InfoHub Logo

Sabaqtyń taqyryby: J. Aımaýytovtyń “Ánshi” áńgimesindegi Ámirqan beınesi
Sabaqtyń maqsaty:
Bilimdilik: áńgimeniń taqyryby men jazýshynyń ıdeıalyq muratyn mátinge súıene otyryp ashý, Ámirqan beınesin jan - jaqty taldaý.
Damytýshylyq: “Ádebıet pen óner egiz” degen uǵymdy ashý. Jeke jáne toptyq jumysta shapshańdyqqa baýlý, óz oıyn erkin jetkize bilýge, sóıleý mádenıetin qalyptastyrýǵa daǵdylandyrý.
Tárbıelik: oqýshylardy óner qudiretin sezinýge tárbıeleý, ulttyq qundylyǵymyz ben namysymyzdy qorǵaı bilýge úıretý, ultjandylyqqa, óz eline degen súıispenshilikke baýlý.

Sabaqtyń mindeti: Ámirqan beınesin jan - jaqty ashý.
Sabaqtyń túri: Jańa materıaldy ıgerý.
Sabaqtyń kórnekiligi: Jazýshy shyǵarmalary, keste, ınteraktıvti taqta.
Sabaqtyń ádisi: Túsindirý, suraq - jaýap, minezdeme, salystyrý, oı - túıin jasaý.
Pánaralyq baılanys: tarıh, mýzyka, geografıa.
Sabaqtyń barysy:
1. Uıymdastyrý kezeńi:
a) oqýshylarmen amandasý
á) oqýshylardy topqa bólý
2. Úı tapsyrmasyn suraý
Bólingen úsh top úı tapsyrmasyn úsh bólim boıynsha áńgimeleýi tıis.
İ. “Bolashaq” toby
Ánshimen alǵash tanysý
İİ “Ulan” toby
Naýryzdaǵy oıyn - saýyq
İİİ. “Ónerpaz” toby
Ánshiniń úıinde
3. Jańa sabaqty túsindirý.
Balalar biz ótken sabaqta talantty jazýshy Júsipbek Aımaýytovtyń “Ánshi” áńgimesimen tanysqan bolatynbyz. Osy “Ánshi” áńgimesinde Júsipbek Aımaýytov ánshi Ámirqan beınesi arqyly qazaq án ónerin, ulttyq mádenıetimizdi qalyń oqyrmanǵa pash etti dep aıtýǵa bolady. Búgingi sabaqta biz ánshi beınesin, ıaǵnı áńgimedegi Ámirqan beınesin tereńirek ashýǵa bar ynta - jigerimidi sala jumys isteımiz.

Balalar, sender bilesińder me, osy áńgimedegi Ámirqan beınesi arqyly qazaqtyń qandaı ataqty tulǵasynyń prototıpi berilgenin?
Prototıp - (grek sózi: túp - tórkin, negizgi beıne) ádebı shyǵarmadaǵy keıipkerlerdiń beınesin jasaýǵa tirek, negiz bolatyn ómirde bar adam, ıaǵnı túpki tulǵa.
Ámire Qashaýbaev týraly málimet
Ámire Qashaýbaev (1886 - 1934)

1886 jyly Semeı qalasy, abraly aýdanyna qarasty degeleń taýynyń eteginde týylǵan. “Aǵash aıaq”, “Úsh dos”, “Qos baraban”, “Qyzyl bıdaı”, “Smet”, “Jalǵyz arsha” sıaqty klasıkalyq ánderi Ámire aıtqan úlgimen ornyǵyp, keıingi ánshilerdiń repertýarlarynda jalǵasyn taýyp keledi.

“Ámireniń adamshylyǵy óte zor edi. Barynsha ádil júrekti edi. Dúnıe úshin qabaq shytyp, bir taryqpaıtyn. Qoń etin kesip beretin jomart edi. Ámire án salǵanda ándi kórkemdep, aspandata aıtar edi. Qandaı ándi bolsa da túzep, kesek beıneli án qyp aıtyp júrse de, mynany men túzedim demes edi. Ámire ándi ylǵı súıip, unatyp, ózi ánge ǵashyq bolǵandaı aıtatyn. Halyq kóp bolsa delebesi qozyp ketetin”.

(Qalıbek Qýanyshbaev 1893 - 1968 jyldar
aralyǵynda ómir súrgen, KSRO halyq ártisi, qoǵam qaıratkeri)

İ. DEŃGEI
Teorıalyq uǵymdardy eske túsiremiz
İ “Bolashaq” toby: Jalqy esimderdi túr túsine ajyratý
İİ “Ulan” toby: Dıalogtardy taýyp, rólderge bólip oqý
İİİ “Ónerpaz” toby: Ulttyq oıyn túrlerin, dástúrlerdi tabý

İİ DEŃGEI
Jeteleýshi suraqtar
1. Avtor Ámirqannyń túr - túsin qalaı sýretteıdi?
2. Ámirqannyń minez - qulqy mátindegi qandaı joldardan baıqalady?
3. Án, óner týraly Ámirqannyń ózi ne oılaıdy?
4. Tyńdaýshyǵa Ámirqan ániniń áseri qalaı sıpattalady?
5. Ámirqan ándi qalaı oryndaıdy?

İİİ. DEŃGEI
Ámirqan beınesin toptastyrý strategıasy boıynsha kórsetińder
İ “Bolashaq” toby: Minezi
İİ “Ulan” toby: Kásibi
İİİ “Ónerpaz»” toby: Qarym - qatynasy
İV. Qorytyndy

1. Jazýshynyń áńgime jazýdaǵy túpki oıy ne?
2. Hıkaıadan qandaı áser aldyńdar?
V. Baǵalaý
Vİ. Úıge tapsyrma
“Eger men jazýshy bolsam...” taqyrybynda oqýshylar shyǵarmany óz oılarymen aıaqtap, pikir - boljam jasap keldi.