InfoHub Logo

Jan anashym!
Ana - degen baqyt qoı ol, aq arman.
Ana - degen kútip alar tań aldan.
Sol ananyń qudiretinen nár alyp.
Barlyq pende sol anadan jaralǵan.
Ana - degen kim dese eger maǵan.
Ana - degen tań der edim alaýlaǵan.
Bul ómirde qansha tátti bolsa da,
Óz janymdy berer edim men oǵan.
Jan bar ma eken jaqyn bolǵan anadan.
Beınetińniń - zeınetin kór baladan.
Aıalaǵan, mápelegen, ósirgen.
Aınalaıyn, aınalaıyn anadan.
Aqylshymsyń, aıaýly jan - anashym.
Bir men úshin bıiksiń sen, darasyń.
Qıyndyqta qasymyzdan tabylar,
Erekshe ǵoı, bizge degen qarasyń.
Jan anashym taıanyshym, tiregim.
Ómirdegi bar baqytty tiledim.
Árqashanda bizdi «jaqsy» bolsa dep,
Lúpildeıdi názik, qamqor júregiń.
Meniń anam aqyl - oıdyń danasy.
Meniń anam ul - qyzynyń panasy.
Úıretetin oqýshyǵa jalyqpaı,
Meniń anam myń balanyń anasy.
Anashym, biz qaryzbyz ózińizge.
Mápelep, áldılegen sózińizge.
Tilerimiz bul ómirde bizdiń sizge,
Túspese eken, deımin ájim júzińizge.
Gúlin bergen, jyryn bergen dalamnyń.
Meıirimińnen - kúndeı jylý tabamyn.
Óziń artqan úmitińdi aqtap men,
Jarqyraımyn, bıik shyńnan janamyn.
Keldińizder, aq batany bizge berip.
Sol batamen kelemiz biz de ónip.
Ul - qyzymen qýanyshta birge bolyp,
Ata - anam otyrsa eken 100 - ge kelip