InfoHub Logo

Taqyryby: «Yntymaq úıdi jylytady»
Maqsaty: Adamdardy syılaý – ata - anany qurmetteýden bastalady.
Oqýshylardy áke - anasyn, ata - ájesin, baýyr – qaryndastaryn syılaýǵa, qurmetteýge tárbıeleý, januıa músheleriniń birin – biri qadirleýge, qurmetteýge, dos bolýǵa tárbıeleý.
Kórnekiligi: Qanatty sózder, sýretter, merekelik bezendirýler.

Barysy: I. Uıymdastyrý
II. Josparmen tanystyrý
1. Kirispe bólim
a) «Rýhanı áńgime»
á) Januıa belgisi
2. Jumbaq keıipker
a) tyńdaý
á) suraq - jaýap
b) pikirtalas
3. Emtıhan suraqtary
a) oqýshylarǵa
á) ata - analarǵa
4. Óz ónerin kórsetý
5. Maqal - mátel saıysy
Kirispe
a) Rýhanı áńgime (januıa basshylarymen suhbat)
á) Emblemalarymen tanystyrý
1. - Al, ata - analar, oqýshylar, jumbaq keıipkerge suraqtaryńyz bar ma?
- Qandaı aqyl - keńes beresizder?
- Jumbaq keıipker, siz buǵan kimdi kinálaısyz?
- Balańyzdyń dostary qandaı balalar?
- Júrgizýshi: Uly Abaı «Balaǵa minez úsh alýan adamnan juǵady»
1. – ata - ana
2. – ustazynan
3. – qurbysynan degen eken
Jumbaq keıipkerimiz bara berýine bolady. Al endi pikirtalasymyzdyń negizgi bólimine kósheıik.
2. 1. Ata - ana qaı jerde qatelik jiberdi?
2. Osy máselege kim tikeleı qatysty, áke me, álde ana ma?
3. Sońǵy jaǵdaıda ana men bala arasynda ne jetispeıdi?
4. Osyndaı oqýshynyń ornynda bolsańdar ne ister edińder?
3. Emtıhan suraqtary
1. Ata - anannyń týǵan jylyn, kúnin bilesiń be?
2. Atań men ájeńniń jasy neshede?
3. Anańnyń súıikti ánin bilesiń be?
4. Ákeńe, anańa syılyqtar syılaısyń ba?
5. Ata - anańnyń jıi aıtatyn tárbıelik jaqsy sózderi?
6. Sen ata - anańnyń alǵash tanysý tarıhyn bilesiń be?
7. Ákeńniń minezindegi jaqsy jaqtaryn aıtshy.
8. Sende 10.000 teńge bar bolsyn, ne satyp alar ediń?
9. Dúkennen ózińe qatty unaıtyn zatty kórdiń. Ne ister ediń?
10. 8 - naýryz merekesi jaqyndap qaldy, sende aqsha joq. Anańdy nemen, qalaı qýantasyń?
11. Sen bir jumaǵa basqa jaqqa kettiń. Úı ishińdi saǵynasyń ba?
12. Aǵaıyńa (ini, qaryndasyńa) jańa kıim áperdi, saǵan joq. Bul jaǵdaıdy qalaı qabyldaısyń?
13. Anań tańerteń qashan turady, túnde uıyqtaýǵa qashan jatady?
14. Eger sen sıqyrshy bolsań, januıańa qandaı jaǵdaı jasar ediń?
15. Januıańda sen úshin ne qymbat?
16. Ata - anań seniń dostaryńdy bile me?
17. Sen ata - anańdy aıaısyń ba? Qalaı?
18. Keleshekte seniń januıań qandaı bolǵanyn qalaısyń? Bizge aıtyp bershi?
19. Seni januıada kóp erkelete me?
20. Sen ata - anańnyń ekeýin jaqsy kóresiń be? Álde bireýin erekshe jaqsy kóresiń be?

