InfoHub Logo

- Hajy-eke, ishik haıyrly bolsyn!

- Aıtsyn.

- Qanshaǵa aldyńyz?

- Kúıip tur eken ǵoı, 350 som...Umsyndyqqa kıim-keshek alaıyn dep edim, ony Máskeýden alǵaly turmyn.

- İshigińiz qymbat emes, men mynany 150-ge aldym, - dep, Toqysh ústindegi paltosyn kórsetti.

- Oı, shyraǵym-aı! Jurt jaryqtyq arqasynda bir bútindenip qalalyqta.

Toqysh kúlimsirep:

- Siz áli jurt arqasynda kıinip qalalyq dep otyrsyz, osyndaǵy gazetshi qýlardyń sózin estidińiz be? Olar bizdi kinárattap jatyr, jurttan kóp aqsha jınap alyp, óz paıdalaryna jumsap júr, 1 bir tıyndyq bitirgen isi joq, deıdi.

- E-e-e! Biz bireýden tartyp alyppyz ba, jurt ózi bergen soń sharıǵat boıynsha da, bizge gazetshi-mazetshiniń sózi kerek emes, úıi-basy 2-3 somnan el kedeı bolmas...

- Sonda da, hajy-eke, olar Joryqbaı aqsaqaldy uıaltyp tastapty...

- Shirkinniń uıalshaǵyn qarashy, ne bylshyldaısyń, seniń aqshań emes qoı dese bolmap pa?

- Jorekeń jaryqtyq jýas kisi ǵoı, úndemeıdi, sonda da sonshama aqshany qaıda jumsadyńdar dese, elge ne deısiń? Analar jurtqa jarıalaıtyn kórinedi.

- Shyraǵym, Toqysh-jan, sen áli balasyń ǵoı, biz mundaıdy kóp kórgemiz, onyń ne qysylatyny bar: advokatqa berdik dermiz, perevodchık, chınovnıkterge berdik deımiz, retin tappaımyz ba... deı bergende nómirge gazette qyzmet etetin bir jigit, sálem berip kirip keldi.

Hajy áfendi jalma-jan ishiktiń ústine shapanyn ile salyp, tasbıhyn tartqan bolyp otyra qaldy.

---