İlinip tún tur taýlarǵa,
Damyldap tirlik qalǵan ba?!
Alystan ottar janady
Jaı tappaı myna jalǵanda,
Adasyp júrgen arman ba?!
Jarq etip, keıde bir óship,
Bulańdap, shalqyp, tur esip.
Sóndirmek bolǵan samalmen,
Sóngisi kelmeı kúresip.
Bir janady ottar, bir óship.
Adasyp júrgen bolarsyń,
Otqa tart, túngi jolaýshym!
Ot janǵan jerde - oshaq bar,
Bararsyń, múmkin qonarsyń:
Otqa tart, otqa, jolaýshym,
Joǵalsyn úreı, joǵalsyn!
Umtylyp keler kúnderge,
Janady ottar túnderde.
Tirshilik baryn ańǵartqan,
Janady ottar jan-jaqtan,
Ákelip úreı kimderge,
Ákelip úmit kimderge
Janady ottar túnderde.

---