InfoHub Logo

Tehnologıa
7 synyp
Sabaqtyq taqyryby: Jalpy kıim toptary, túrleri. Stıl, sán, sılýet týraly túsinik.
Sabaqtyń maqsaty:
Bilimdilik: Oqýshylarǵa jalpy kıim men onyń stılderi týraly túsinik berý. Sán áleminiń tarıhyna kóz júgirtý jáne de sılýet túrlerinen maǵlumat berý. Oqýshylardyń teorıalyq bilimdiligin arttyrý, tanym – túsinikterin keńeıtý, shyǵarmashylyqqa baýlý;
Damytýshylyq: Oqýshylardy taldaý jasaýǵa jáne kıim stıliniń erekshelikterin ajyrata bilýge úıretý.
Tárbıelik: Oqýshylardy jas ereksheligine sáıkes kıinýge, kıiný mádenıetiniń qyr syryn usynatyn estetıkalyq tárbıe berý, ásemdikke sulýlyqqa uıymshyldyqqa baýlý.
Sabaqtyń túri: aralas
Sabaqtyń ádisi: túsindirý, suraq - jaýap, toppen jumys, saramandyq jumys.
Sabaqtyq kórnekiligi: oqýlyq, dápter, slaıd, plakat, túrli – tústi boıaýlar, sýretter, mata, túıreýishter, manıken
Pánaralyq baılanys: beıneleý óneri, tarıh, geometrıa, syzý

I. Uıymdastyrý kezeńi:
• Oqýshylarmen sálemdesemin;
• Oqýshylardy túgendeımin;
• Oqýshylardyń qural – jabdyqtaryn túgendeý;
• Oqýshylardyń zeıinderin sabaqqa aýdartý.

İİ. Psıhologıalyq trenıń: «Eki shyndyq, bir ótirik»

İİİ. Úı tapsyrmasyn tekserý:
1. Tigin mashınasynyń túrlerin atańyz. (qol mashına, aıaq mashına, elektrli mashına, arnaıy mashına).
2. Tigin mashınasynyń jobasyn usynǵan kim? (Leonardo da Vınchı)
3. Matany ylǵaldy - jylýmen óńdeý degenimiz ne? ( Matany útikteý)
4. Reseıdiń qaı qalasynda Zınger zaýyty ashyldy? (Podolsk)
5. Tigin mashınasynyń atasy? (Elıos Hoý)
6. Tigin mashınasymen jumys kezindegi qaýipsizdik erejeleri?
7. Qazirgi zamanǵa uqsas tigin mashınasyn oılap tapqan ǵalymdar?

III. Jańa sabaq
Kıim úlgisin jasyrý. (Jańa sabaqqa túsý).
Kıim – bul adam denesiniń jamylǵysy. Kıim adamdy qorshaǵan ortanyń, tabıǵattyń túrli áserlerinen qorǵaıdy. Onyń tutyný mánimen birge ǵuryptyq jáne belgili bir maqsatqa qyzmet etetin mańyzy bar. Kıim tigýge mal, ań terileri, ósimdik, aǵash, balyq, qus ónimderi, jasandy materıaldar paıdalanǵan.
Oqýshylardy eki topqa bólý. Jyl mezgilderi boıynsha kóktem, kúz. Qýyrshaqty kıindirý.

Sán ( modus degen latyn sózi) – ólshem, tásil, is – qımyl beınesi. Sán – belgili bir talǵamnyń ýaqytsha ústem bolýy. Sán – áleýmettik qubylys.
Tuńǵysh ret 1972 jyly qazaqstandyq sán ónerin shetelge pash etken kompanıanyń «Symbat» dep atalǵan tuńǵysh jýrnaly – 1958 jyly, al tuńǵysh moda teatry 1987 jyly ashyldy.
Qazirde elimizdi álemge tanytyp júrgen ataqty dızaınerlerimiz de jeterlik. Olardyń ishinde Aida KaumeNOVA, Kuralai (Quralaı Nurqadilova), Aıgúl Qasymova, LaRiya (Larıa Jaqambaeva), Salta (Saltanat Baımuhamedova) men ZhaZira - ny erekshe atap ótýge bolady.
Vıdeo - rolık tamashalaý.
Qýyrshaqtyń kıimin sándeý.

