İlıas Jansúgirovtiń 1927 jyly jaryq kórgen jyr jınaǵy tabyldy
Jyr Qulageri atanǵan dúldil aqyn İlıas Jansúgirovtyń buryn belgisiz bolyp kelgen taǵy bir kitaby tabyldy.
Tóte jazýmen terilip, 1927 jyly Máskeý qalasyndaǵy baspadan shyqqan jınaqty Almaty qalasynyń baıyrǵy turǵyny, kınorejısser Erbol Boranshauly jeke kitaphanasynda saqtaǵan eken. Aqynnyń shymshyma óleńderinen quralǵan kitap «Ótirik» dep atalady. İlıas aqyn repressıa quryǵyna ilingen kezde kóptegen kitaptary men qoljazbalary tárkilenip, joıylǵan bolatyn. Al Erbol Boranshaulynyń jeke muraǵatynan tabylǵan bul túpnusqa jınaq Jansúgirov murasyna qosylǵan úles qana emes, qazaq ádebıeti tarıhyndaǵy eleýli oqıǵa bolyp otyr.
Qazir tabylǵan kitap Taldyqorǵandaǵy İlıas Jansúgirov atyndaǵy oblystyq ádebı murajaıǵa qoıylǵan.
Bul súıinshi habardy atalǵan murajaı meńgerýshisi Nurgúl Jaýynbaeva Jetisý ýnıversıtetinde ótken «Jansúgirov oqýlary» respýblıkalyq ǵylymı-praktıkalyq konferensıasynda habarlady.
– Bul kitap - buryn-sońdy eshkimniń qolyna túspegen túpnusqa. Súıinshi habardy Jansúgirov oqýlaryna elimizdiń túkpir-túkpirinen kelgen İlıastanýshy ǵalymdar men stýdent jastarǵa jetkizip otymyz.
Kitapty kórip kózaıym bolýdy oılaǵan jandardy mýzeıge shaqyramyn, - deıdi İlıas Jansúgirov atyndaǵy oblystyq ádebı murajaı meńgerýshisi Nurgúl Jaýynbaeva.
Al ýnıversıtet qabyrǵasynda dástúrli túrde ótetin ǵylymı konferensıada İlıas Jansúgirovtiń ómiri men shyǵarmashylyǵy jan-jaqty talqylandy.
You Might Also Like
-
№49 «Syrdarıa»JBBM KMM «Bulaq kórseń, kózin ash» atty shyǵarmashyl tulǵany tárbıeleýge baǵyttalǵan 5-9 synyp oqýshylarynyń ata-analaryna arnalǵan trenıń sabaq ótildi. Sabaqqa a...
-
Ermekbaıdyń tórtinshi atasy Turǵynbaı at baptaıtyn saıatker bolǵan kisi eken. Búkil dýlat elinde belgili, qandaı báıge bolmasyn, báıgeniń aldyn bermeıtin Úlkentory, Kishitory deıtin eki júırik aty bol...
