InfoHub Logo

Qyzylbas patshasynyń Abdýlla degen ýáziri bar edi. Sonyń zamanynda jurt buzylyp, bir kúni ýázir patshaǵa kele jatqanda halyq qamap: Degenimizdi iste, istemeseńiz óltiremiz, — dep, ishinde bir batyryraǵy ýázirdi saqalynan alyp julyqty. Ýázir ashý etpedi. Bulardan shyqqan soń patshaǵa baryp, jurttyń tilegin berińiz dep ótinip, tilegenin patshadan alyp berdi jáne óziniń kórgen kemshiligi úshin eshkimge jaza bermeńiz dep ony da tilep aldy. Erteńine ýázirge bir saýdager kelip:

— Taqsyr, keshe sizdi renjitip, saqalyńyzdan julyqqan kisini aıtaıyn dep keldim, ol Naǵym degen meniń kórshim edi, aldyryp jaza berińiz, — dedi.

Bul sózdi esitken soń ýázir saýdagerdi qaıtaryp, Naǵymdy shaqyrtyp aldy. Naǵym: Meniń keshegi isimdi bireý aıtyp tanytqan eken, — dep qoryqqanynan úreıi ketip, kele-aq ýázirdiń aıaǵyna jyǵyldy. Ýázir Naǵymdy jerden kóterip alyp, aıtty deıdi:

— Men seni jazalandyrý úshin shaqyrmadym. Biraq, kórshiń saýdager jaqsy kisi emes eken. Seniń bilmestigińdi maǵan kelip aıtty. Ekinshi ret ol kórshińnen saqtanyp júrgendeı ekensiń. Sony aıtaıyn dep shaqyryp edim. Endi aman bol! — dep ishkergi úıine kirip ketti deıdi.

---