InfoHub Logo

Úsh kisi jalanǵa shyǵyp, kún boıy qus aýlap, jalǵyz-aq shúregeı úırek atyp alypty. Keshke bir jerge kelip otyryp sóılesedi: bul úırekti úsheýimiz jep toımaımyz, bireýmizge jón bolmaıdy, — dep. İshinde bireýi qý jigit eken, bul aıtty:

— Oǵan aqyl tabylady. Úırekti pisirip, betin jaýyp qoıalyq ta, úsheýimiz de jatyp uıyqtalyq, qaısymyz jaqsyraq tús kórsek, úırekti sol jesin, — dedi.

Osyǵan sóz qoıysyp, úırekti pisirip, betin jaýyp, ózderi jatyp uıyqtaǵanda, manaǵy qý turdy da úırekti jep alyp, tabaǵynyń ústin áýelgishe jaýyp qoıdy. Erteń joldastarymen birdeı turyp qý surady:

— Ne tús kórdińizder? — dep.

Bireýi aıtty:

— Men aqboz atqa minip, altyn táj kıip, kókke ushyp júr ekenmin.

Ekinshisi aıtty:

— Men ushpaqqa kirip, hor qyzdary maǵan qyzmet etip júr eken.

Sonda qý aıtty:

— Ekeýińdiki de ras, men túsimde seńderge qarap turyp edim, biriń patsha bolyp kókke ushyp ketken soń, endi biriń ushpaqqa kirip ketken soń, bir shúregeı úırekke bola qaıtyp kelip jatar deımisiń dep, úırekti men jep qoıdym, — dedi.

---