InfoHub Logo

Qurmetti aǵaıyn! Mine, jelip otyryp, [jasy] degen beleske de kelip qalypty. Men ózim paıǵambar jasy 63 jasqa kelsem, artymnan ergen óksheles inim bul da [jasy] shyǵyp otyr. Ótken ómir kóz aldyńa kıno bolyp elesteıdi eken. Aýylda bozbala bolyp qatar óstik, oqydyq, otaý qurdyq, óstik-óndik, talaı elmen dámdes bolyp, qyzmet ettik. Árkim óziniń peshenesine jazylǵandy kórip keledi, Allaǵa shúkir, jaman emespiz dep oılaımyn. Osy aralyqta dúnıe emes, dos jınaýǵa, aǵaıynmen aralas bolýǵa umtyldyq. Mine, inim jıǵan baılyǵyn kórsetip otyr. Ol baılyǵy: uıyǵan otbasy – kelin, balalar, ósip-óngen urpaq, osy toıǵa jınalǵan qaýym, aǵaıyn, dos-jaran. Solardyń ortasyndaǵy abyroı. Baılyq degen osy. Baqyt degen osy. Bir kún dámdeske qyryq kún sálem degen. Toıǵa alystan – Atyraýdan, Astanadan jáne basqa da jerlerden aǵaıyn-týystar, quda-jekjattar, dos-jarandar, qyzmettes joldas-joralar qatysyp otyr.

Úlkenderdiń batasyn alǵan, Qudaıdyń rahmetine jolyǵar degen ulaǵatty sóz bar. Sizderdiń tilekterińiz inime, onyń urpaǵyna juǵysty bolsyn.

Qýanǵanyń ras bolsa, shaqyrǵan toıyna bar degen osy. Jer qashyq demeı, qystyń kózi qyraý demeı jınalyp otyrmyz.

İnime, bala-shaǵasyna, barshańyzǵa dúnıeniń bar jaqsylyǵyn tileımiz. Eńbek jemisin, bala-shaǵalaryńyzdyń rahatyn kórińizder. Kórgenimiz toı bolsyn. Basymyz toıda qosylyp júrsin. Rahmet.

---