Ata - analarǵa arnalǵan emtıhan
Qurmetti ata - analar, sizderge bala tárbıesinde emtıhan kúndelikti ár saǵatta, jyl boıy kezdesedi. Sondyqtan keıbir kezdesetin jaǵdaılardy qalaı sheshesizder, sony bilgim keledi. Men sizderge suraqtar berip soǵan jaýap berýlerińizdi suraımyn.
1. Siz úıde tyǵyz bir jumys istep jatyrsyz. Balańyz ózine kóńil aýdarǵanyn qalaıdy. Siz ne ister edińiz?
2. Siz sharshap, ózińizdi nashar sezinip tursyz. Sizdiń ulyńyzǵa (qyzyńyzǵa) dostary keledi. Siz ne ister edińiz? (siz ne aıtar edińiz?).
3. Qyzyńyz (ulyńyz) sizdiń alǵashqy mahabbatyńyz týraly bilgisi keledi. (siz ne aıtar edińiz?).
4. Siz balańyzǵa kúndelikti kóp ýaqyt (kóp kóńil) bólesiz be?
5. Siz balańyzdyń temeki tartqanyn baıqap qaldyńyz. Ne ister edińiz? Ózińiz temeki tartar me edińiz?
6. Balańyz týǵan kúnnen kesh keldi, onyń azdap ishimdik ishkenin sezdińiz. Ne ister edińiz?
7. Siz balańyzdyń ótirik aıtatynyn baıqadyńyz. Ne ister edińiz?
8. Sizdiń balańyz muǵalimder týraly jaman pikir aıtty. Siz bul jaǵdaıda ne ister edińiz?
9. Sizge balańyzdyń dosy (qurbysy) unamaıdy. Siz bul jaǵdaıda ne ister edińiz?
10. Balańyzdyń dıskotekaǵa barýyna ruqsat beresiz. Balańyzdyń saǵat neshede úıde bolýyn talap etesiz?
11. Sizdiń kóńil - kúıińiz tómen bolsa, januıaǵa, balalaryńyzǵa áseri tıe me?
12. Bala tárbıesindegi qandaı ádisti jıi qoldanasyz?
13. Siz balańyzdyń tek qana ata - ana emes, dos bolýlaryńyz kerek. Bul úshin isteýlerińiz kerek?
14. Siz balańyzdyń jaman qylyǵyn bildińiz. Siz qalaı qabyldaısyz jáne ne ister edińiz?
15. Siz balańyzdyń kúndeligin tekserip, alǵan baǵalaryna analız jasaısyz ba? Áńgimelesesiz be?

Búgingi «Yntymaq – úıdi jylytady» atty keshimizdi qorytyndylaı kele, bala tárbıeleýde ata - ananyń yqpaly zor, barlyq jasyl jelekter kún kózine qarap bop túzeıdi. Olar kóleńkeni súımeıdi. Artyq butaqtar men aram shópterdi qyrqyp, otap otyrsańyzdar ekkenderińiz túzý, alqabyńyz jaınap turary sózsiz. Bala da sol. Oǵan aqyl - keńes, ónegeli áńgime, meıirimi kerek. Olaı bolsa, aǵaıyn, bala tárbıesi tek otbasynda ata - analyq paryzymyz ǵana emes, Otan aldyndaǵy boryshymyz ekenin esten shyǵarmaıyq!

Búgingi keshten alǵan áserimizden árqaısymyz óz oıymyzben túıin túıeıik. Olaı bolsa, kesh sońynda mektepke jıi kelińizder. Ataqty pedagog V. Sýhomlınskııdiń «Januıa men mektep tárbıesi birikkende ǵana tolyq tárbıe bolady» degen sózin umytpańyzdar degimiz keledi. Búgingi keshimizdi ótkizýge atsalysqan ata - analarǵa, ustazdarǵa, oqýshylar sizderge rahmetimizdi aıtamyz.