Al endi sol sán áleminde júretin sánqoılarmen tanysa otyrsaq,
Álemdegi eń kári modeldi bilesiz be?
Onyń esimi – Karmen Dell Orefıs, jasy 80 - de.

Álemdegi eń jas modeldiń jasy ekide Aıre Braýn – álemdegi eń jas model.

Sılýet (siluett degen fransýz sózi) – uzyndyǵy men eni boıynsha adam músininiń proporsıasyna jaqyndaý keletin geometrıalyq fıgýralardyń (tikburysh, trapesıa, úshburysh, sopaq, t. b.) birin beretin kıimniń kez kelgen bóliginiń syrtqy keskini. Sılýettiń mynadaı túrleri bolady: tik sılýet, beldes sılýet, sopaq sılýet, X – sılýet, trapesıa sılýet, jartylaı jantaıǵan sılýet.

Sulba túrleri denege qonymdylyǵy

• Denege jabysyp, qonymdy turatyn kıimder
• Tik (buıym eniniń keýde, bel, myqyn syzyqtary bir túzý syzyqta ornalasqan)

• Jartylaı jabysyp turatyn kıimder
• Keń jáne trapesıaly (tómenge jaǵy keń)

Stıl (styios degen grek sózi) – máner, sıpat, erekshelik. Kıimde birneshe – klasıkalyq, romantıkalyq, sporttyq, fólklorlyq (etnıkalyq) stılder bolady.
Klasıkalyq (qatań, iskerlik, elegantty) stıl – kelisti, iskerli, elegantty, ózgermeıtin stıl.

Romantıkalyq stıl – bul «qıal», «eske alý», «izdenister» salasy, tarıhı kostúmge meńzeıdi jáne onyń pishimin, sándik árleýin alyp paıdalanady. Kıimde áıeldik qasıetterdi beıneleıtin bólshekterdi, jıekterdi paıdalanady.

Sporttyq stıl –(sport úshin mindetti emes) qozǵalysqa, túrli jumysqa yńǵaıly. (demalys, sportpen jattyǵý, saıahat úshin yńǵaıly kıimder).

Fólklorlyq stıldi etnıkal (etnıkalyq) – ulttyq sıpattaǵy osy zamanǵy kıimder. Fólklorlyq sıpattaǵy kıimder sándiligimen erekshelenedi. Onda ulttyq qurastyrmaly oıý – órnek, kesteler, qol jumysynyń kóptegen elementteri keńinen paıdalanady. Bul stılge jatatyn kıim túrli halyqtyń jáne dáýirdiń ulttyq rýhy beıneleıdi.

Álemdegi eń úlken kóılekti káris dızaıneri, tiginshi Aamý Song kópshilikke tanystyrdy. 550 metr matadan tigilgen qyzyl kóılek rekordty jańartqan kórinedi. Kóılektiń atyn "REDDRESS" (qyzyl kóılek), kóılektiń túsine baılanysty. Helsınkı qalasynda tigilgen kóılek London men Nú - Iorktegi dızaın festıvaline qarasty kórmelerde barshaǵa tanystyryldy. Kóılektiń "qaltalaryna" 238 adam otyra alady eken.
Qýyrshaqty bir kıim stılinde sándeý. Suraq – jaýap arqyly oqýshylarmen pikirtalas júrgizý.

Úıge tapsyrma berý.
Taqyryp boıynsha túsinik aıtý.
Oqýshylardy baǵalaý.
- Sabaqqa qatysýlaryna baılanysty baǵalanady.
Jumys oryndaryn jınastyrý.