InfoHub Logo

Sabaqtyń taqyryby: İzdegen jeter muratqa

Maqsaty: oqýshylardy óz betinshe tanyp - bilýge, qushtarlyqqa, talpynysqa, izdeniske úıretý.
Mindetteri:
- oqýshylarǵa maqsatqa umtylýshylyq, muratqa jetý týraly túsinik berý;
- Oqýshylardyń erik - kúshin damytýǵa yqpal etý;
- Eńbekqorlyqqa, tabandylyqqa tárbıeleý
Kórnekilikteri: úntaspa, Abaıdyń qarasózderi.
Sabaqtyń túri: aralas sabaq.
Sabaqtyń ádis - tásili: oı - pikir, sahnalaý, jaýap berý.
Sabaqtyń barysy:
I. Shattyq sheńberi:
Oqýshylardy shattyq sheńberine uıymdastyra otyryp myna sóılemdi qaıtalaý.
- Men jaıdary, aqkóńil jáne belsendimin.
- Meniń qolymnan barlyǵy keledi.
- Men aınalama tek jaqsylyq tileımin.
- Men baqyttymyn.

II. Oılanaıyq, pikirleseıik
Adam balasy nelikten únemi talpynys, izdeniste bolady?
İzdenis bolmaǵan jaǵydaıda ne bolady dep oılaısyńdar?
İzdenis bolmaǵan jaǵydaıda ne bolady dep oılaısyńdar?
Maqsatqa umtylýshylyqtyń máni nede?
Adamdy qandaı qasıetter tabysqa jeteleıdi?
III. Mátinmen jumys
Balalar ózara pikir almasyp, oı tujyrymdaryn jasaǵan soń oqýlyqta oqyp úıreneıik aıdarynda berilgen A. Myrzabaev, D. Manatarovtyń «Áıgili hımıkter» kitabynan alynǵan úzindini oqýǵa berý.
1. Ǵalymdy qandaı qasıetter alǵa umtyldyrdy?
2. Ǵalymnyń tabysqa jetýdegi syry nede?

IV. Oqý aqparaty
Oqýshylar qarastyrylǵan máseleni alynǵan jaýaptarmen baılanystyra, salystyra qaraý.

Adamnyń óz yntasymen talap - maqsat qoıyp, ony ózi tańdaǵan talpynys, izdenispen ıgerýi ózine de, ózgege de, qorshaǵan ortaǵa da paıda keltiredi,
Udaıy izdegen adam óz betimen bilimnen jetildirip, ózdiginen damı alady.
V. Nazar aýdaraıyq
Abaıdyń «otyz birinshi sózin» muqıat qarap shyǵyp, balalarǵa jadynda saqtap alý tapsyrylady.
Abaıdyń OTYZ BİRİNSHİ SÓZ

Estigen nárseni umytpastyqqa tórt túrli sebep bar: áýeli - kókiregi baılaýly berik bolmaq kerek; ekinshi — sol nárseni estigende ıa kórgende ǵıbrátlaný kerek, kóńildenip, tushynyp, yntamen uǵý kerek; úshinshi — sol nárseni ishinen birneshe ýaqyt qaıtaryp oılanyp, kóńilge bekitý kerek; tórtinshi - oı keseli nárselerden qashyq bolý kerek. Eger kez bolyp qalsa, salynbaý kerek. Oı keselderi: ýaıymsyz salǵyrttyq, oıynshy - kúlkishildik, ıa bir qaıǵyǵa salyný, ıa bir nársege qumarlyq paıda bolý sekildi. Bul tórt nárse - kúli aqyl men ǵylymdy tozdyratuǵyn nárseler

VI. Sahnalaý
Berilgen oqý materıaldarynyń mazmunyna emosıalyq sezimdilik kúımen tıimdi qabyldaý úshin oqýlyqta Q. Tolybaevtyń «Qushtarlyq» áńgimesin oqýshylardyń rólge bólip, sahnalap kórsetý tapsyrylady.

VII. Jattyǵý
Qarasózdi oqyp, túıindi oılardy iriktep alyńdar. Olardyń mańyzdylyǵyn dáleldep berińder.

. Adam ata - anadan týǵanda esti bolmaıdy: estip, kórip, ustap, tatyp eskerse, dúnıedegi jaqsy, jamandy tanıdy daǵy, sondaıdan bilgeni, kórgeni kóp bolǵan adam bilimdi bolady. Estilerdiń aıtqan sózderin eskerip júrgen kisi ózi de esti bolady. Árbir estilik jeke ózi iske jaramaıdy. Sol estilerden estip, bilgen jaqsy nárselerdi eskerse, jaman degennen saqtansa, sonda iske jaraıdy, sonda adam dese bolady. Mundaı sózdi esitkende shaıqaqtap, shalyqtanyp ne salbyrap, salǵyrttanyp esitse, ne esitken jerde qaıta qaıyryp surap uǵaıyn dep tushynbasa, ne sol jerde sózdiń rasyna kózi jetse de, shyǵa berip qaıta qalpyna ketse, estip - esitpeı ne kerek? Osyndaı sóz tanymaıtuǵyn elge sóz aıtqansha, ózińdi tanıtuǵyn shoshqany baqqan jaqsy dep bir hakim aıtqan eken, sol sekildi sóz bolady.

Túıindi oılar Mańyzdylyǵy
Adam ómirge esti bolyp kelmeıdi. Ol úshin estip, kórip, olardy oıǵa toqý kerek. Eńbektenýde,
Tabandylyqta

Bilgeni, kórgeni kóp jáne olardy oıyna toqyǵan adamdy bilimdi, aqyldy dese bolady. Talaptanýda;
Qyzyǵýda.

Berilgen bilimdi, aıtylǵan aqyldy zeıinimen, kóńil qoıyp tyńdap, uǵyp alýǵa bolady. Talaptanýda;
Qyzyǵýda.

VIII. Dáıeksóz
Omar Haııamnyń naqyl sózin taldap, suraqtarǵa jaýap izdeý.
Júrektiń túrtip qulaǵyn,
Oılanyp taǵy qarashy.
Kimsiń sen, qaıda turaǵyń,
Endi qaıda barasyń?

- Sen kimsiń?
- Sen ómirde neni baǵalaısyń?
- Ne úshin ómir súresiń?

X. Úı tapsyrmasy
“Talaptyǵa nur jaýar” shyǵarma

XI. Júrekten júrekke
Oqýshylar sheńberge turyp, úntaspaǵa qosylyp E. Ótetileýovtiń «Jas dáýirdiń túlegimiz» óleńin aıtady.