InfoHub Logo

1 - júrgizýshi: Elbasy Joldaýynda Qazaqstannyń álemniń ozyq damyǵan 30 eliniń qataryna enýi úshin jumysshy kadrlardy daıyndaý sapasyn kóterý jáne olardyń eńbek naryǵynda suranysqa ıe mamandyqtardy ıgerýi qajet ekenin basa aıtty.
2 - júrgizýshi: Kezinde «ǵaryshker bolam», «ushqysh bolam» dep armandaıtyndar kóp edi. Qarap otyrsaq, qazir, qoǵamǵa qajetti mamandyqty meńgergen jastardyń qarasynda qısap joq. Bul, árıne, kóńil qýantpaı qoımaıdy. Qandaı kásiptiń bolsyn, óz paıdasy, qyzyǵy men qıynshylyǵy bar. Degenmen, jumysshy mamandyqtary búgingi eńbek naryǵynyń orasan suranysyn týdyryp otyr. Qaı kolejdi alsaq ta, zaman talabyna jaýap berýge yntaly.
1 - júrgizýshi: 
Ardaqty asyl meken kolejime,
Aıaýly asyl jandar kóp keledi.
Qurmetpen qonaqtarǵa sóz bereıik,
Jaqsy sóz janǵa ystyq nár beredi.
2 - júrgizýshi: Búgin bizdiń kolejimizge osy kolejdi tamamdaǵan, óz isiniń mamandary kelip otyr. Sahna tórine Shákim Araı, Beısenǵalıev Qorǵan, Aıdarhanov Medeý jáne Marat Ersindi shaqyramyz!
1 - júrgizýshi: Búgingi kúni barlyq Qazaqstan aýmaǵynda «Sanaly urpaq – jarqyn bolashaq» forýmdary ótýde. Osynyń negizinde kóptegen kolejderde «adaldyq ashanasy», «adaldyq dúkenderi» jumys isteýde. Bul degenimiz, jastardy bala kúninen bastap otanǵa degen patrıottyq sezim men adaldyq qasıetterdi uıalatýǵa tárbıeleıdi.
2 - júrgizýshi: Jemqorlyqpen kúres naýqandyq shara emes. Ol tek quzyrly mekemelerdiń ǵana mindetine jatpaıdy. Onymen únemi búkil halyq bolyp kúresýimiz kerek. Onyń tamyryna túbegeıli balta shappaıynsha, memlekette turaqty ósý - órkendeý bolmaıdy. Qazaqta "Aýrýyn jasyrǵan óledi" deıtin mátel bar. Jemqorlyqqa qarsy kúres jan - jaqty, úzdiksiz, ashyq ári ádiletti túrde júrgizilýi tıis. Biz sonda ǵana alǵa qoıǵan bıik maqsattarǵa qol jetkize alamyz. Kolejdegi «Sanaly urpaq» jasaǵynyń jetekshisiniń kómekshisi Adısheva Maqpal Baýyrjanovnany «Sybaılas jemqorlyqqa jol joq» baıandamasymen shaqyramyz!
1 - júrgizýshi: Kóńilge unar, shyqsa án syńǵyrlaǵan,
Kóńilge shattyq sezim qondyrar án.
Shymyrlap shyqqan kezde shyrqaý kókke,
Elitip tula boıyń balbyraǵan,- degendeı búgingi stýdentterdiń qurmetine İİ kýrs stýdenti Baqtybaeva Dananyń oryndaýyndaǵy tamasha ándi qabyl alyńyzdar.
2 - júrgizýshi: Kolej tabaldyryǵyn attaǵaly turǵan İ kýrs stýdentteri!
Qadamdaryńyz qutty bolsyn! Sabaqtaryńyzdy jaqsy oqyp,
úlken úlken jetistikterińizge jetýlerińe tilektespiz!
1 - júrgizýshi: Kelesi sóz kezegi İ kýrs ata - analar atynan cóz beriledi
2 - júrgizýshi: Toptardy úlestirý jáne top jetekshiler men óndiristik oqytý sheberlerin taǵaıyndaý úshin dırektordyń óndiristik oqytý isi jónindegi orynbasary Baınazarov Baýyrjan Oralulyn shaqyramyz!
1 - júrgizýshi: Osymen Bilim kúnine arnalǵan saltanatty jıyndy jabyq dep jarıalaımyz!
2 - júrgizýshi: Kelesi kezdeskenshe aman saý bolaıyq!