Osymen analar merekesine arnalǵan "Gúl syılaıyq anaǵa!" atty erteńgiligimizdi aıaqtaımyz. Saý salamatta bolyńyzdar! Analarymyz aman bolsyn!