InfoHub Logo

Bir kúni ataqty bir baı Jamanqara kúıshini shaqyryp alady.

— Áı, kúıshi, — deıdi ol, — meniń kishi toqalymdy kúıińmen uıytyp, isinen jańyldyrsań, astyńa at mingizemin, jetegińe túıe beremin. Al bul shartty oryndaı almasań, sen dombyra tartýdy qoıasyń.

— Maqul, — deıdi kúıshi. Ol kezde kúıshiniń naǵyz babynda júrgen shaǵy eken.

— Endeshe, ol qazir úıge kelip qamyr ıleıdi. Sol kezde sen kúıińdi bastaısyń.

Sóıtip, kelinshek qamyrdy ıleýge kirise bergende, kúı de kúmbirleı jóneledi. Arqalanyp ketken kúıshi qansha kúı tartqanyn bilmeıdi, kelinshektiń qoly tabaqtan shyǵyp ketip, jer ılep otyrǵanyn baıqaıdy. Al baıǵa qarasa, qabaǵy túıilip, jerge qarap otyr eken. Kúıshi kúıdi short úzip tastaıdy da:

— Baıeke, shartty oryndańyz, — deıdi. Uıalǵan baı shartty oryndaý úshin dalaǵa shyǵyp júre bergen eken.

 

---